bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Numbers 22
Numbers 22
Quechuan QXO (Biblia en Quechua del sur de Conchucos)
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 23 →
1
Tsaypitanam Israel runakuna Jericó tsimpan y Jordán mayu lädu Moab pampaman chäyarqan.
2
Ziporpa tsurin Balacmi moabita runakunapa mandaqnin rey karqan. Paymi amorreo runakunata Israel runakuna imanö ushakäyanqantapis rikarqan.
3
Tsaynöllam Israel runakuna tsaytsika kayanqanta rikar rey Balac y moabita runakuna pasaypa mantsariyarqan.
4
Tsaymi Madián nacionchö täraq mayor runakunata nirqan: «Qewata pitsaypa pitsar wäka ushaqnörächi tsaytsika Israel runakunaqa ushakätsimäshun». Tsaymi Ziporpa tsurin Balac
5
Beorpa tsurin Balaamta qayatsirqan Israel runakunata maldicionananpä. Balaam taykarqan Éufrates mayu lädun Petor markachömi. Tsay markaqa kaykan amavita runakuna täyanqanchömi. Balaam kaqman manarä aywayaptinmi mandanqan runakunata yätsir Balac nirqan: «Egiptupita tsaytsika runakuna yarqamurmi täyanqä kaqman juntaypa chäyämushqa.
6
Rey Balac musyanshi pipis bendicionta chaskinanpä niptiki bendicionta chaskinanpä kanqanta y maldicionashqa kananpä niptiki maldicionädu kananpä kanqanta. Tsaymi rugakulläshunki juklla aywar tsay runakunata maldicionaykunaykipä. Maldicionaptikiqa tsaytsika kayaptinpis vincirnin nacionnïpita qarquyäshämi».
7
Tsaynö yätsiskiptinmi maldicionananpä qellayta apakurkur Moab y Madián mayor runakuna Balaam kaqman aywayarqan. Chaykurmi Balac ninqannölla llapanta willayarqan.
8
Willayaptinmi Balaam nirqan: «Kanan paqas kayllachö quëdakuyay. Waraynam willayäshayki Tayta Dios imata nimanqantapis». Tsaymi Moab mayor runakuna jinallanchö quëdakuyarqan.
9
Tsay paqasmi Tayta Dios yuripaykur Balaamta tapurqan: «Wayikichö ¿pikunatä patsaraykäyan?»
10
Balaamnam nirqan: «Moab nacionpa mandaqnin rey Balac mandamunqan runakunam patsaraykäyan. Paykunam niyämashqa
11
atska runakuna Egiptupita shamur entëru nacionninman juntaqpä chäyanqanta. Tsay runakunata vincir nacionninpita qarquyänanpämi Balac munan maldicionanäta».
12
Balaamtam Tayta Dios nirqan: «Ama tsay runakunawan aywaytsu ni nacionninman chaq runakunata ama maldicionaytsu. Paykunamanqa noqam bendicionnïta churarqü».
13
Wäraylla shärikuskirnam Balaamqa Balac mandanqan runakunata nirqan: «Markaykiman kutikuyay. Tayta Dios manam munantsu qamkunawan aywanäta».
14
Tsaynam Moab mayor runakuna Balac kaqman kutiykur niyarqan: «Balaamqa manam munantsu noqakunawan shamuyta».
15
Tsaymi wakin kaqpitapis mas respitashqa y mas atskaq mayor runakunatana Balac mandarqan.
16
Paykunam Balaamman chaykur niyarqan: «Ziporpa tsurin Balacmi rugakushunki aywanaykipä.
17
Aywaptikiqa alli pägashurnikish imata munanqaykitapis alistapäshunki. Jukllash aywaykulläshun tsay runakunata maldicionaykunaykipä».
18
Balac mandanqan runakunatam Balaam nirqan: «Palaciun juntata qorita y qellayta Balac entregamaptinpis Tayta Diosnï mana munanqantaqa manam imatapis parlashätsu.
19
Imanö kaptinpis kanan paqas kaychö quëdakuyay. Mä imatash Tayta Dios nimanqa».
20
Tsay paqasnam Balaamta yuripaykur Tayta Dios nirqan: «Pushayäshunaykipä tsay runakuna shayämushqa kaptinqa paykunawan ayway. Peru noqa ninqalläta ruranki».
21
Tsaymi Balaamqa wäraylla shärikuskir ashnunta sillarkur Moab mayor runakunawan aywarqan.
22
Ishkay sirviqninkunata pushakurkur ashnun muntashqa Balaam aywaykaptinmi Tayta Dios rabyar angelninta mandamurqan nänichö tsapänanpä.
23
Tayta Diospa angelnin espädan aptashqa nänichö ichiraykaqta rikaykurmi Balaampa ashnun jukläpa yaqarqan. Tsaynö ashnun yaqaptinmi nänipa kutinanpä wirurqan.
24
Tsay aywaykanqan nänim üva chakra chawpinpa päsarqan. Näni ishkan lädupa pirqashqa kaptinmi kichkichö Tayta Diospa angelnin yapay ichiskirqan.
25
Angelta rikaykurmi ashnuqa pirqa kuchuchö Balaampa chankanta tinkuskatsirqan. Tsaymi rabyarnin ashnunta yapay wirurqan.
26
Tsaypita Tayta Diospa angelnin puntaskir kichki nänichö ichiskiptinmi maypa päsaytapis puëdirqantsu.
27
Angelta rikaykur ashnu jitakaskiptinmi Balaam pasaypa rabyarnin wirurqan.
28
Tsaymi Tayta Dios parlatsiptin ashnuqa Balaamta nirqan: «Qamtaqa ¿imanarqütä? Kananwanqa kimsa kutinam wirumanki».
29
Balaamnam nirqan: «Qamqa burlakaykämankim. Cutsillü kaptinqa maynam wanuratsïman karqan».
30
Ashnunam nirqan: «Noqaqa muntashqa purinayki ashnuykim kä. ¿Acäsu malamäñaku kä?» Tsaynö niptinmi Balaam tantiyakur nirqan: «Aw, rasun kaqtam nimanki».
31
Tsaypitanam angelta Balaam rikananpä Tayta Dios permitirqan. Pullan nänichö espädan aptashqa ichiraykaqta rikaykurmi Balaam mantsarirnin patsaman lätakaskirqan.
32
Tayta Diospa angelninnam nirqan: «¿Imanirtä kimsa kuti ashnuykita wirurquyki? Noqam kay nänichö tsaparqü llutan yarpaywan aywaptiki.
33
Ashnuykiqa rikamarmi jukläpa yaqar, ichikuykushqa y jitakakuykushqa. Tsaynö mana ruraptinqa qamta wanutsiptï ashnullaykinam kawaykanman karqan».
34
Balaamnam nirqan: «Taytay, perdonaykallämay. Manam musyarqütsu tsapaykämanqaykita. Aywanäta mana munaptikiqa kayllapitachi kutikushä».
35
Tsaymi Tayta Diospa angelnin nirqan: «Tsay runakunawan ayway. Peru noqa ninqallätam imatapis ninki». Tsaypitanam Balac mandamunqan runakunawan Balaam aywarqan.
36
Balaam aywanqanta musyaskirmi Balac taripaq aywarqan Arnón mayu kuchunchö juk markayaq. Tsay markaqa Moab nacionpa lindërunchömi kaykan.
37
Balaamwan tinkuskirmi Balac nirqan: «Qayatsimuptï ¿imanirtä shamuyta munarquykitsu? ¿Mana päganäpä kanqantaku yarparquyki?»
38
Balaamnam nirqan: «Kaychönam kaykä. Peru kikïpa yarpaynïpita manam imatapis parlashätsu, sinöqa Tayta Dios tantiyatsimanqallantam nishä».
39
Tsaypitam Balaamqa Balacwan Quiriat-huzotman aywarqan.
40
Tsaychömi wäkakunata, üshakunata y cabrakunata pishtaskatsir sacrificiuta Balac rurarqan. Tsay aytsatam Balaamta y paywan kaykaq mayor runakunatapis qararqan.
41
Tsaypita waraynin wäraynam Balaamta Balac pusharqan Bamot-baal jirkaman. Tsay jirkapitam Israel runakunapa campamentunkuna rikakurqan.
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 23 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36