bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Numbers 15
Numbers 15
Quechuan QXO (Biblia en Quechua del sur de Conchucos)
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 16 →
1
Tsaypitanam Moisésta Tayta Dios nirqan:
2
«Israel runakunata niy: «Tayta Dios entregayäshunaykipä kaykaq nacionman chaykur
3
sacrificiukunata paypä rupatsiyanki mushkuyninpita kushikunanpä. Tsay sacrificiukunata rupatsiyanki rupatsina kaq sacrificiu kaptinpis o awniyanqaykita cumplirpis, o voluntänikipita ashmata apamurpis o fiestapä ashmata apamurpis. Tsay sacrificiukunapä ashmaykikunapita apayämunki torïtuta, üshata o cabrata karpis.
4
«Sacrificiupä apayämunqaykiwan juntu apayämunki ishkay kïlu allinnin jarinata juk litru aceitiwan pichushqata.
5
«Tsaynölla cada carnishta apamur jananman juk litru vïnuta yapayanki aytsaman wiñayänaykipä.
6
«Cada carnëruta apamur jananman yapayanki chusku kïlu jarinata juk litru aceitiwan pichushqata.
7
Tsaynölla apayanki litru y mediu vïnuta aytsaman wiñayänaykipä. Tsaypa mushkuyninpitam Tayta Dios kushikunqa.
8
«Rupatsina sacrificiupä, awniyanqaykita cumpliyänaykipä o alli päsakuy sacrificiupä karpis torïtuta Tayta Diospä apamur
9
jananman apayanki joqta kïlu jarinata ishkay litru aceitiwan pichushqata.
10
Tsaynölla apayanki ishkay litru vïnuta aytsaman wiñayänaykipä. Tsay sacrificiupa mushkuyninpitam Tayta Dios kushikunqa.
11
«Tsaynöllam rurayanki töruta, carnëruta, carnishta o malta chïvuta apamurpis.
12
Ayka ashmata apamurpis cada ünunpä tsaynölla apayämunki.
13
Llapan Israel runakuna tsaynölla sacrificiukunata imaypis rurayanqa. Tsay sacrificiukunapa mushkuyninpitam Tayta Dios kushikunqa.
14
«Jäpa runakunapis sacrificiukunapä apamurqa qamkunanöllam rurayanqa. Tsaynölla rurayanqa qorpa karpis o jinanchö tarpis. Tsay sacrificiukunata rupatsiyaptinmi mushkuyninpita Tayta Dios kushikunqa.
15
Israel runa o jäpa runa karpis ninqäta tsaynölla cumpliyätsun. Kay ninqäkunaqa imayyaqpis leymi qamkunapä y qamkunapita miraqkunapäpis kanqa.
16
Tsaynöllam kay ninqäkuna kaykan qamkunapä y jäpa runakunapäpis».
17
Mastam Moisésta Tayta Dios nirqan:
18
«Israel runakunata niy: «Tayta Dios pushamanqantsik nacionman chaykur
19
chakrachö wayunqanta cosechar Tayta Diospä rakiyanki.
20
Punta poquq trïguta cosechar primiciata rakiyanqaykinölla punta poquq trïguta aqaskatsir masararpis rakiyanki.
21
Tsay ofrendata imaypis apayämunki.
22
«Tayta Dios ninqan mandamientukunata mana musyar mana cumplirqa
23
qamkuna y qamkunapita miraqkuna
24
juk torïtuta rupatsina sacrificiupä apayämunki. Rupatsina sacrificiuta rupatsiyaptinmi mushkuyninpita Tayta Dios kushikunqa. Tsaynölla apayämunki tsaki mikuy ofrendata y altarman wiñananpä vïnutapis. Tsaykunatawan juk chïvutapis purificatsina sacrificiupä apayämunki. Tsay sacrificiukunam kanqa qamkunachö runakuna mana musyayninpa jutsata rurayanqanpita.
25
Tsay apayämunqaykikunata Tayta Diospa puntanchö sacerdöti rupatsiptinmi mana musyaypa jutsata ruranqaykipita perdonayäshunki.
26
Tsaynö perdonayäshunki Israel runakuna o Israel runakunachö täraq jäpa runakuna kayaptikipis. Tsaynö kanqa qamkunachö llapan runakuna mana musyayninpa jutsata rurayanqanpitam.
27
«Qamkunachö juk runalla mana musyayninpa jutsata rurarqa purificatsina sacrificiupä juk watayuq cabrata apamunqa.
28
Tsayta sacerdöti rupatsiptinmi apamuq runata Tayta Dios perdonanqa.
29
Kay ninqäkunam ley kanqa qamkunapä y qamkunachö täraq jäpa runakunapäpis.
30
«Pipis musyaykar jutsata rurarqa Tayta Diostam rabyanätsin. Tsay runataqa Israel runa kaptinpis o jäpa runa kaptinpis qamkunapita qarquyanki.
31
Tayta Dios ninqanta manakaqman churar mana cäsunqanpitam tsay runata qarquyanki».
32
Israel runakuna desiertuchö kaykarmi Israel mayinta jamay junaqchö yantakuykaqta tariyarqan.
33
Tsaynö tariykurmi Moisés, Aarón y llapan runakuna qorikäyanqanman apayarqan.
34
Yantakuykaqta tariyanqanta willayaptinmi imanö castigayänanpäpis mana musyar prësuyarqan mana qeshpinanpä.
35
Tsaypitam Moisésta Tayta Dios nirqan: «Tsay runata campamentupita jukläman apaykur llapan Israel runakuna saqmaypa wanutsiyätsun».
36
Tsaymi Tayta Dios ninqannölla Israel runakuna jukläman apaykur saqmaypa wanutsiyarqan.
37
Moiséstam Tayta Dios nirqan:
38
«Israel runakunata niy röpankunapa kuchunman azul jïlupita shamshillnin rurayänanpä. Tsaynölla paykunapita miraqkuna röpankuna kuchunman shamshillninta imaypis churayanqa.
39
Tsay shamshillta rikarmi yarpäyanki noqapa mandamientükunata cumpliyänaykipä kanqanta. Tsaynöpam jutsata rurayänaykipä shonquykikuna yarpaptinpis tantiyakur dëjayanki.
40
Tsay shamshillkunam kanqa ninqäkunata cäsur noqa munanqänö santu kawayänaykipä.
41
Noqam Egiptupita jipimurqä Tayta Diosniki kanäpä. Noqam Tayta Diosniki kä».
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36