bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Numbers 18
Numbers 18
Quechuan QXO (Biblia en Quechua del sur de Conchucos)
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 19 →
1
Tsaypitanam Aarónta Tayta Dios nirqan: «Qamwan tsurikikuna y Leví trïbu mayikikuna Sagrädu Tolduchö imatapis llutanta rurarqa jutsayuqmi kayanki. Peru sacerdöti rurananpä kaqkunata imatapis llutanta rurarmi sïqa qamwan tsurikikunalla jutsayuq kayanki.
2
«Qamta y tsurikikunata yanapayäshunaykipä Leví trïbu mayikikunata willanki. Paykunam Pactu Tolduchö sirviyaptiki ima ruraykunachöpis yanapayäshunki.
3
Ninqaykita rurarmi tsay tolduta täpayanqa. Peru sagrädu kaqkunamanqa ama witiyätsuntsu ni patiuchö kaykaq altarpa lädunmanpis ama yaykuyätsuntsu. Yaykur o witirqa paykunapis y qamkunapis wanuyankim.
4
Levitakunallam Tinkuna Tolduchö ima ruraykunachöpis yanapayäshunki. Qamkuna rurayänaykipä kaqkunamanqa jäpa runakuna ama witiyämutsuntsu.
5
«Qamkunallam altarchö y tolduchö rurayänaykipä kaqkunata rurayanki. Kay ninqäkunata cäsuyaptikiqa Israel runakunata manam castigashänatsu.
6
Israel runakunapitam Leví trïbu mayikikunata akrarqü Tinkuna Tolduchö ruraykunata yanapayäshunaykipä.
7
Qamta y tsurikikunata sirvimaq sacerdöti kayänaykipä churashqa kaptïmi qamkunalla altarchö y Lugar Santïsimuchö rurayänaykipä kaqkunata rurayanki. Peru jäpa runa kaykar pipis tsayman yaykuq kaqmi sïqa wanunqa».
8
Tsaypitanam Aarónta Tayta Dios nirqan: «Israel runakuna noqapä apayämunqanta qammi cuidanki. Tsay apayämunqan sagrädu kaqkunatam qamtawan tsurikikunata entregarqü. Kay ninqäkunaqa imayyaqpis leymi qamkunapä y qamkunapita miraqkunapä kanqa.
9
Israel runakuna sacrificiupä apamur altarchö mana rupatsiyanqankunaqa qamkunapämi kanqa, tsaki mikuy ofrenda, purificatsina sacrificiu y consagratsina sacrificiu karpis. Llapanpis tsay sagrädu kaqkunam qampä y tsurikikunapä kanqa.
10
Ollqu kaqkunallam tsay sagrädu kaqkunata sagrädu sitiuchö mikuyanki.
11
«Tsaynöllam lädüchö joqarkur wakman kayman kuyutsinqayki ofrendakuna qampä, ollqu tsurikikunapä y warmi tsurikikunapä kanqa. Tsay ofrendakunataqa püru kaqkunallam mikuyanqa. Kay ninqäkunaqa imayyaqpis leymi qamkunapä y qamkunapita miraqkunapä kanqa.
12
«Tsaynöllam punta poquqta cosechayanqanpita allin kaq aceitita, vïnuta y trïguta noqapä primicia apayämunqankuna qampä kanqa.
13
Llapan cosëchankunapita punta poquqkunata noqapä apayämunqankunapis qampämi kanqa. Tsaykunataqa püru kaq castaykikunallam mikuyanqa.
14
Israel runakuna imatapis noqapä apayämunqanqa llapanpis qampämi kanqa.
15
«Israel runakunapa mayor ollqu wamrankuna y malta ashmankunapa punta yuriq orqu wawankunapis noqapä apayämunqanqa qampämi kanqa. Peru mayor wamranta y impüru ashmakunapa punta yuriq wawanta entregayäshunaykipa rantinmi qellayta apayämunqa.
16
Yurinqanpita juk killayuq kaykaptinmi apayämunqa pitsqa siclo qellayta. Tsay qellaykunatam pësanqa Tinkunantsik Sagrädu Tolduchö kaykaq pësakunawan. Tsay pësakunawan pësaptinmi juk siclo kanqa chunka juk grämu.
17
«Wäkapa, üshapa y cabrapa punta yuriq wawanpa preciunta apayämunanpa rantinmi kikin ashmata apayämunqa. Tsaykuna noqapä kaptinmi pishtaskir altar jananman yawarninta jichanki y wirantapis altar jananchö rupatsinki. Tsay rupatsinqaykipa mushkuyninpitam noqa Tayta Dios kushikushä.
18
Tsay ashmakunapa aytsanpis qampämi kanqa. Ñöpächö joqarkur wakman kayman kuyutsinqayki ashmapa derëcha kaq chankanwan pëchunpis qampämi kanqa.
19
Israel runakuna noqapä llapan apayämunqanmi qampä, ollqu tsurikikunapä y warmi tsurikikunapä kanqa. Kay ninqäkunaqa imayyaqpis leymi qampä y qampita miraqkunapä kanqa. Qampä y qampita miraqkunapä imayyaqpis tsaynö kananpämi awnï».
20
Tsaypitanam Aarónta Tayta Dios nirqan: «Israel runakuna chaskiyänanpä kaykaq nacionman chaykur chakrankunata chaskiyaptinpis qam y tsurikikunaqa manam chaskiyankitsu. Chakrata chaskiyänaykipa rantinqa noqam qamkunapa herenciaykikuna kashä.
21
Leví trïbu mayikikunapämi Israel runakuna apayämunqan diezmukuna kanqa. Tsay diezmukunam paykunapä kanqa Tinkuna Tolduchö sirviyämanqanpita.
22
«Leví trïbupita mana kaykar Tinkuna Tolduman pipis witirqa wanunqam.
23
Tsaymi levitakunalla Tinkuna Tolduchö rurayänanpä kaqkunata rurayanqa. Tsaychö imatapis llutanta rurarqa jutsayuqmi kayanqa. Tsay ninqäkunaqa imayyaqpis leymi qamkunapä y qamkunapita miraqkunapä kanqa. «Israel nacionchö levitakunapa chakrankuna manam kanqatsu.
24
Tsaynö kanqatsu Israel runakuna noqapä apayämunqan diezmukuna paykunapä kaptinmi».
25
Moiséstam Tayta Dios nirqan:
26
«Levitakunata niy: «Israel mayikikuna apayämunqan diezmuqa qamkunapa herenciaykikunam kanqa. Apayämunqan diezmupita qamkunapis diezmuta rakiskir Tayta Diospä apayämunki.
27
Tsay diezmutam Tayta Dios chaskinqa Israel mayikikuna trïgunpita o vïnunpita diezmuta apamuptin chaskinqannölla.
28
Tsaymi Israel mayikikuna apayämunqan diezmuta chaskir qamkunapis tsaypita diezmuta Tayta Diospä apamur sacerdöti Aarónta entregayanki.
29
Imata chaskirpis allin kaqtaqa imaypis Tayta Diospä apayämunki».
30
«Levitakunata mastapis niy: «Allin kaqta apayämuptikim Israel mayikikuna trïgunpita o vïnunpita diezmuta apayämuptin chaskinqannölla Tayta Dios chaskinqa.
31
Quëdaq kaqtaqa llapan castaykikunawan maychöpis mikuyanki. Tsayqa Tinkuna Tolduchö ruraypä kaqkunata rurayanqaykipitam päguykikuna kanqa.
32
Allin kaqta Tayta Diospä apamurqa quëdaq kaqta mikurpis manam jutsayuqtsu kayanki. Israel mayikikuna apayämunqan diezmukunata llapanta quëdatsikurmi sïqa sagrädutanötsu rikaykäyanki. Tsaynö rurarqa Tayta Diospa castïgunwanmi wanuyanki».
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 19 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36