bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Numbers 31
Numbers 31
Quechuan QXO (Biblia en Quechua del sur de Conchucos)
← Chapter 30
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 32 →
1
Moiséstam Tayta Dios nirqan:
2
«Israel runakunata jutsata ruratsiyanqanpita madianita runakunata ushakätsiy. Tsaypitarämi wanukur unay castaykikunawan tinkuq aywakunki».
3
Tsaymi Israel mayinkunata Moisés nirqan: «Tayta Diosta rabyatsiyanqanpita madianita runakunata wanutsiq aywayänaykipä akranakuyay.
4
Cada trïbupitam waranqa (1,000) runakuna kayanqa guërraman aywayänanpä».
5
Tsaynö niptinmi cada trïbupita waranqa (1,000) runakunata akrayarqan. Tsaymi guërraman aywayänanpä chunka ishkay waranqa (12,000) runakuna kayarqan.
6
Tsay runakunatanam Moisés mandarqan guërraman aywayänanpä. Tinkuna Sagrädu Toldupita sagrädu manëjukunata y cornëtakunatapis tukananpä apakurkurmi paykunawan sacerdöti Eleazarpa tsurin Fineespis aywarqan.
7
Chaykurmi Moisésta Tayta Dios ninqannölla madianita runakunata atacar llapan ollqu kaqkunata wanutsiyarqan.
8
Tsaychömi madianita runakunapa pitsqa mandaqnin reykunatapis wanutsiyarqan. Tsay reykunam kayarqan Evi, Requem, Zur, Hur y Reba. Tsaynöllam wanutsiyarqan Beorpa tsurin Balaamtapis.
9
Tsaypitam madianita runakunapa warminkunata, wamrankunata, ashmankunata y imaykankunatapis chaniyuq kaqtaqa apayarqan.
10
Llapan markankunata y wayinkunatam chipyaq rupatsiyarqan.
11
Tsaynöpam runakunapa imaykanta y ashmankunatapis qori qorirkur apayarqan.
12
Llapan qoriyanqantam Moisés, sacerdöti Eleazar y quëdaq Israel mayinkuna kaykäyanqan kaqman chätsiyarqan. Tsay witsanmi Jericó tsimpan y Jordán mayu lädun Moab pampachö Israel runakuna taykäyarqan.
13
Campamentunkunaman manarä chätsiyaptinmi Moisés, sacerdöti Eleazar y Israel runakunapa llapan mandaqninkunapis taripaq aywayarqan.
14
Tsay mandaqkunaqa waranqa (1,000) soldädukunapa mandaqninkunawan pachak (100) soldädukunapa mandaqninkunam kayarqan. Paykunawan tinkuskirmi Moisés pasaypa rabyakurqan.
15
Tsaymi rabyarnin nirqan: «¿Imanirtä madianita warmikunataqa wanutsiyarquykitsu?
16
Tsay warmikunam Balaam yätsiptin Israel runakunata pushayarqan Baal-peor diosta adorayänanpä. Tsaypitam Tayta Dios mantsariypä qeshyata yuritsiptin noqantsikchö atskaq wanuyarqan.
17
Jinan höra wanutsiyay llapan ollqu wamrakunata. Warmikunatapis runawan kakushqa kaqtaqa wanutsiyay.
18
Peru manarä runawan kakushqa jipashkunata sïqa apakuyay.
19
«Runakunata wanutsiq soldädukuna y ayata yataq soldädukunaqa qanchis junaqyaq campamentuman mana yaykur juklächö täyätsun. Campamentuman yaykuyänanpäqa paykunapis, apayämunqan jipashkunapis y warmi wamrakunapis kananpita kimsa junaqta purificakur bäñakuyätsun. Tsaynölla qanchis junaqchöpis purificashqa kayänanpä yapay bäñakuyätsun.
20
Röpankunatapis taqshakuyätsun. Tsaynölla purificayätsun qarapita rurashqa kaqkunata, cabrapa millwanpita awashqa kaqkunata y qerupita llaqllashqa manëjukunatapis».
21
Guërrapita kutimuqkunata qoriskirnam sacerdöti Eleazar nirqan: «Kay leyta cäsunapämi Moisésta Tayta Dios nishqa:
22
«Campamentuman yaykatsiyänaykipäqa imatapis qoripita, qellaypita, fiërrupita, broncipita, estäñupita y plömupita rurashqa kaqkunata
23
ninachö wayllätsiyanki. Tsaypitana purificatsina yakuwan mayllayanki. Tsaynöpam purificashqana kanqa. Nina rupananpä kaqkunatam sïqa yakuwan mayllayanki purificashqa kayänanpä.
24
Qanchis junaqta cumpliskir purificashqa kayänaykipä röpaykikunata taqshakuyanki. Tsaypitarämi campamentuman yaykayämunki».
25
Tsaypitanam Moisésta Tayta Dios nirqan:
26
«Madianita runakunapa markankunapita ashmakunata y warmikunatapis aykata apayämunqanta musyanaykipä sacerdöti Eleazarwan y Israel runakunapa mandaqninkunawan yupayay.
27
Tsaynö yupaskir ishkayman iwal rakiyay. Pullan kaqmi kanqa guërraman aywaqkunapä y pullan kaqnam kanqa wakin Israel runakunapä.
28
Guërraman aywaqkunapata noqapä rakiyanki cada pitsqa pachak (500) jipashkunapita jukta. Tsaynölla noqapä rakiyanki wäkakunapita, ashnukunapita, üshakunapita y cabrakunapitapis cada pitsqa pachakpita (500) jukta.
29
Noqapä rakiyanqankunata sacerdöti Eleazarta entreganki.
30
«Israel runakunapä rakiyanqaykikunata cada pitsqa chunka (50) jipashkunapita jukta rakiyanki. Tsaynölla rakiyanki wäkakunapita, ashnukunapita, üshakunapita y cabrakunapitapis cada pitsqa chunkapita (50) jukta. Tsaykunatana entregayanki levitakunata. Paykunam cuidayan Tayta Diospa Sagrädu Toldunta».
31
Tsaynö niptinmi sacerdöti Eleazarwan Moisésqa Tayta Dios ninqannö llapanta rurayarqan.
32
Guërraman aywaq runakuna apayämunqan kaqkunam karqan joqta pachak qanchis chunka pitsqa waranqa (675,000) cabrakunawan üshakuna,
33
qanchis chunka ishkay waranqa (72,000) wäkakuna,
34
joqta chunka juk waranqa (61,000) ashnukuna,
35
y kimsa chunka ishkay waranqa (32,000) doncëlla jipashkuna.
36
Tsaypita guërraman aywaqkunapä rakipäyanqankunam karqan kimsa pachak kimsa chunka qanchis waranqa pitsqa pachak (337,500) cabrakunawan üshakuna.
37
Tsay rakipanqanpitam Tayta Diospä joqta pachak qanchis chunka pitsqa (675) cabrakunatawan üshakunata entregayarqan.
38
Kimsa chunka joqta waranqa (36,000) wäkakunapita Tayta Diospä qanchis chunka ishkayta (72) entregayarqan.
39
Kimsa chunka waranqa pitsqa pachak (30,500) ashnukunapitana Tayta Diospä joqta chunka jukta (61) entregayarqan.
40
Chunka joqta waranqa (16,000) jipashkunapitana Tayta Diospä kimsa chunka ishkayta (32) entregayarqan.
41
Llapan tsaykunatam Tayta Dios ninqannölla sacerdöti Eleazarta Moisés entregarqan.
42
Guërraman aywaqkunata rakipanqanpita pullan kaqta Israel mayinkunata Moisés rakipanqankunam karqan
43
kimsa pachak kimsa chunka qanchis waranqa pitsqa pachak (337,500) cabrankunawan üshakuna,
44
kimsa chunka joqta waranqa (36,000) wäkakuna,
45
kimsa chunka waranqa pitsqa pachak (30,500) ashnukuna,
46
y chunka joqta waranqa (16,000) doncëlla jipashkunapis.
47
Tayta Dios ninqannöllam cada pitsqa chunka (50) jipashkunapita jukta Moisés rakiparqan levitakunapä. Tsaynöllam cada pitsqa chunka ashmakunapita jukta rakiparqan levitakunapä. Paykunam Tayta Diospa Sagrädu Toldunta cuidayan.
48
Tsaypitam waranqa (1,000) soldädukunapa mandaqninkunawan pachak (100) soldädukunapa mandaqninkuna Moisésta
49
niyarqan: «Taytay, guërraman pushanqä soldädukunata yupaptï manam ni jukllayllapis faltantsu.
50
Tsaymi guërrachö qoriyämunqankunata Tayta Diospä apaykäyämü qoripita rurashqa brazalëtikunata, pulcërakunata, sortïjakunata, arëtikunata y wakin alhäjakunatapis. Tsaykunatam apaykämü Tayta Dios mana ushakätsimänanpä».
51
Tsaynö niptinmi qoripita rurashqa adornukunata Moiséswan Eleazar chaskiyarqan.
52
Waranqa (1,000) soldädukunapa mandaqninkunawan pachak (100) soldädukunapa mandaqninkuna Tayta Diospä apayanqan qorim lasarqan pachak puwaq chunka chusku kïlu (184).
53
Tsay entregayanqan qori alhäjakunam karqan guërraman aywaq soldädukuna cada ünun apayanqanpita quëdaqkuna.
54
Mandaqkuna apayanqan qoripita rurashqa alhäjakunata chaskiskirmi Moiséswan Eleazar Tinkuna Tolduman churayarqan Israel runakunata Tayta Dios yanapanqanta imaypis yarparäyänanpä.
← Chapter 30
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 32 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36