bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Numbers 23
Numbers 23
Quechuan QXO (Biblia en Quechua del sur de Conchucos)
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 24 →
1
Tsaychömi Balaam nirqan: «Qanchis altarta ruraskatsir qanchis torïtuta y qanchis carnëruta pishtashqallata apatsimuy».
2
Balaam ninqanta Balac ruraskatsiptinmi cada altarchö juk torïtuta y juk carnëruta rupatsiyarqan.
3
Tsaypitanam Balaamqa Balacta nirqan: «Kayllachö shuyaykämay. Noqalla aywashä Tayta Dios imata nimanqantapis musyamunäpä. Kutiykamurnam imata nimanqantapis willashayki». Tsaynö niskirmi Balaamqa tsunyaq jirkaman aywarqan.
4
Tsay jirkachö Tayta Dios yuripuptinmi Balaam nirqan: «Qanchis altarta ruraykurmi cada ünunchö juk torïtuta y juk carnëruta qampä rupatsirqü».
5
Tsaynö niptinmi Balaamta Tayta Dios tantiyatsirqan Balac kaqman kutiykur imata willananpäpis. Tsaypitam nirqan: «Balac kaqman kutiykur ninqäkunata willanki».
6
Tsaymi kutiykur Balacta tarirqan sacrificiuta rupaykätsinqanpa lädunchö ichiraykaqta. Tsaychömi Moab nacionpa mandaqninkunapis kaykäyarqan.
7
Tsaymi Balaam nirqan: «Moabpa mandaqnin rey Balacmi Arampita qayatsimashqa. Rupay yarqamunan lädupitam pushatsimashqa. Mandamunqan runakunam niyämashqa: «Shamur Jacobpita miraq runakunata maldicionaykullay. Israel runakuna ushakäyänanpä willakuykullay».
8
Tsaynö niyämaptinpis Tayta Dios mana munaykaptinqa ¿imanöparä maldicionäman? Tayta Dios mana nikaptinqa ¿imanöparä ushakäyänanpä willaküman?
9
Kay jirkapitam Israel runakunata rikaykä. Kaypitam imanö kayanqantapis tantiyaykä. Paykunaqa wakin nación runakunapita rakikashqam taykäyan. Paykunawanqa manam juntakäyantsu.
10
Paykunaqa imayka arënanömi atskaq kaykäyan. ¿Pirächi yupaytapis puëdinman? Ayka kanqantapis ¿pirächi musyanman? Tayta Dios munanqannö kawaq runakuna kushishqa wanuyanqannömi noqapis wanuyta munä. Paykunanö noqapis wanuküman».
11
Tsaynö niptinmi Balaamta Balac nirqan: «¿Imatatä nikanki? Qamtaqa qayatsimurqü conträkunata maldicionanaykipämi. Tsaynö nikaptïpis qamqa bendisaykankim».
12
Tsaymi Balaam nirqan: «Noqaqa Tayta Dios tantiyatsimanqallantam parlaykä».
13
Balacnam nirqan: «Jukläman aku aywashun. Tsaypitam Israel runakunapa campamentunta wakinllatapis rikanki. Tsay rikanqallaykitapis maldicionaykullay».
14
Tsaymi Balaamta Balac pusharqan Pisga niyanqan jirkachö kaykaq Zofim pampaman. Tsaychömi qanchis altarta pirqaskir cada altarchö sacrificiupä rupatsirqan juk torïtuta y juk carnëruta.
15
Tsaychömi Balacta Balaam nirqan: «Kayllachö shuyaykämay. Noqaqa aywashä Tayta Dios imata yarpanqantapis musyamunäpä».
16
Aywaptinmi Tayta Dios yuripaykur imata parlananpä kanqantapis tantiyatsirqan. Tsaypitam nirqan: «Balacman kutiykur tantiyatsinqalläta willanki».
17
Tsaymi kutiykur Balacta tarirqan sacrificiuta rupaykätsinqanpa lädunchö Moab nacionpa mandaqninkunawan ichiraykaqta. Tsaymi Balac tapurqan: «Tayta Dios ¿imatatä nishurquyki?»
18
Tsaymi Balaam willar nirqan: «Ziporpa tsurin Balac, ninqäta shumaq wiyamay.
19
Tayta Diosqa manam runatsu llullakunanpä. Pay awniskirqa manam jukta yarpannatsu. Awninqantaqa cumplinmi.
20
Tayta Diosmi nimashqa bendisanäpä. Tayta Dios bendisaykaptinqa ¿imanöparä maldicionäman?
21
Jacobpita miraqkunataqa Tayta Dios manam maldicionayta munantsu. Payqa manam munantsu Israel runakunata desgracia päsananta. Tayta Diosmi Israel runakunata yanapaykan. Paymi mandaqnin rey kaykan.
22
Tayta Diosmi paykunata Egiptupita jipimurqan. Payqa poqushqa törunöpis kallpayuqmi kaykan.
23
Jacobpita miraq runakunata contran maldicionaptinpis manam imapis päsanqatsu. Israel runakunata brüjutsiptinpis manam chanqatsu. Kananpitaqa Israel runakunatam niyanqa: «¡Tayta Dios yanapashurnikim atska milagrukunata ruran!»
24
Israel runakunaqa leonnö mantsaypämi kaykäyan. León imatapis tsariykur yawarninta upurrä jamanqannömi Israel runakunapis contrankunata vinciskirrä jamayan».
25
Tsaynö niptinmi Balaamta Balac nirqan: «¡Tsay runakunata maldicionayta mana puëdirqa Tayta Diospa bendicionnintapis ama qoytsu!»
26
Tsaymi Balaam nirqan: «¿Manaku qamta nirqä Tayta Dios tantiyatsimanqallanta ninäpä kanqanta?»
27
Tsaypitanam rey Balac nirqan: «Tsaynö kaptinqa jukläman aywaykulläshun. Tsaypita maldicionaptikiqa capazchi Dios rabyakunqatsu».
28
Tsaynö nirmi Balaamta Peor jirkaman pusharqan. Tsaypitaqa entëru desiertum rikakun.
29
Tsaychömi Balacta Balaam yapay nirqan: «Kaychö qanchis altarta ruraskatsir qanchis torïtuta y qanchis carnëruta apamuy».
30
Tsaynö niptinmi Balacqa llapanta rurarqan. Tsaypitanam cada altarchö juk torïtuta juk carnëruta rupatsirqan.
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 24 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36