bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Numbers 28
Numbers 28
Quechuan QXO (Biblia en Quechua del sur de Conchucos)
← Chapter 27
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 29 →
1
Tsaypitanam Moisésta Tayta Dios nirqan:
2
«Israel runakunata yätsinki ninqä junaqkunachö mana qonqaypa sacrificiuta rupatsiyänanpä. Tsay rupatsiyanqan mikuynï kaptinmi mushkuyninpita kushikushä.
3
«Tsaynölla tantiyatsir ninki: «Qoyay qoyay juk watayuq ishkay sänu carnishta Tayta Diospä rupatsiyanki. Carnishkunata rupatsiyanqaykiqa rupatsina sacrificium kanqa.
4
Jukaq carnishta patsa wäray rupatsiyanki y jukaqtana patsa tsakaykaptin rupatsiyanki.
5
Tsaykunata rupatsir tsaki mikuytapis rupatsiyanki ishkay kïlu allin jarinaman juk litru olïvus aceitiwan pichuskir».
6
(Tsaynömi Sinaí jirkachö rupatsina sacrificiukunata qoyay qoyay rupatsiyarqan. Tsay rupatsiyanqanpa mushkuyninmi Tayta Diospa shonqunpänö karqan.)
7
«Cada carnishta rupatsinaykipä apamurmi juk litru vïnutapis apayämunki. Tsay vïnutam Tayta Diosta adorar Tinkuna Sagrädu Toldupa patiunchö kaykaq altarman wiñayanki.
8
Jukaq carnishtanam wäraypa rupatsiyanqaykinölla tardipa rupatsiyanki. Tsay jananmanmi wäraypa wiñayanqaykinölla tsaki mikuyta y vïnutapis wiñayanki. Tsay rupatsiyanqaykipa mushkuyninpitam Tayta Dios kushikunqa.
9
«Jamay junaqpis juk watayuq ishkay sänu carnishta altarchö rupatsiyanki. Tsaypa jananman chusku kïlu allin jarinata olïvus aceitiwan pichushqata wiñanki. Tsayqa tsaki mikuy ofrendam kanqa. Tsaynölla rupaykätsinqayki jananman vïnutapis wiñayanki.
10
Jamay junaqchö tsaynö rupatsirpis y vïnuta jananman wiñarpis ama qonqayankitsu qoyay qoyay rupatsina sacrificiuta rupatsiyta.
11
«Cada killachö punta kaq junaq Tayta Diospä sacrificiuta rupatsiyanki ishkay sänu torïtuta, juk sänu carnëruta y juk watayuq qanchis sänu carnishkunata.
12
Cada torïtuta rupatsir joqta kïlu allin jarinata aceitiwan pichushqata jananman wiñayanki. Tsaynölla cada carnëruta rupatsir chusku kïlu allin jarinata aceitiwan pichushqata wiñayanki.
13
Cada carnishta rupatsir ishkay kïlu allin jarinata aceitiwan pichushqata wiñayanki. Tsay rupatsiyanqaykipa mushkuyninmi Tayta Diospa shonqunpänö kanqa.
14
Torïtuta rupatsir jananman wiñayanki ishkay litru vïnuta. Tsaynölla cada carnëruta rupatsir juk litru mediu vïnuta wiñayanki. Cada carnishta rupatsir juk litru vïnuta wiñayanki. Tsaynölla cada killa rupatsina sacrificiuta imaypis rupatsiyanki.
15
«Juk chïvutapis tsay junaq purificatsina sacrificiupä rupatsir jananman vïnuta wiñayanki. Tsaynölla qoyay qoyay rupatsina sacrificiutapis mana qonqaypa rupatsiyanki.
16
«Wata qallaykunan killa chunka chusku junaqchö Tayta Diosta adorar Pascua fiestata rurayanki.
17
Waraynin junaqpita qallaykur qanchis junaqyaq levadüraynaq tantata mikuyanki.
18
Fiesta qallanqan junaq ima aruytapis ama aruyankitsu, sinöqa Tayta Diosta adorayänaykipä qorikäyanki.
19
Tsaynölla Tayta Diosta adorar sacrificiuta rupatsiyanki ishkay sänu torïtuta, juk sänu carnëruta y juk watayuq qanchis sänu carnishkunata.
20
Tsay sacrificiu rupanqan jananman wiñayanki aceitiwan pichushqa allin jarinata. Cada torïtuta rupatsir joqta kïlu jarinata wiñayanki. Tsaynölla cada carnëruta rupatsirpis chusku kïlu jarinata wiñayanki.
21
Cada carnishta rupatsir ishkay kïlu jarinata wiñayanki.
22
Tsaynölla purificatsina sacrificiupä juk chïvuta altarchö rupatsiyanki. Tsayqa jutsata rurayanqaykipita perdonashqa kayänaykipämi kanqa.
23
Tsaykunata rupatsirqa cada wäray rupatsina sacrificiutapis mana qonqaypa rupatsiyanki.
24
«Qoyay qoyaymi qanchis junaqyaq fiestata rurar tsaynö rupatsiyanki. Tsay rupatsiyanqaykipa mushkuyninmi Tayta Diospa shonqunpänö kanqa. Tsaynölla rupatsiyanqayki jananman vïnutapis wiñayanki. Tsaykunata rupatsirqa qoyay qoyay cada wäray rupatsina sacrificiutapis mana qonqaypa rupatsiyanki.
25
Qanchis kaq junaqchöqa ima aruychöpis ama aruyankitsu, sinöqa Tayta Diosta adorayänaykipä qorikäyanki.
26
«Punta cosëchata qorir Semäna fiestata rurayaptiki juk junaq kanqa cosechayanqaykipita primiciata Tayta Diospä apayämunaykipämi. Tsay junaqchöqa ima aruychöpis ama aruyankitsu, sinöqa Tayta Diosta adorayänaykipä qorikäyanki.
27
Tsay junaq Tayta Diospä sacrificiuta rupatsiyanki ishkay torïtuta, juk carnëruta y juk watayuq qanchis carnishkunata. Tsay rupatsiyanqaykipa mushkuyninpitam Tayta Dios kushikunqa.
28
Cada torïtuta rupatsir aceitiwan pichushqa joqta kïlu allin jarinata wiñayanki. Tsaynölla carnëruta rupatsirpis aceitiwan pichushqa chusku kïlu allin jarinata wiñayanki.
29
Cada carnishta rupatsir ishkay kïlu allin jarinata wiñayanki.
30
Tsaynölla purificatsina sacrificiupä juk chïvuta altarchö rupatsiyanki. Tsayqa jutsata rurayanqaykipita perdonashqa kayänaykipämi kanqa.
31
«Tsaki mikuy ofrendatawan vïnuta wiñarkur tsay sacrificiukunata rupatsirpis qoyay qoyay rupatsiyanqayki sacrificiutapis mana qonqaypa rupatsiyanki. Rupatsiyänaykipä kaq ashmakunaqa llapanpis sänu kayätsun.
← Chapter 27
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 29 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36