bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Numbers 11
Numbers 11
Quechuan QXO (Biblia en Quechua del sur de Conchucos)
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 12 →
1
Israel runakuna pasaypa ñakar Tayta Diospa contran parlayaptinmi Tayta Dios pasaypa rabyakurqan. Tsaymi paypita nina shamur campamentu kuchunchö kaykaq toldukunata ruparqan.
2
Runakuna pasaypa mantsakarmi Moisésta rugakuyarqan. Tsaymi Tayta Diosta paykunapä Moisés mañakuptin nina upirqan.
3
Ninawan Tayta Dios rupatsinqanpitam tsay sitiuta jutitsiyarqan Tabera jutin kananpä.
4
Tsaypitanam Israel runakunawan takukashqa aywaq jäpa runakuna Egiptuchö alli mikuykunata mikuyanqanta yarpätsiyarqan. Tsaymi Israel runakuna alläpa aytsanar waqarnin niyarqan: «¡Pillarä aytsata qaraykamashwan!
5
Egiptuchöqa debaldillam pescäduta mikuq kantsik. Tsaynöllam pepinuta, melonta, pöruta, ceböllata y äjusta mikuq kantsik.
6
Peru kaychö manállata mikur pasaypa ajayashqanam kaykantsik».
7
(Manáqa culandrupa murunnömi y jachapa weqin niraq qarwashmi karqan.
8
Cada wäraymi manáqa shullyanö warämuq. Tsaytam runakuna qoriskir aqayaq o rumiwan takayaq. Wakinqa kusinayaq y wakinnam tsaypita tantata rurayaq. Tsaynö ruraskir mikuyaptinmi aceitiwan masarashqa tantanö gustunpis karqan.)
10
Israel runakuna wamrankunawan toldu punkunchö waqayanqanta wiyarmi Moisés y Tayta Dios pasaypa rabyanäyarqan.
11
Tsaymi Tayta Diosta Moisés nirqan: «Sirviqniki kaykaptïqa ¿imanirtä ñakatsimanki? ¿Imanirtä mana kuyapämaypa Israel runakunata pushanäpä churamarquyki?
12
¡Manam paykunapa mamantsu ni papänintsu kä! ¿Imanirtä nimarquyki chuchuykaq wamratanö marqashqa apanäpä? ¿Imanörä Abrahamta, Isaacta y Jacobta awninqayki nacionman chätsishä?
13
¿Tsaytsika runakuna mikuyänanpä maypitatä aytsata tarishä? Pasaypa aytsanarmi waqar niyäman: «Aytsata qarayämay».
14
Tsaytsika runakunata japallä manam pushayta puëdïtsu. Kay runakuna pasaypam rabyatsikuyan.
15
Rasunpa kuyamarqa ñakatsimänaykipa rantin juklla qorikallämay».
16
Tayta Diosnam nirqan: «Qanchis chunka (70) Israel mayor runakunata qayaykatsir Tinkuna Tolduman pushay. Tsaychö llapayki shuyäyämay.
17
Tsaymanmi noqa shamushä qamwan parlanäpä. Israel runakunata pushar yanapayäshunaykipämi qamchö kaykaq Espïrituta paykunatapis qarashä. Kananpitaqa mananam japallaykinatsu pushanki.
18
«Wiyarqümi Israel runakuna waqar niyanqanta: «¡Pillarä aytsata qaraykamashwan mikurkunantsikpä! ¡Kaychö ñakar kawanqantsikpa rantin mas allim kanman karqan Egiptullachö quëdakamushqa!» Kananqa Israel runakunata niy waray junaq aytsata mikuyänanpä kanqanta. Tsaypäqa kanan junaq purificakuyätsun. Noqam aytsata qarashä.
19
Aytsataqa manam juk junaqllatsu ni ishkay junaqllatsu ni pitsqa junaqllatsu ni chunka junaqllatsu ni ishkay chunka junaqllatsu mikuyanqa,
20
sinöqa juk killam pasaypa melanäyanqanyaq mikuyanqa. Paykunawan kaykaptïmi «¡imapärä Egiptupitapis yarqamurqantsik!» nir waqaykäyan. Tsaynö parlarmi manakaqman churayämashqa».
21
Tsaynam Moisés nirqan: «Pushaykanqä runakuna joqta pachak waranqam (600,000) kaykäyan. ¿Tsaytsikaq kaykäyaptïku juk killa entëru aytsata qarayämanki?
22
¿Maychötä tsaytsika üshapis cabrapis wäkapis kaytsika runakuna mikuyänanpä? Lamarchö llapan pescädupis manam aypanqatsu».
23
Tayta Diosnam nirqan: «¿Pasaypa poderniynaq kanqätaku yarpanki? Kananmi rikanki ninqäkunata cumplinqäta».
24
Tsaypita aywarmi Moisésqa llapan runakunata willarqan Tayta Dios ninqankunata. Tsaypitanam qanchis chunka (70) mayor runakunata qoriykur Tinkuna Toldu ñöpankunaman ichïtsirqan.
25
Tinkuna Toldu jananman pukutaychö uraskamurmi Moiséswan Tayta Dios parlayarqan. Tsaymi Moiséschö kaykaq Espïrituta qanchis chunka mayor runakunatapis entregarqan. Espïrituta chaskiskirnam profëtanöna parlayarqan. Tsaypita yapayqa mananam imaypis tsaynö parlayarqannatsu.
26
Qanchis chunka (70) mayor runakunata qayarmi Eldadta y Medadtapis Moisés qayarqan. Peru Tinkuna Tolduman aywayänanpa trokin campamentullachömi quëdakuyarqan. Paykunamanpis Espíritu chaptinmi profëtanö parlar qallaykuyarqan.
27
Tsaymi juk jövin cörrilla aywar Moisésta willarqan: «Eldadwan Medadqa profëtanömi campamentunchö parlaykäyan».
28
Tsaynö willaptinmi Moisésta Nunpa tsurin Josué nirqan: «¡Taytay, tsaynö mana parlayänanpä michay!» Josuéqa Moiséspa yanapaqnin jövinmi karqan.
29
Moisésnam nirqan: «¿Imanirtä noqalla profëta kanäta munanki? ¡Allim kanman llapan runakunapis profëta kayänanpä Espïritunta Tayta Dios qaraptin!»
30
Tsaypitanam Moiséspis y mayor runakunapis campamentunkunaman kutikuyarqan.
31
Tsaypitanam lamarpita vientuta Tayta Dios vientutsimurqan. Tsay vientum tsaytsika codornizkunata patsallapa päriykaqta campamentu ñöpankunaman apamurqan. Tsay codornizkunam campamentu ñöpankunapa juk junaq aywayyaq kayarqan.
32
Ishkay junaq y juk paqasmi Israel runakuna tsaytsika codornizkunata tsariyarqan. Wallkallata tsariqkunapis chunka muntuntam qoriyarqan. Tsaypitanam campamentu ñöpankunachö majar tsakitsiyarqan.
33
Codornizta tsayrä mikur qallaykäyaptinmi Tayta Dios pasaypa rabyashqa kar atskaq runakunata qeshyawan castigar wanutsirqan.
34
Pachallapä yarparaqkunata tsaychö pampayanqanpitam tsay partita jutitsiyarqan Kibrot-hataava jutin kananpä.
35
Kibrot-hataava partipita aywakurmi Israel runakuna Hazerot partiman chäyarqan. Tsaychömi campamentukunata rurar patsakuyarqan.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 12 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36