bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Numbers 24
Numbers 24
Quechuan QXO (Biblia en Quechua del sur de Conchucos)
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 25 →
1
Israel runakunata Tayta Dios bendisanqanta tantiyarmi Balaam Tayta Diosta tapukuq aywarqannatsu. Tsaypita desiertupa tikraskir
2
rikachakunqanchömi rikarqan Israel runakuna trïbunpa trïbunpa campamentunkunachö kaykaqta. Tsaypita Tayta Diospa Espïritun parlatsiptinmi
3
willakur nirqan: «Beorpa tsurin Balaammi kä. Imanö kananpä kaqta Tayta Dios tantiyatsimaptinmi willakuykä.
4
Tayta Dios noqatam parlapäman. Llapanpä poderyuq Diosmi imatapis musyatsiman. Paymi imatapis revelaman.
5
¡Jacobpita miraq runakuna, kuyayllapämi tolduykikuna kaykan! ¡Israel runakuna, campamentuykiqa shumaqmi kaykan!
6
Palmëra jachakuna fïlayllanpa ichiraykaqnömi Israel runakuna kaykäyan. Mayu kuchunchö huertata Tayta Dios plantanqannömi kaykäyan. Tsaynöllam yaku kuchunchö jatusaq cedru jachakuna kaykaqnö kaykäyan.
7
Israel runakuna upuyänanpä y chakrankunata qarpayänanpä yaku manam faltanqatsu. Paykunapa mandaqnin reyqa Agagpitapis mas poderyuqmi kanqa. Poderyuq kanqan maytsaychömi musyakanqa.
8
Tayta Diosmi Israel runakunata Egiptupita jipimurqan. Paymi poqushqa törunöpis kallpayuq kaykan. Israel runakunaqa contran nacionkunata llapantam ushakätsiyanqa. Tullunkunatapis pakiyanqam. Flëchankunawanmi wanutsiyanqa.
9
Israel nacionqa imayka león cäzaqnömi kaykan. Paykunataqa pïmaymi mantsayan. Israel runakuna, qamkunata bendisayäshuqnikitaqa Tayta Diospis bendisanqam. Peru maldicionashuqnikitam sïqa maldicionanqa».
10
Balaam tsaynö parlaqta wiyaykurmi Balacqa pasaypa rabyar makintapis jitayparä nirqan: «Qamtaqa conträkunata maldicionanaykipämi qayatsimurqü. Tsaynö nikaptïpis kananwanqa kimsa kutinam paykunata bendisarquyki.
11
¡Manarä imapis kanqanyaq wayikipa kutikuy! Qamta alli päganäpä kaykaptïpis Tayta Diosmi munashqatsu päguta chaskinaykita».
12
Balaamnam nirqan: «Manarä shamurmi mandamunqayki runakunata nirqä:
13
«Palaciun juntata qorita y qellayta Balac entregamaptinpis Tayta Dios mana munanqantaqa manam imatapis parlashätsu». Tsaynöllam nirqä Tayta Dios tantiyatsimanqallanta willanäpä kanqanta.
14
Markämannam kutikushä. Peru manarä kutikurmi willashayki nacionnikita Israel runakuna imata rurananpä kanqantapis».
15
Tsaymi Balaam willakur nirqan: «Beorpa tsurin Balaammi kä. Imanö kananpä kaqta Tayta Dios tantiyatsimaptinmi willakuykä.
16
Tayta Dios noqatam parlapäman. Poderösu Tayta Diosmi imatapis tantiyatsiman. Paymi imatapis musyatsiman. Paymi imatapis revelaman.
17
Shamuq watakunachö imapis päsananpä kaqtam rikaykä. Karuchö kaykämuqtam rikaykä. Jacobpita miraq runakunapitam juk qoyllur yurinqa. Israel nacionchömi poderyuq rey kanqa. Moabita runakunatam ushakätsinqa. Setpita miraqkunatam ushakätsinqa
18
Paymi Edom nacionta vincinqa. Seir runakunatam contran shäriyaptin poderninchö katsinqa. Tsaynö vinciptinmi Israel runakuna pasaypa mantsariypä kayanqa.
19
Jacobpita miraqkunapitam poderyuq runa yurimunqa. Ar markachö quëdaqkunatapis chipyaqmi ushakätsinqa».
20
Tsaynö niskirmi amalecita runakuna täranqan lädupa rikaskir Balaam willakur nirqan: «Amalecita runakunaqa kay patsachö pasaypa poderyuqmi kaykäyan. Tsaynö karpis chipyaq ushakätsishqam kayanqa».
21
Ceneo runakuna täyanqan lädupapis rikaskirmi Balaam willakur nirqan: «Markaykikunaqa mana ushakätsishqa kananpänömi kaykäyan. Qaqa chawpinchö qeshunömi kaykäyan.
22
Tsaynö kaykaptinpis Asiria soldädukuna shamur prësu tsariyäshuptikim ushakäyanki».
23
Tsaypita mastam Balaam nirqan: «¡Kayrächi kayllaqa! Tayta Dios tsaynö mantsariypä ruraykuptinqa ¿pirä kawanqa?
24
Quitim islapita büquikunawan shayämurmi Asiriachö markakunata raqällatana dëjayanqa. Heber runakunatapis chipyaqmi ushakätsiyanqa».
25
Tsaypitanam Balaam kutikurqan wayinman. Tsaynöllam Balacpis aywakurqan.
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 25 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36