bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Numbers 4
Numbers 4
Quechuan QXO (Biblia en Quechua del sur de Conchucos)
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 5 →
1
Moisésta y Aaróntam Tayta Dios nirqan:
2
«Coatpita miraq levitakunata ayllunpa ayllunpa castanpa castanpa censayay.
3
Paykunata censayanki kimsa chunka (30) watayuqpita pitsqa chunka (50) watayuqyaq. Tsay edä runakunam Tinkunantsik Tolduchö imapis ruraypä kaqkunata rurayanqa.
4
Coatpita miraq runakunam Tinkunantsik Tolduchö sagrädu kaqkunata apayanqa.
5
«Patsakuyanqanpita Israel runakuna aywakuyänanpämi Aarónwan tsurinkuna Pactu Babulta pituyanqa. Tsaynö pituyanqa Lugar Santupita Lugar Santïsimuta rakiq cortïnawanmi.
6
Tsay jananmanmi fïnu qarapita rurashqa tolduwan pituyanqa. Tsay toldu jananmannam juk piëzalla awashqa azul tëlawan pituyanqa. Tsaypitanam puritsiyänanpä ishkay largu qerukunata churayanqa.
7
«Tsaynölla tanta churakuna mësapita tantata jipiskir azul tëlawan pituyanqa. Tsay tëla jananmanmi churayanqa plätukunata, wishllakunata y altarman vïnuta jichananpä kaq cöpakunatapis järrakunatapis. Tsaynöllam jipinqan tantatapis tëla jananman churayanqa.
8
Llapanta churaykurmi puka tëlawan pituyanqa. Tsay jananpa fïnu qarapita rurashqa tolduwan pituykurmi ishkay largu qerukunata churayanqa apayänanpä.
9
«Tsaynöllam mechëruntinta candilëruta, alicätinkunata, platïllukunata, aceiti wiñakuyänan väsunkunatapis azul tëlawan pituyanqa.
10
Tsaykunatam fïnu qarapita rurashqa tolduwan piturkur apayänanpä kirma jananman churayanqa.
11
«Tsaynöllam qoripita rurashqa altartapis azul tëlawan pituyanqa. Tsay jananpam fïnu qarapita rurashqa tolduwan piturkur ishkay largu qerukunata churayanqa apayänanpä.
12
«Tsaypitanam Tinkunantsik Sagrädu Tolduchö manëjukunatapis azul tëlakunawan pituyanqa. Tsaynöllam fïnu qarapita rurashqa tolduwan piturkur apayänanpä kirma jananman churayanqa.
13
«Sacrificiu rupatsina altarpita uchpata limpiaskirmi granäti tëlawan altarta pituyanqa.
14
Tsay tëla jananmannam churayanqa tenäzakunata, trinchikunata, kañallakunata, tazonkunata y altarchö llapan manëjukunatapis. Tsaypitanam fïnu qarapita rurashqa tolduwan piturkur apayänanpä ishkay largu qerukunata churayanqa.
15
«Aarónwan tsurinkuna llapan tsay sagrädu kaqkunata pituyta ushaskiyaptinnam Coatpita miraqkuna apayänanpä shayämunqa. Manarä pitushqa kaptinqa manam yatayllapis yatayanmantsu. Tsaykunata yatarqa wanuyanqam. Tsaynöpam Tinkuna Tolduchö kaqkunata Coatpita miraqkuna apayanqa.
16
«Aarónpa tsurin Eleazarmi apanqa candilëru tsarinanpä aceitita, mushkuq inciensiuta, altarchö rupatsinanpä apayämunqan tsaki mikuykunata y sagrädu aceititapis. Paymi encargädu kanqa Sagrädu Toldupä y tsaychö kaykaq llapan manëjukunapäpis».
17
Moisésta y Aaróntam Tayta Dios nirqan:
18
«Cuidädutä levitakunachö Coat castapita miraqkuna ushakäyanman.
19
Sagrädu manëjukunata yatar mana wanuyänanpä Aarón y tsurinkuna Coat casta runakunata tantiyatsiyanqa imata rurayänanpä y imata apayänanpäpis.
20
Tsay sagrädu manëjukunata manarä pituyaptin Tinkunantsik Tolduman ama yaykuyätsunrätsu. Tsay manëjukunata rikarqa wanuyanqam».
21
Tsaypitanam Moisésta Tayta Dios nirqan:
22
«Tsaynölla Gersónpita miraq levitakunata ayllunpa ayllunpa castanpa castanpa censayay.
23
Paykunata censayanki kimsa chunka (30) watayuqpita pitsqa chunka (50) watayuqyaq. Tsay edä runakunam Tinkunantsik Tolduchö imapis ruraypä kaqkunata rurayanqa.
24
«Gersónpita miraq levitakunam apayanqa
25
Tinkunantsik Sagrädu Toldupa cortïnankunata, Tinkunantsik Tolduta, qataraq toldunkunata, tsay jananman qataraq fïnu qarapita rurashqa tolduta, Tinkunantsik Toldupa punkun tsaparaq cortïnata,
26
patiutawan altarta jiruruypa tsaparaq cortïnakunata watuntinta, waqtapita patiuman yaykuna cortïnata y wakin manëjunkunatapis.
27
Aarónwan tsurinkunam niyanqa Gersón runakuna imata rurayänanpä y imata apayänanpäpis.
28
Tsay manëjukunatam Gersónpita miraqkuna apayanqa. Llapantam rurayanqa sacerdöti Aarónpa tsurin Itamar ninqannölla.
29
«Tsaynölla Meraripita miraq runakunata ayllunpa ayllunpa castanpa castanpa censayay.
30
Paykunata censayanki kimsa chunka (30) watayuqpita pitsqa chunka (50) watayuqyaq. Tsay edä runakunam Tinkunantsik Tolduchö imapis ruraypä kaqkunata rurayanqa.
31
Paykunam apayanqa Tinkunantsik Sagrädu Toldupa marcunkunata, travisninkunata, jorcunninkunata, jawiräkunanta,
32
Tinkunantsik Sagrädu Toldupa patiunpa jorcunninkunata, jorcunpa jawiräkunanta, estäcankunata, watunkunata y llapan manëjunkunatapis. Qammi willanki cada ünu imata apayänanpä kanqantapis.
33
Tsay manëjukunatam Meraripita miraqkuna apayanqa. Tinkunantsik Tolduchö sirvimarmi llapanta rurayanqa sacerdöti Aarónpa tsurin Itamar ninqannölla».
34
Tayta Dios tsaynö niptinmi Moiséswan Aarón y mayor runakuna Coatpita miraqkunata ayllunpa ayllunpa castanpa castanpa censayarqan.
35
Tsaynömi censayarqan kimsa chunka (30) watayuqpita pitsqa chunka (50) watayuqyaq. Tsay edä runakunam Tinkuna Tolduchö imapis ruraypä kaqkunata rurayarqan.
36
Coatpita miraqkunata censayaptinmi ishkay waranqa qanchis pachak pitsqa chunka (2,750) runakuna kayarqan.
37
Paykunam Tinkuna Tolduchö ima ruraykunatapis rurayarqan. Moisésta Tayta Dios ninqannöllam paykunata Moiséswan Aarón censayarqan.
38
Gersónpita miraqkunatapis ayllunpa ayllunpa castanpa castanpam censayarqan.
39
Tsaynömi censayarqan kimsa chunka (30) watayuqpita pitsqa chunka (50) watayuqyaq. Tsay edä runakunam Tinkuna Tolduchö imapis ruraypä kaqkunata rurayanqa.
40
Gersónpita miraqkunata censayaptinmi ishkay waranqa joqta pachak kimsa chunka (2,630) runakuna kayarqan.
41
Paykunam Tinkuna Tolduchö ima ruraykunatapis rurayarqan. Tayta Dios ninqannöllam Moiséswan Aarón paykunata censayarqan.
42
Meraripita miraqkunatapis ayllunpa ayllunpa castanpa castanpam censayarqan.
43
Tsaynömi censayarqan kimsa chunka (30) watayuqpita pitsqa chunka (50) watayuqyaq. Tsay edä runakunam Tinkuna Tolduchö imapis ruraypä kaqkunata rurayarqan.
44
Meraripita miraqkunata censayaptinmi kimsa waranqa ishkay pachak (3,200) runakuna kayarqan.
45
Paykunam Tinkuna Tolduchö imapis ruraypä kaqkunata rurayarqan. Tayta Dios ninqannöllam Moiséswan Aarón paykunata censayarqan.
46
Levitakunata ayllunpa ayllunpa castanpa castanpa censarninmi Moiséswan Aarón y Israel runakunapa mandaqninkuna
47
kimsa chunka (30) watayuqpita pitsqa chunka (50) watayuqyaq censayarqan. Tsay edä runakunam Tinkuna Tolduchö imapis ruraypä kaqkunata rurayarqan.
48
Llapanta censayaptinmi puwaq waranqa pitsqa pachak puwaq chunka (8,580) runakuna kayarqan.
49
Moisésta Tayta Dios ninqannöllam cada ünun imata apayänanpä kanqantapis niyarqan. Moisésta Tayta Dios ninqannöllam levitakuna censashqa kayarqan.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 5 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36