bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Numbers 26
Numbers 26
Quechuan QXO (Biblia en Quechua del sur de Conchucos)
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 27 →
1
Tsaypitanam Moisésta y sacerdöti Aarónpa tsurin Eleazarta Tayta Dios nirqan:
2
«Llapan Israel runakunata castanpa castanpa ishkay chunka (20) watayuqpita janaman censayay. Tsay runakunaqa guërraman aywayänanpä edäninkunachönam kaykäyan».
3
Tsay witsanmi Israel runakuna Jericó tsimpan y Jordán mayu lädu Moab pampachö kaykäyarqan. Censananpä Tayta Dios niptinmi Israel mayinkunata Moiséswan Eleazar niyarqan:
4
«Tayta Dios ninqannölla ishkay chunka (20) watayuqpita janaman llapayki censakuyay». Egiptupita yarqamuq Israel runakunapa castankuna mayqan kayanqanpis kaychömi qellqashqa kaykan:
5
Israelpa mayor tsurin Rubénpita miraqkunam kayarqan Enoc casta runakuna, Falú casta runakuna,
6
Hezrón casta runakuna y Carmi casta runakuna.
7
Rubénpita miraqkunata censayaptinmi chusku chunka kimsa waranqa qanchis pachak kimsa chunka (43,730) runakuna kayarqan.
8
Falúpa tsurinmi Eliab karqan.
9
Eliabpa tsurinkunam kayarqan Nemuel, Datán y Abiram. Datánwan Abiramqa mayor runakunam kayarqan. Paykunam Coréwan qorikaykur Moiséspa, Aarónpa y Tayta Diospa contran shäriyarqan.
10
Tsaynö contran shäriyaptinmi patsa kichakar Datánta, Abiramta y Coréta ultaskirqan. Tsaynöllam ishkay pachak pitsqa chunka (250) qatiraqninkunatapis nina rupar usharqan. Tsay runakunaqa wanuyarqan wakin Israel runakunapis tantiyakuyänanpämi.
11
Peru Corépa tsurinkunam sïqa kawaykar quëdarqan.
12
Simeónpita miraqkunam kayarqan Nemuel casta runakuna, Jamín casta runakuna, Jaquín casta runakuna,
13
Zera casta runakuna y Saúl casta runakuna.
14
Simeónpita miraqkunata censayaptinmi ishkay chunka ishkay waranqa ishkay pachak (22,200) runakuna kayarqan.
15
Gadpita miraqkunam kayarqan Zefón casta runakuna, Hagui casta runakuna, Suni casta runakuna,
16
Ozni casta runakuna, Eri casta runakuna,
17
Arod casta runakuna y Areli casta runakuna.
18
Gadpita miraqkunata censayaptinmi chusku chunka waranqa pitsqa pachak (40,500) runakuna kayarqan.
19
Judápa tsurinkuna Er y Onán tsuriynaqlla Canaánchö wanuyashqa kaptinmi castankuna karqantsu.
20
Tsaymi Judápita miraqkuna kayarqan Sela casta runakuna, Fares casta runakuna y Zera casta runakuna.
21
Farespita miraqkunam kayarqan Hezrón casta runakuna y Hamul casta runakuna.
22
Judápita miraqkunata censayaptinmi qanchis chunka joqta waranqa pitsqa pachak (76,500) runakuna kayarqan.
23
Isacarpita miraqkunam kayarqan Tola casta runakuna Fúa casta runakuna,
24
Jasub casta runakuna y Simrón casta runakuna.
25
Isacarpita miraqkunata censayaptinmi joqta chunka chusku waranqa kimsa pachak (64,300) runakuna kayarqan.
26
Zabulónpita miraqkunam kayarqan Sered casta runakuna, Elón casta runakuna y Jahleel casta runakuna.
27
Zabulónpita miraqkunata censayaptinmi joqta chunka waranqa pitsqa pachak (60,500) runakuna kayarqan.
28
Josépita miraqkunam kayarqan Manasés trïbu runakuna y Efraín trïbu runakuna.
29
Manaséspita miraqkunam kayarqan Maquir casta runakuna y Galaad casta runakuna. Galaadqa Maquirpa tsurinmi karqan.
30
Galaadpita miraqkunam kayarqan Jezer casta runakuna, Helec casta runakuna,
31
Asriel casta runakuna, Siquem casta runakuna,
32
Semida casta runakuna y Hefer casta runakuna.
33
Heferpa tsurin Zelofehadpaqa manam ollqu tsurinkuna karqantsu, sinöqa warmillam tsurinkuna kayarqan. Tsay warmi tsurinkunapa jutinkunam kayarqan Maala, Noa, Hogla, Milca y Tirsa.
34
Manaséspita miraqkunata censayaptinmi pitsqa chunka ishkay waranqa qanchis pachak (52,700) runakuna kayarqan.
35
Efraínpita miraqkunam kayarqan Sutela casta runakuna, Bequer casta runakuna y Tahán casta runakuna.
36
Sutelapita miraqkunam kayarqan Erán casta runakuna.
37
Efraínpita miraqkunata censayaptinmi kimsa chunka ishkay waranqa pitsqa pachak (32,500) runakuna kayarqan. Tsaynömi Josépita miraqkuna castanpa castanpa karqan.
38
Benjamínpita miraqkunam kayarqan Bela casta runakuna, Asbel casta runakuna, Ahiram casta runakuna,
39
Sufam casta runakuna y Hufam casta runakuna.
40
Belapa tsurinkunam kayarqan Ardwan Naamán. Paykunapitam mirayarqan Ard casta runakuna y Naamán casta runakuna.
41
Benjamínpita miraq runakunata censayaptinmi chusku chunka pitsqa waranqa joqta pachak (45,600) runakuna kayarqan.
42
Danpita miraqkunam kayarqan Súham casta runakuna.
43
Súhampita miraq runakunata censayaptinmi joqta chunka chusku waranqa chusku pachak (64,400) runakuna kayarqan.
44
Aserpita miraqkunam kayarqan Imna casta runakuna, Isúi casta runakuna y Bería casta runakuna.
45
Beríapita miraqkunam kayarqan Heber casta runakuna y Malquiel casta runakuna.
46
Aserpa warmi tsurinpa jutinmi Sera karqan.
47
Aserpita miraq runakunata censayaptinmi pitsqa chunka kimsa waranqa chusku pachak (53,400) runakuna kayarqan.
48
Neftalípita miraqkunam kayarqan Jahzeel casta runakuna, Guni casta runakuna,
49
Jezer casta runakuna y Silem casta runakuna.
50
Neftalípita miraq runakunata censayaptinmi chusku chunka pitsqa waranqa chusku pachak (45,400) runakuna kayarqan.
51
Censayta ushaskir yupayaptinmi Israel runakuna joqta pachak juk waranqa qanchis pachak kimsa chunka (601,730) runakuna kayarqan.
52
Tsaypitanam Moisésta Tayta Dios nirqan:
53
«Censaskir cada trïbuchö ayka runapis kayanqanman chakrata rakipunki herenciankuna kananpä.
54
Atskaq kayaptinqa jatun chakrata rakipunki. Wallkaqlla kayaptinqa takshallata rakipunki. Censayta ushaskir ayka runapis kayanqanman cada trïbuta rakipunki.
55
Cada trïbupä chakrata suertiyaypa rakipunki. Cada trïbum chakrata chaskinqa papänin mayqan trïbupis kanqanchö.
56
Tsaynö suertiyaypa rakipunki atskaq o wallkaqlla kayaptinpis».
57
Levitakunata censarqa Gersón casta runakunata, Coat casta runakunata Merari casta runakunatam censayarqan.
58
Tsaynöllam tsay castakunachö kayarqan Libni casta runakuna, Hebrón casta runakuna, Mahli casta runakuna, Musi casta runakuna y Coré casta runakuna. Coatpa tsurinmi Amram karqan.
59
Amrampa warminmi Jocabed karqan. Jocabedpis Leví trïbum karqan. Payqa Egiptuchömi yurirqan. Amrampa y Jocabedpa wamrankunam kayarqan Aarón, Moisés y María.
60
Aarónpa tsurinkunam kayarqan Nadab, Abiú, Eleazar y Itamar.
61
Nadabwan Abiúqa Tayta Diospa puntanchö llutalla inciensiuta qoshnitsiyanqanpitam wanuyarqan.
62
Levitakuna chakrata mana chaskiyänanpä nishqa kaptinmi Israel mayinkunata censaskirrä paykunata censayarqan. Tsaymi levitakunaqa juk killayuqpita janaman censayaptin ishkay chunka kimsa waranqa (23,000) runakuna kayarqan.
63
Jericó tsimpan y Jordán mayu lädun Moab pampachö kaykarmi Israel mayinkunata Moisés y sacerdöti Eleazar censayarqan.
64
Moisés y Aarón Sinaí desiertuchö Israel runakunata unay censayanqan witsan Moab pampachö censakuq runakuna manam mayqanpis censashqarätsu kayarqan.
65
Sinaí jirkachö censayanqan runakunaqa llapanpis Tayta Dios ninqannöllam desiertuchö wanuyarqan. Tsaymi mayqanpis karqantsu qepa kaq censupäqa. Jefonipa tsurin Caleb y Nunpa tsurin Josuéllam kawaykar quëdayarqan.
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 27 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36