bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Numbers 20
Numbers 20
Quechuan QXO (Biblia en Quechua del sur de Conchucos)
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 21 →
1
Wata qallaykunan killachö Zin niyanqan desiertuman chaykurmi Israel runakuna Cades partichö täyarqan. María tsaychö wanuptinmi pampayarqan.
2
Tsaychö yaku mana kaptinmi Israel runakuna Moiséspa y Aarónpa contran shärir
3
niyarqan: «¡Kaynö ñakayänäpa rantinqa allim kanman karqan wakin Israel runakunata Tayta Dios castigaptin wanuyanqallanchö noqakunapis wanuyaptï!
4
Tayta Dios kuyanqan runakuna kaykäyaptïqa ¿imapätä kay desiertuman pushayämarquyki? ¿Ashmantin ushakäyänätaku munaykäyanki?
5
¿Imapätä Egiptupita kay mana yachakaypä jirkaman pushayämarquyki? Kaychö murukuyänäpä mana alli kaptinmi hïguspis, üvapis ni granadïllapis kantsu. ¡Manam yakupis upuyänäpä kantsu!»
6
Tsaynö niyaptinmi Moisés y Aarón Tinkuna Toldupa patiunman aywaykur pasaypa llakikurnin patsaman lätakuykuyarqan. Tsay höra chipipiynin rikakämuptinmi
7
Moisésta Tayta Dios nirqan:
8
«Tukruykita aptarkur wawqiki Aarónwan llapan runakunata qoriskir paykunapa puntanchö taqay qaqata parlapay yaku yarqamunanpä. Tsaymi qaqapita yaku yarqamunqa paykunapis ashmankunapis upuyänanpä».
9
Tsaymi Tayta Dios ninqannölla babul lädunchö kaykaq tukrunta Moisés aptarkurqan.
10
Tsaypitanam wawqin Aarónwan qaqa lädunman llapan runakunata qoriskir nirqan: «Mana wiyakuq runakuna, ¿manatsurä kay qaqapita yakuta upuyänaykipä jipiyämüman?»
11
Tsaynö nir aptaraykanqan tukrunwan ishkay kuti qaqata takaykuptinmi atska yaku yarqamurqan. Tsaytam runakunapis ashmakunapis upuyarqan.
12
Tsaypitanam Aarónta y Moisésta Tayta Dios nirqan: «Noqaman mana yärakurmi santu kanqäta Israel runakunata tantiyatsiyarquykitsu. Tsaymi kay runakunata awninqä nacionman yaykatsiyankitsu».
13
Tsaychö Tayta Diospa contran Israel runakuna parlayanqanpitam yaku pashtamunqan sitiupa jutin Meriba. Tsaychömi Tayta Dios santu kanqanta musyatsirqan.
14
Cades partichö Israel runakuna taykäyaptinmi willakuqkunata Moisés mandarqan Edom nacionpa mandaqnin reyta niyänanpä: «Castayki Israel runakunam kayä. Qamqa musyankim pasaypa ñakayanqäta.
15
Unay castäkuna Egiptuman aywayanqanpitam kananyaq tsaychö täyarqü. Paykunata ñakatsiyanqannöllam Egipto runakuna noqakunatapis ñakatsiyämashqa.
16
Tsaynö ñakar Tayta Diosta mañakuyaptïmi angelninta mandamushqa Egiptupita jipiyämänanpä. Tsaynöpam nacionnikipa lindërun cercan Cadeschöna kaykäyä.
17
Taytay, nacionnikipa päsaq nänillapa päsakuykuyälläshä. Chakraykikuna jananpa ni üva plantaykikuna jananpa manam päsayäshätsu. Tsaynöllam pözuykichö yakutapis upuyäshätsu. Maypapis mana yaqällarmi jatun nänillapa päsakuyäshä».
18
Peru Edom nacionpa mandaqnin reynam nirqan: «Nacionnïpa manam päsayankitsu. Yaykayämuptikiqa soldädükunawanmi atacayäshayki».
19
Israel runakunanam yapay niyarqan: «Jatun nänillapam päsakuyäshä. Noqakunapis ashmäkunapis yakuykita upurqa pägayäshaykim. Nacionnikipa päsaq nänillapa päsakuykuyälläshä».
20
Tsaynö niyaptinnam Edom nacionpa mandaqnin rey nirqan: «¡Manam päsayankitsu!» Tsaynö mana munarmi shumaq alistakuskir tsaytsika soldädunkunawan Israel runakunata atacayänanpä aywarqan.
21
Edom nacionpa mandaqnin rey päsayänanta mana munayaptinmi Israel runakuna juk nänipana aywakuyarqan.
22
Israel runakuna Cadespita aywakurmi Hor jirka läduman chäyarqan.
23
Hor jirkapis Edom nacionpa lindërun cercanchömi karqan. Tsaychönam Moisésta y Aarónta Tayta Dios nirqan:
24
«Aarónqa wanukunqanam. Meriba pukyu pashtaqchö ninqäta mana cäsuyämanqaykipitam Israel runakunata entreganäpä kaq nacionman yaykunqanatsu.
25
Aarónta y tsurin Eleazarta Hor jirkaman pushay.
26
Tsaychömi sacerdöti kanqan röpanta Aarónta lloqtiskatsir tsurin Eleazarta jatitsinki. Aarón tsaychö wanurmi unay castankunawan tinkuq aywakunqa».
27
Tayta Dios ninqannöllam llapan Israel runakuna rikaykäyaptin Aarónta y Eleazarta pushakurkur Hor jirkaman Moisés witsarqan.
28
Tsaychönam mandaq sacerdöti kay röpanta Aarónta lloqtiskatsir tsurin Eleazartana jatitsirqan. Tsay jirkachö Aarón wanuskiptinmi Moiséswan Eleazarllana kutiyämurqan.
29
Aarón wanunqanta musyaykurmi Israel runakunaqa juk killa entëru lütuyarqan.
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 21 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36