bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Numbers 32
Numbers 32
Quechuan QXO (Biblia en Quechua del sur de Conchucos)
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 33 →
1
Rubén trïbu y Gad trïbu runakunapa ashmankuna atska kaptinmi Jazer parti y Galaad parti mitsikuyänanpä alli kanqanta rikar munapäyarqan.
2
Tsaymi Moisés, Eleazar y wakin mandaqkuna kaykäyanqanman aywaykur Gad trïbu y Rubén trïbu runakuna niyarqan:
3
«Atarot, Dibón, Jazer, Nimra, Hesbón, Eleale, Sebam, Nebo y Beón partikuna
4
ashmäkunata mitsikuyänäpä allim kaykan. Ashmäkuna atska kaptinmi kay partikunata Tayta Dios noqakunapä qorishqa.
5
Tsaymi rugakuyä kay partikunata rakipaykayämänaykipä. Jordán mayutaqa amana päsatsiyämaynatsu».
6
Moisésnam nirqan: «Israel mayintsikkuna guërraman aywaykäyaptin ¿imanirtä qamkuna quëdayta munaykäyanki?
7
¿Imanirtä Israel mayintsikkunata qelanätsiyanki Tayta Dios awninqan nacionman aywayänanta?
8
Cades-barneapita Canaánta rikapakuq mandanqä runakunapis qamkunanömi Israel mayintsikkunata desanimatsiyarqan.
9
Paykunam Escol pampayaq rikapakuq chäyarqan. Kutiykamurmi Israel mayintsikkunata willapar desanimatsiyarqan Tayta Dios entreganqan partiman mana yaykuyänanpä.
10
Tsay achäqui Tayta Dios pasaypa rabyakurmi nirqan:
11
«Egiptupita yarqamuq runakuna ishkay chunka (20) watayuqpita janaman kaqqa mana wiyakuyanqanpitam yaykuyanqatsu Abrahamta, Isaacta y Jacobta awninqä nacionman.
12
Cenezeo runa Jefonipa tsurin Caleb y Nunpa tsurin Josuéllam criyiyämanqanpita tsay nacionman yaykuyanqa».
13
«Tsaynö nirmi Tayta Dios pasaypa rabyar llapan tsay runakuna ushakäyänanyaq desiertupa chusku chunka (40) wata puritsirqan.
14
Kanan ¿qamkunapis Diosta rabyatsirku unay Israel mayikikunanölla desanimatsiyta munaykäyanki? Tsaynö desanimatsiyaptikiqa yapaymi Tayta Dios rabyar contrantsik shärinqa.
15
Tayta Diosta mana cäsur kaychö quëdayaptikiqa yapaymi desiertupa puritsimäshun. Tsaynöpam qamkuna jutsayuq kayanki Israel runakuna ushakäyänanpä».
16
Moisés tsaynö niptinmi paykuna niyarqan: «Noqakunaqa kaychömi ashmäkunapä corralta rurayta munayä. Tsaynöllam tsurïkunata imapis mana päsananpä markakunatapis rurayta munayä.
17
Kay partichö täraq runakuna mana wajupänanpämi tsurïkunatawan ashmäkunata siguraykur dëjaykuyäshä. Tsaypitanam alistakuskir Israel mayintsikkuna täyänanpä kaq partiman chätsiyanqäyaq puntankunata aywayäshä.
18
Llapan Israel mayintsikkuna chakrankunata chaskiskiyaptinrämi kutikayämushä.
19
Kay tsimpachö chakrata chaskiykarqa Jordán mayu tsimpachöqa mananam chaskiyäshänatsu».
20
Tsaymi Moisés nirqan: «Niyanqaykita cumpliyaptikiqa allim kanqa. Tsaymi guërraman aywayänaykipä alistakuskir
21
Jordán mayu tsimpanchö Tayta Diospa contrankunata ushakätsiyanqaykiyaq pelyayanki.
22
Entëru nacionchö kamakaskiptinrämi kutiyämunki. Tsaynö cumplirqa Tayta Diospa puntanchö y Israel mayintsikkunapa lädunchö manam jutsayuqtsu kayanki. Tsaynöpam kay chakrakuna qamkunapäna kanqa.
23
Peru mana cumplirmi sïqa Tayta Diospa puntanchö jutsayuq kar paypa castïgunpita imaypis qeshpiyankitsu.
24
Tsayöraqa tsurikikuna quëdayänanpä markakunata rurayay. Tsaynölla ashmaykikunapä corralkunata rurayay. Tsaypitaqa kikikikuna awniyanqaykinölla aywayanki».
25
Tsaymi Gad trïbu y Rubén trïbu runakuna niyarqan: «Taytay, niyämanqaykitaqa cumpliyäshämi.
26
Warmïkuna, pishi wamräkuna y ashmäkunaqa kay Galaad parti markakunachömi quëdayanqa.
27
Peru noqakunam sïqa niyämanqaykinölla shumaq alistakuskir Tayta Dios munanqannö guërraman aywayäshä».
28
Tsaymi sacerdöti Eleazarta, Nunpa tsurin Josuéta y cada trïbupa mandaqninkunata
29
Moisés nirqan: «Gad trïbu y Rubén trïbu runakuna Jordán mayuta päsar tsaychö täraq runakunata vinciyänaykipämi yanapayäshunki. Tsaypitarämi Galaad partichö chakrakunata herencian kananpä entregayanki.
30
Yanapayäshunaykipä Jordán mayuta mana päsaptinqa kay tsimpachö herencianta ama entregayankitsu, sinöqa Israel mayinkunawan iwal Canaánchörä herencianta entregayanki».
31
Tsaynö niptinmi Gad trïbu y Rubén trïbu runakuna niyarqan: «Taytay, noqakunaqa Tayta Dios ninqannö llapantam cumpliyäshä.
32
Tsaymi guërrachö yanapayänäpä Jordán mayuta päsar Canaánman yaykuyäshä. Imanö kaptinpis noqakunapa herenciäkunaqa Jordán mayupita kay tsimpachömi kanqa».
33
Tsaynö niyaptinmi herenciankunata Moisés entregarqan Gad trïbu, Rubén trïbu y pullan Manasés trïbu runakunata. Manasés trïbu runakunaqa Josépa tsurin Manaséspita miraqkunam kayarqan. Manarä vinciyaptinmi tsay herenciakuna amorreo runakunapa mandaqnin rey Sehónpa y Basán nacionpa mandaqnin rey Ogpa karqan. Tsaychö kaq llapan markakunatam chakrantinta Moisés entregarqan.
34
Tsaymi Gad trïbu runakuna kikinkunapä allitsayarqan Dibón markata, Atarot markata, Aroer markata,
35
Atarot-sofán markata, Jazer markata, Jogbeha markata,
36
Bet-nimra markata y Bet-arán markata. Tsay llapan markakunatam tumaypa murallayarqan. Tsaynöllam cabrankunapä y üshankunapäpis corralkunata rurayarqan.
37
Rubén trïbu runakunanam kikinkunapä allitsayarqan Hesbón markata, Eleale markata, Quiriataim markata,
38
Nebo markata, Baal-meón markata y Sibma markata. Tsay markakunapa jutinkunatapis trocatsiyarqanmi.
39
Manaséspa tsurin Maquirpita miraqkunanam Galaad partiman yaykuyarqan. Paykunaqa tsaychö täraq amorreo runakunata qarquskirmi chakrankunawan quëdakuyarqan.
40
Tsaymi Galaad partita Moisés entregarqan Manaséspa tsurin Maquirpita miraq runakunata. Paykunam tsaychö täyarqan.
41
Tsaynöllam Manaséspa tsurin Jairpita miraq runakuna amorreo runakunapa wakin taksha markankunata tsariyarqan. Tsay partitam jutitsiyarqan Havot-jair jutin kananpä.
42
Noba casta runakunanam Kenat partita llapan markankunatawan tsariskir tsay partita jutitsiyarqan Noba jutin kananpä.
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 33 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36