bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Numbers 21
Numbers 21
Quechuan QXO (Biblia en Quechua del sur de Conchucos)
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 22 →
1
Neguevchö Arad markapa mandaqnin reymi cananeo runa karqan. Paymi Israel runakuna Atarim nänipa aywaykäyanqanta musyaskir soldädunkunawan atacaq aywayarqan. Tsaychö pelyarmi juk ishkay Israel runakunata prësu tsariyarqan.
2
Tsaymi Israel runakuna Tayta Diosta mañakur niyarqan: «Arad runakunata vinciyänäpä yanapayämaptikiqa caseriunkunatapis chipyaqmi ushakätsiyäshä».
3
Israel runakuna mañakuyanqannölla Tayta Dios yanapaptinmi cananeo runakunata y markankunatapis chipyaq ushakätsiyarqan. Tsaynö ushakätsiyanqanpitam tsay partipa jutin Horma karqan.
4
Hor jirkapita Israel runakuna aywakurmi Edom nacionman mana yaykuyänanpä Puka Lamarpa aywaq nänipa tumayarqan. Tsaynö ñakar aywaykäyaptinmi pacienciankunapis ushakarqan.
5
Tsaymi Tayta Diospa y Moiséspa contran niyarqan: «Kay desiertuchö wanuyänäpä ¿imapätä Egiptupita pushayämarquyki? Kaychöqa manam mikuypis ni yakupis kantsu. Qoyay qoyay tsay mikuyllata mikur pasaypanam ajayäyarqü».
6
Tsaynö parlayaptinmi wanutsikuq culebrakunata Tayta Dios yuritsimurqan. Culebrakuna kaniyaptinmi atskaq wanuyarqan.
7
Tsaymi Moisés kaqman aywaykur niyarqan: «Tayta Diospa contran y qampa contrayki parlar jutsata rurayanqäpita Tayta Diosta mañakuykullay culebrakunata illakätsinanpä». Tsaymi Moisés mañakuptin
8
Tayta Dios nirqan: «Juk culebrata broncipita ruray. Tsayta qerupa puntanman watarkur ichïtsinki. Pitapis culebrakuna kaniptinqa broncipita ruranqayki culebrata ras rikayätsun mana wanuyänanpä».
9
Tsaynö niptinmi broncipita culebrata Moisés ruraskir qerupa puntanman watarkur ichïtsirqan. Culebra kaniptin broncipita rurashqa culebrata pipis ras rikarqa manam wanurqannatsu.
10
Tsaypita Israel runakuna aywarmi Obotchö patsakuyarqan.
11
Obotpita päsarmi tsunyaq Ije-abarimchö patsakuyarqan. Tsay partiqa Moabpita rupay yarqamunan läduchömi kaykan.
12
Tsaypita aywakurnam Zered raqra lädunchö patsakuyarqan.
13
Tsaypita aywakurnam Arnón mayu tsimpanchö patsakuyarqan. Arnón mayuqa desiertupa päsarmi amorreo runakunapa y moabita runakunapa lindërun kaykan.
14
Israel Runakunata Guërrachö Tayta Dios Yanapanqan jutiyuq libruchömi qellqashqa kaykan. Tsaychömi nin: «Sufá partichö kaykaq Vaheb markapam päsayarqä. Raqrakunapa aywarmi Arnón mayupa päsayarqä.
15
Tsaypita juk raqraman aywarmi Ar partiyaq chäyarqä. Tsay raqram Moab nacionpa lindërunyaq chan».
16
Arnón mayupita aywakurmi Beer pözuyaq chäyarqan. Tsay pözuchömi Moisésta Tayta Dios nirqan: «Israel runakunata qoriy yakuta upuyänanpä».
17
Tsaychö yakuta tariskirmi Israel runakuna cantar niyarqan: «¡Pukyuchö yaku mana tsakiypa kaykullätsun! ¡Yaku pashtamunqanpita cantashun!
18
Mandaqkunam pözuta uchkuyarqan. Respitashqa runakunam tukrunkunawan uchkuyarqan». Tsay desiertupita aywarmi Israel runakuna Matana partiman chäyarqan.
19
Matanapita aywarmi Nahalielman chäyarqan. Nahalielpita aywarnam Bamotman chäyarqan.
20
Bamotpita aywakurnam Moab nacionchö kaykaq tsunyaq pampaman chäyarqan. Tsaypitam Pisga niyanqan jirka rikakun.
21
Tsay pampaman manarä charmi Israel runakuna willakuqta mandayarqan amorreo runakunapa mandaqnin rey Sehónta niyänanpä:
22
«Taytay, nacionnikipa päsakuykuyälläshä. Manam murushqa chakraykikuna ni üva chakraykikuna jananpapis päsayäshätsu. Manam pözuykikunapita yakutapis upuyäshätsu. Jatun nänillapam päsakuyäshä».
23
Tsaynö rugakuyaptinpis rey Sehónqa manam munarqantsu Israel runakuna nacionninpa päsayänanta. Tsaymi llapan soldädunkunata qoriskir Israel runakunata atacayänanpä desiertuman aywayarqan. Jahazachö tinkurmi paykunata atacayarqan.
24
Tsaynö atacayaptinmi Israel runakuna vinciyarqan. Vinciskirmi markankunata y chakrankunata Arnón mayupita Jaboc mayuyaq qechuyarqan. Amonita runakunapa lindërun alli sigurashqa kaptinmi paykunapa lindërunyaqlla qechuyarqan.
25
Amorreo runakunapa markankunata qechuskirmi Hesbónchö y caseriunkunachöpis Israel runakuna täyarqan.
26
Hesbónqa amorreo runakunapa mandaqnin rey Sehón täranqan markam karqan. Israel runakuna Hesbón markata manarä qechuyaptinmi Sehónqa Moab nacionpa mandaqnin reywan guërrata rurayarqan. Tsay reyta vinciskirmi moabita runakunapa chakrankunata Arnón mayuyaq qechuyarqan.
27
Tsaypitam poesíata recitaqkunapis niyan: «¡Hesbón markaman llapayki shayämuy! Rey Sehónpa jatun markanta yapay shäritsiyay.
28
Sehónpa markan Hesbónpitam mantsariypä ninanörä soldädukuna yarquyarqan. Paykunam Moabchö kaykaq Ar markayaq llapanta ushakätsiyarqan. Arnón mayu lädunchö kaykaq jallqakunayaqmi tsaynö ushakätsiyarqan.
29
¡Allaw, moabita runakuna! Quemos jutiyuq diosta adoraqkuna, ushakashqam kayanki. Amorreo runakunapa mandaqnin rey Sehón shamuptinmi Quemos diosniki dëjashurniki yanapayäshurqaykinatsu. Tsaymi ollqu kaqkuna qeshpir aywakuyarqan. Warmi kaqkunatapis prësu tsariskirmi apakuyarqan.
30
Mandanqan markakunatam ushakätsiyarqä. Tsaymi Hesbón markapita Dibón markayaq wanuyarqan. Tsaynöllam Nofapita Medebayaq ushakätsiyarqä».
31
Tsaynöpam Israel runakunaqa amorreo runakunapa markankunachö täyarqan.
32
Tsaypitanam runakunata Moisés mandarqan Jazer markata rikapakayämunanpä. Kutiskayämuptinnam Jazerchö y lädun markakunachö täraq amorreo runakunata qarquskir Israel runakuna tsaychö täyarqan.
33
Tsaypitanam Israel runakuna Basán nacionman aywaq nänipana aywayarqan. Tsayta musyaskirmi Basán nacionpa mandaqnin rey Og soldädunkunawan Edreiman aywayarqan Israel runakunawan pelyayänanpä.
34
Tsaymi Moisésta Tayta Dios nirqan: «Tsay runakunataqa ama mantsaytsu. Noqam yanapashayki llapan soldäduntinta vincir nacionnintapis podernikichö katsiyänaykipä. Hesbónchö täraq amorreo runakunapa mandaqnin rey Sehónta vinciyanqaykinöllam paykunatapis vinciyanki».
35
Tayta Dios ninqannöllam rey Ogta, tsurinkunata y llapan soldädunkunatapis Israel runakuna wanutsiyarqan. Tsaychöqa pitapis kawaykaqta mana dëjarmi llapan chakrankunawanpis quëdakuyarqan.
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36