bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Numbers 14
Numbers 14
Quechuan QXO (Biblia en Quechua del sur de Conchucos)
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 15 →
1
Tsaynö niyaptinmi Israel runakuna qayararnin tsay paqas warat waqayarqan.
2
Tsaymi Moisésta y Aarónta ollqutupar niyarqan: «¡Allim kanman karqan Egiptullachö o kay desiertullachö wanukushqa!
3
¿Imapätä kayman Tayta Dios pushamarquntsik? Guërrachö wanutsimarnintsikmi warmintsikta y tsurintsikkunatapis contrantsikkuna apakuyanqa. ¡Tsaypa rantinqa mas allim kanman karqan Egiptuman kutikushqa!»
4
Tsaymi juknin jukninpis willanakur niyarqan: «Egiptuman pushamänantsikpä juktana mandamaqnintsik churashun».
5
Tsaynö niyaptinmi Moiséswan Aarónqa ima ruraytapis mana puëdir llapan runakunapa puntanchö lätakuykuyarqan.
6
Nunpa tsurin Josué y Jefonipa tsurin Calebpis pasaypa llakikurmi röpankunata rachiyarqan. (Paykunaqa Canaánman rikapakuq aywaqkunam kayarqan.)
7
Tsaypitanam Israel runakunata niyarqan: «¡Rikapakayämunqä nacionqa alläpa allim kaykan!
8
Kuyamarnintsikmi Tayta Dios tsay nacionta entregamäshun. Tsaychöqa lichipis abëjapa mishkinpis yakunörämi atska kaykan.
9
Tayta Diospa contran ama shäriyaytsu ni tsaychö täraq runakunata ama mantsayaytsu. Paykunataqa chuspitanöllam llapirishun. Paykunata yanapananpä manam pipis kantsu. Tayta Dios noqantsikwan kaykaptinqa ama mantsarishuntsu».
10
Tsaynö niyaptinmi runakuna saqmayta munayarqan. Tsay höram llapan runakuna Tayta Diospa chipipiyninta Tinkuna Tolduchö rikayarqan.
11
Tsaychömi Moisésta Tayta Dios nirqan: «¡Imayyaqrä Israel runakuna rabyanätsiyämanqa! Milagrukunata ruranqäta rikaykarpis ¡imayyaqrä criyiyämanqatsu!
12
Kay runakunatam pestiwan ushakätsishä. Qampita miraqkunallam jatun nación kayanqanyaq mirayanqa».
13
Moisésnam nirqan: «Taytay, kikikim podernikiwan Egiptupita Israel runakunata jipimurquyki. Paykunata ushakätsiptikiqa
14
Egipto runakunam Canaánchö täraq runakunata willayanqa. Cananeo runakunapis musyayanmi noqakunawan kaykanqaykita. Tsaynöllam musyayan yuripaykamar parlapämanqaykita, ichiraykaq pukutaychö puntäkunata junaqpa aywanqaykita y ichiraykaq nina lunyaykaqchö paqaspa aywanqaykitapis.
15
Israel mayïkunata llapanta ushakätsiptikiqa maytsaychö täraq runakunam wasayki rimar niyanqa:
16
«Tayta Dios awninqan nacionman tsay runakunata chätsiyta mana puëdirmi desiertullachö ushakätsishqa».
17
«Tsaymi Tayta Dios, mañakü awninqaykinölla podernikiwan yanapaykamänaykipä. Qammi nirquyki
18
mana rabyakuq y kuyapäkuq kanqaykita. Tsaynöllam nirquyki mana cäsukuqkuna perdonta mañakushuptiki perdonanaykipä kanqanta. Tsaynöllam nirquyki jutsa ruraqkunata kikintapis, tsurintapis, willkantapis y willkanpa tsurintapis castiganaykipä kanqanta.
19
Egiptupita kayyaq pushayämänaykipäpis pacienciayki kashqam. Kuyapäkuq kaykarqa jutsata rurayanqanpita kay runakunata perdonaykullay».
20
Tayta Diosnam nirqan: «Mañakamanqaykinöllam perdonashä.
21
Imayyaqpis kawaq Dios kar y entëru munduta podernïchö tsarararmi nï:
22
Egiptuchö y desiertuchö milagrukunata ruranqäta rikaqkuna manam ni jukllayllapis chäyanqatsu unay castaykikunata awninqä nacionman. Paykunaqa kikinkuna munayanqanta ruratsimayta munarmi kutin kutin cäsuyämashqatsu. Manam mayqanpis tsaynö rabyanätsimaqkuna tsay nacionman chäyanqatsu.
24
Peru sirvimaqnï Calebmi sïqa ninqäkunata cäsuman. Tsaymi rikapakamunqan nacionman payta yaykatsishä. Paypita miraqkunapis tsaychömi täyanqa.
25
Amalecita y cananeo runakuna täyanqan pampapaqa amana päsayaynatsu. Tsaypa rantinqa waray junaq desiertuman kutiyay Puka Lamarman aywaq nänipa».
26
Tsaypitanam Moisésta y Aarónta Tayta Dios nirqan:
27
«Wiyarqümi Israel runakuna conträ parlayanqanta. ¡Imayyaqrä kay runakunata awantashä!
28
Kay ninqäta paykunata willay: «Noqa Tayta Diosmi jurar nï: Yarpäyanqaykinöllam llapaykita ushakätsiyäshayki.
29
Conträ parlayanqanpitam ishkay chunka (20) watayuqpita janaman llapan censashqa kaqkuna kay desiertuchö wanuyanqa.
30
Jefonipa wamran Calebwan y Nunpa wamran Josuéllam awninqä nacionman yaykuyanqa. Tsaypita kaqqa manam mayqaykipis yaykuyankitsu.
31
Peru wamraykikunatam sïqa chikiyäshuqniki runakuna apakuyänanpä kanqanta yarpäyaptikipis yaykatsishä. Despreciayanqayki nacionchömi wamraykikuna täyanqa.
32
«Qamkunaqa kay desiertuchömi wanur ushakäyanki.
33
Wanur ushakäyanqaykiyaqmi wamraykikuna chusku chunka (40) wata ashmankunawan desiertupa puriyanqa. Qamkuna mana wiyakuq kayanqaykipitam tsaynö ñakayanqa.
34
Chusku chunka junaq Canaánta rikapakayämunqaykinömi chusku chunka wata ñakar puriyanqa. Tsaynöpam cada junaqpita juk wata desiertuchö kayanki. Tsayrämi musyayanki imanö castigakuq kanqätapis.
35
Noqa Tayta Dios karmi ninqäta cumplishä. Tsaymi conträ shäriq y mana cäsumaq runakunata castigaptï kay desiertullachö wanur ushakäyanqa».
36
Runakunata qelanätsiyanqanpitam Moisés mandanqan chunka rikapakuqkunata
37
pesti qeshyawan Tayta Dios wanutsirqan.
38
Josuéwan Calebllam kawaykar quëdayarqan.
39
Tayta Dios ninqanta Moisés willaptinmi Israel runakuna pasaypa llakikuyarqan.
40
Tsaymi wäraylla shärikuskir jallqakunaman aywayänanpä niyarqan: «Tayta Dios awnimanqantsik nacionman yaykuyta mana munarmi jutsayuq kaykantsik. Kanan tsayman juklla aywashun».
41
Moisésnam nirqan: «¡Manakaqllapämi tsayman aywayta yarpaykäyanki! Desiertuman kutinantsikpä Tayta Dios nikämashqaqa ¿imanirtä cäsuyta munayankitsu?
42
Awnimanqantsik nacionman ama aywayaytsu. Mana wiyakur aywayaptikiqa Tayta Dios manam yanapayäshunkitsu. Tsaymi chikishuqnikikuna vincir wanutsiyäshunki.
43
Amalecita y cananeo runakunaqa ushakätsiyäshunaykipämi shuyaykäyäshunki. Mana cäsukuq kayanqaykipita Tayta Dios manam washäyäshunkinatsu».
44
Moisés tsaynö nikaptinmi Israel runakuna allish tukur jallqakunaman aywayarqan. Tsaynö aywayarqan campamentuchö Moisésta y Pactu Babulta dëjaskirmi.
45
Israel runakuna aywaykaptinmi jallqakunachö täraq amalecita y cananeo runakuna yarqaskamur Israel runakunata atacayarqan. Vinciskirmi qatikachäyarqan Hormayaq.
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 15 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36