bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Numbers 16
Numbers 16
Quechuan QXO (Biblia en Quechua del sur de Conchucos)
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 17 →
1
Leví trïbupitam juk runa Coré jutiyuq karqan. Paymi Coat casta Izharpa tsurin karqan. Rubén trïbupitanam Datán, Abiram y On kayarqan. Datán y Abiramqa Eliabpa tsurinkunam karqan. Onnam Peletpa tsurin karqan.
2
Paykunam ishkay pachak pitsqa chunka (250) runakunawan Moiséspa contran shäriyarqan. Llapanpis yätsikuq y reqishqa runakunam kayarqan.
3
Paykunam qorikaykur Moisésta y Aarónta niyarqan: «¡Qamkunaqa alläpanam mandaykäyämanki! Llapantsikmi Tayta Diospä santu kantsik. Llapantsiktam yanapaykämantsik. Tsaynö kaykaptinqa ¿imanirtä qamkunalla munayyuq kayanqaykita yarpäyanki?»
4
Tsaynö niyaptinmi Moisés ima ruraytapis mana puëdir lätaykurqan.
5
Tsaypitam Coréta y wakin runakunatapis nirqan: «Waray wäraymi Tayta Dios musyatsimäshun mayqantsikpis santu kanqantsikta. Santu kaqmi paypa kaykan. Pay akranqan kaqkunallam payta sirviyänanpä puntanman yaykuyanqa.
6
Waray wäray shayämunki cada ünuyki inciensiu qoshnitsikuyänaykita apakurkur.
7
Tsaykunaman shanshata wiñarkurmi Tayta Diospa puntanchö inciensiuta qoshnitsiyanki. Tayta Dios akranqan kaqmi puntanchö sirvinanpä santu kanqa. ¡ Levitakuna, qamkunaqa alläpam Tayta Diosta rabyanätsiyanki!»
8
Tsaypitanam Coréta Moisés nirqan: «Levitakuna, shumaq wiyayämay.
9
Tayta Diosmi Israel mayikikunapita akrayäshurqayki payta sirvir llapan runakunapa rantin Sagrädu Tolduchö ruraykunata rurayänaykipä. ¿Manaku tsaywan contentakuyanki?
10
Qamta y levita mayikikunatapis Tayta Diosmi churayäshurqayki puntanchö sirviyänaykipä. ¿Kananqa sacerdöti kaytanaku munaykäyanki?
11
¿Tsaynö yarparku Aarónpa contran shäriykäyanki? Aarónpa contran shärirqa Tayta Diospa contranmi shäriykäyanki».
12
Tsaypitanam Moisés qayatsirqan Eliabpa tsurinkuna Datánta y Abiramta. Paykunanam niyarqan: «Manam aywayäshätsu.
13
Kutir Moisésta willayanki: «Egiptuchö lichipis abëjapa mishkinpis yakunörä atska kaykaptin kay desiertuchö wanuyänäpä pushayämar ¿allita ruranqaykitaku yarpaykanki? Tsaynöllaku ¿mandamaqnïkuna kayta munaykanki?
14
Kananyaqpis manam chätsiyämankirätsu yakunörä atska lichipis abëjapa mishkinpis kanqan nacionman. Manam chakratapis ni üva plantaraqtapis rikatsiyämarquykirätsu. ¿Imayyaqtä tsaynölla engañayämanki? Tsaymi shamuytapis munayätsu».
15
Tsaynö niyanqanta willaptinmi Moisésqa pasaypa rabyar Tayta Diosta nirqan: «¡Taytay, paykuna inciensiuta qoshnitsiyaptin ama chaskiytsu! Noqa manam ni juk ashnullantapis qechurqütsu ni imaypis paykunata wajupätsu».
16
Tsaypitanam Coréta Moisés nirqan: «Waray wäray mandayta munaq mayikikunawan Tayta Diospa puntanman shayämunki. Tsaychömi Aarónpis kaykanqa.
17
Cada ünuyki inciensiu qoshnitsikuyänaykita inciensiuntinta Tayta Diospa puntanman apayämunki. Tsaymi ishkay pachak pitsqa chunka (250) qoshnitsikuna kanqa. Tsaynöllam Aarónpis inciensiu qoshnitsikunanta apamunqa».
18
Moisés ninqannöllam cada ünun qoshnitsikunanman shanshata y inciensiuta wiñarkur Tinkuna Toldupa patiunman shayämurqan. Tsaychömi Moiséswan Aarónpis kaykäyarqan.
19
Moiséspa y Aarónpa contran shäriqkuna Coréwan tsaychö qorikashqa kaykäyaptinmi Tayta Diospa chipipiynin rikakämurqan.
20
Tsaypitanam Moisésta y Aarónta Tayta Dios nirqan:
21
«¡Kanan höram kay runakunata ushakätsishä! ¡Paykunapita ras witikuyay!»
22
Tsaynö niptinmi Moiséswan Aarón llakikurnin patsaman lätakaykur niyarqan: «¡Tayta Dios! Qammi llapan runakunatapis kawayta qonki. ¿Juk runalla jutsata ruranqanpitatsurä llapan runakunata ushakätsinki?»
23
Tsaynö niyaptinnam Tayta Dios nirqan:
24
«Israel runakunata niy Coré, Datán y Abiram täyanqan toldunkuna lädunpita jukläman witikuyänanpä».
25
Tsaymi lätaraykäyanqanpita shärirkur Israel mayor runakunawan Moisés aywayarqan Datán y Abiram kaykäyanqan kaqman.
26
Tsayman chaykurnam runakunata Moisés nirqan: «Kay jutsa ruraq runakunapa toldunkuna lädunpita witikuyay. Paykunapa imantapis ama yatayaytsu. Yatarqa paykunapa jutsankunapitam qamkunapis wanuyanki».
27
Tsaymi llapan runakuna witikuyarqan Corépa, Datánpa y Abirampa toldunkuna lädunpita. Abiramwan Datánqa toldunkunapa punkunchömi warminkunawan wamrankunawan kaykäyarqan.
28
Tsaypitam runakunata Moisés nirqan: «Kananmi tantiyayanki Tayta Dios mandamashqa kaptin imatapis pay nimanqallanta ruranqäta.
29
Kay runakuna wakin runakunanöpis alli wanuypa wanuyaptinmi musyayanki Tayta Dios mana mandamanqanta.
30
Peru Tayta Dios patsata kichakaskatsir llapan imaykantawan tsay runakunata kawaykaqta ultaskiptinmi sïqa musyayanki Tayta Diospa contran shäriyanqanta».
31
Moisés tsaynö nikaptinmi tsay runakuna ichiraykäyanqan kaqpa patsa kichakaskir
32
Coréta, Datánta, Abiramta, castankunata y imaykankunatapis ultaskirqan.
33
Tsaynö kawaykaqta ultaskirmi patsa wichqakaskirqan. Tsaynöpam llapan imaykankunawan Israel runakunapita ushakäyarqan.
34
Patsa kichakaptin qayaräyanqanta wiyarmi ñöpanchö kaykaq Israel runakunapis qayararnin qeshpir niyarqan: «¡Noqantsiktawantä patsa ultaskamashwan!»
35
Tsaynöllam Tayta Diospa puntanpita nina lunyar shamurnin usharqan ishkay pachak pitsqa chunka (250) inciensiuta qoshnitsiq runakunatapis.
36
Tsaypitanam Moisésta Tayta Dios nirqan:
37
«Tsay wanuq runakunapa qoshnitsikuyänanqa sagrädum. Tsaynö kaykaptinqa Aarónpa tsurin Eleazarta manday nina rupanqanpita jipinanpä y qoshnitsikunanchö shanshata qoriskir campamentupita karuman jitananpä.
38
Noqapa ñöpächö inciensiuta qoshnitsiyanqanpitam cada qoshnitsikunan sagräduna kaykan. Tsaymi cada wanuq runapa qoshnitsikunanta llapshallaman tsulluskatsir altarman enchapatsinki. Tsayta rikarmi Israel runakuna conträ shäriyanqanatsu».
39
Tsaymi wanuq runakunapa inciensiu qoshnitsikuyänanta sacerdöti Eleazar qorirqan. Qorinqankunata tsulluskatsirmi llapshallata altarman enchapatsirqan. Tsaykunam broncipita rurashqa karqan.
40
Altarman tsaynö enchapatsirqan pï runapis tsayta rikar Tayta Diospa puntanchö inciensiuta llutalla mana qoshnitsinanpämi. Tsaynöpam Aarónpita miraqkunalla Tayta Diospa puntanchö qoshnitsiyänanpä kayarqan. Pipis llutalla qoshnitsirqa Coré y munayyuq kayta munaq mayinkuna wanuyanqannömi wanuyanqa. Coréta y yanapaqninkunata tsaynö päsarqan Moisésta Tayta Dios ninqannöllam.
41
Tsaypita waraynin junaqmi Israel runakuna yapay Moisésta y Aarónta ollqutupar niyarqan: «¡Qamkunam Tayta Dios akranqan runakunata wanuykätsiyanki!»
42
Moiséspa y Aarónpa contran shäriyänanpä qorikarmi illaqpita rikaskiyarqan Tinkuna Tolduta pukutay tsapaskiqta y Tayta Diospa chipipiynin atsikyämuqta.
43
Tsaymi Moiséswan Aarón Tinkuna Toldupa patiunman aywayarqan.
44
Tsaychömi Moisésta Tayta Dios nirqan:
45
«¡Tsay runakunapita witikuyay! ¡Paykunatam juklla ushakätsishä!» Tsaynö niptinmi Moiséswan Aarón pasaypa llakikurnin patsaman lätakuykuyarqan.
46
Tsaymi Aarónta Moisés nirqan: «Tayta Dios pasaypa rabyarmi runakunata ushakaykätsin. Kananqa altarman juklla aywar inciensiu qoshnitsikunaykiman shanshatawan inciensiuta wiñay. Tsayta apakurkur runakuna kaykäyanqan kaqman aywar Tayta Diosta mañakuy paykunata perdonananpä».
47
Moisés ninqannöllam qoshnitsikunanta aptakurkur Aarónqa runakuna wanuykäyanqanman cörrilla aywarqan. Tsaychömi inciensiuta qoshnitsir Tayta Diosta mañakurqan runakunata perdonananpä.
48
Wanushqakunapa y kawaykaqkunapa chawpinman ichiykur Tayta Diosta rugakuptinmi pipis wanurqannatsu.
49
Chunka chusku waranqa qanchis pachak (14,700) runakunam tsaychö wanuyarqan. Tsaynö kayarqan Coréwan wanuqkunata mana yupayllapam.
50
Runakuna manana wanuyaptinnam Aarón kutirqan Tinkuna Toldupa patiunchö Moisés kaykanqan kaqman.
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 17 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36