bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Numbers 27
Numbers 27
Quechuan QXO (Biblia en Quechua del sur de Conchucos)
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 28 →
1
Manasés trïbuchö tsay ñañalla pitsqa warmikunapa jutinkunam karqan Maala, Noa, Hogla, Milca y Tirsa. Paykunaqa Zelofehadpa warmi tsurinkunam kayarqan. Zelofehadnam karqan Heferpa tsurin, Hefernam karqan Galaadpa tsurin, Galaadnam karqan Maquirpa tsurin, Maquirnam karqan Manaséspa tsurin, Manasésnam karqan Josépa tsurin.
2
Tsay pitsqan warmikunam Tinkuna Toldupa patiunman aywayarqan Moiséswan, sacerdöti Eleazarwan y wakin mandaqkunawanpis parlayänanpä. Chaykurmi niyarqan:
3
«Desiertuchömi papänïkuna wanushqa. Tayta Diospa contran Coré shäriptin payqa manam mëtikurqantsu tsay runakunawan wanunanpä, sinöqa qepatarämi kikinpa jutsanpita wanurqan. Papänïpaqa manam ollqu tsurin kashqatsu.
4
Tsaynö kaptinpis ollqu tsurin mana kanqallanpitaqa papänïkunapa jutin manam illakanmantsu. Mana illakänanpä papänïpa wawqinkunata chakrata rakipanqaykillachö noqakunatapis chakrata rakipaykayällämay».
5
Warmikuna tsaynö mañakuyaptinmi Moisésqa Tayta Diosta tapukurqan.
6
Tsaynö tapukuptinmi Tayta Dios nirqan:
7
«Zelofehadpa warmi tsurinkuna allitam yarpaykäyan. Zelofehadpa wawqinkunata rakipur lädunkunallapa tsay warmikunatapis chakrata rakipunki. Tsaynöpam papäninpa rantin paykunana chakrata chaskiyanqa.
8
Tsaynölla Israel runakunata niy: «Pipis ollqu tsuriynaqlla wanuptinqa warmi tsurinpänam chakran kanqa.
9
Peru jukllayllapis tsurin mana kaptinmi sïqa wawqinkunapäna tsay runapa chakran quëdanqa.
10
Wawqinkuna mana kaptinqa tiyunkunapänam chakran quëdanqa.
11
Papäninpa wawqinkuna mana kaptinqa mayqanpis legïtimu castanpämi chakran quëdanqa. Kay ninqäkunaqa leymi kanqa Israel runakuna imaypis cumpliyänanpä».
12
Tsaypitanam Moisésta Tayta Dios nirqan: «Israel runakunata entreganäpä kaq nacionta rikanaykipä Abarim jirkakunaman witsämuy.
13
Tsaypita llapanta rikaskir wanukurmi wawqiki Aarónnö unay castaykikunawan tinkuq aywakunki.
14
Zin desiertuchö Israel runakuna yakunar conträ parlayaptin mana cäsuyämanqaykipitam tsaynö wanunki. Qaqapita yakuta pashtatsimunqayki hörapis runakunata manam musyatsirquykitsu santu kanqäta». (Tsaynö päsarqan Cades partichö kaykaq Meriba pukyuchömi. Cadesqa Zin desiertuchömi kaykan.)
15
Tsaynö niptinmi Tayta Diosta Moisés nirqan:
16
«Tayta Dios, qammi pïmaytapis kawayta qaranki. Kananqa noqapa trokï juk mandaqta churaykullay
17
Israel runakuna maypa aywayaptinpis pushananpä, sinöqa mitsiqniynaq üshanömi kayanqa».
18
Tsaynö niptinmi Tayta Dios nirqan: «Nunpa tsurin Josuémi noqa munanqänö kawan. Qampa trokiki Israel runakunapa mandaqnin kananpä paypa umanman makikita churay.
19
Tsaypitana sacerdöti Eleazarman pushaykur llapan runakunapa puntanchö mandaq kananpä churay.
20
Israel runakunata willay payta cäsuyänanpä.
21
Josué imatapis tapukamayta munarqa sacerdöti Eleazarmanmi aywanqa. Eleazarnam Josuépa jutinchö Urim rumiwan tapukamanqa. Imata rurananpäpis musyaykurmi Israel runakunata Josué mandanqa».
22
Tayta Dios ninqannölla llapanta Moisés rurarmi sacerdöti Eleazarpa y llapan runakunapa puntanman Josuéta pusharqan.
23
Tayta Dios ninqannöllam Moisésqa Josuépa umanman makinta churarqan trokin mandaq kananpä.
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 28 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36