bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Numbers 33
Numbers 33
Quechuan QXO (Biblia en Quechua del sur de Conchucos)
← Chapter 32
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 34 →
1
Kaychömi qellqashqa kaykan Israel runakuna Egiptupita trïbunpa trïbunpa yarqayämuptin Moisés y Aarón pushayanqankuna.
2
Tayta Dios ninqannöllam Moisésqa qellqarqan yarquyanqan junaqpita may partikunaman chäyanqantapis.
3
Wata qallanan killa chunka pitsqa junaqmi Rameséspita Israel runakuna yarquyarqan. Tsay junaqmi karqan Pascua mikuyta mikuyanqan waraynin. Tayta Dios yanapaptinmi llapan Egipto runakuna rikaykäyaptin aywayarqan.
4
Egipto runakunanam Tayta Dios wanutsinqan mayor tsurinkunata pampayarqan. Tsaynöpam Tayta Dios musyatsirqan Egipto runakuna adorayanqan diosninkuna poderniynaq kayanqanta.
5
Israel runakunam Rameséspita aywakur Sucotman chäyarqan.
6
Sucotpita aywakurnam Etamman chäyarqan. Tsayqa tsunyaq jirkachömi kaykan.
7
Etampita aywakurmi Baal-zefónpa tsimpan Pi-hahirotman chäyarqan. Tsaychönam Migdolpa tsimpanchö patsakuyarqan.
8
Pi-hahirotpita aywakurmi lamarta päsar desiertuman chäyarqan. Tsaypita kimsa junaqtanam tsunyaq Etam jirkaman aywar Maraman chäyarqan. Tsayman chaykurmi patsakuyarqan.
9
Marapita aywakurmi Elimman chaykur chunka ishkay pukyukunata y qanchis chunka (70) palmërakunatapis tariyarqan. Tsaychömi patsakuyarqan.
10
Elimpita aywakurmi Puka Lamar lädunman chaykur patsakuyarqan.
11
Puka Lamarpita aywakurmi Sin niyanqan desiertuman chaykur patsakuyarqan.
12
Sin niyanqan desiertupita aywakurmi Dofcaman chaykur patsakuyarqan.
13
Dofcapita aywakurmi Alúsman chaykur patsakuyarqan.
14
Alúspita aywakurmi Refidimman chaykur patsakuyarqan. Tsaychöqa manam upuyänanpä yaku karqantsu.
15
Refidimpita aywakurmi Sinaí desiertuman chaykur patsakuyarqan.
16
Sinaí desiertupita aywakurmi Kibrot-hataavaman chaykur patsakuyarqan.
17
Kibrot-hataavapita aywakurmi Hazerotman chaykur patsakuyarqan.
18
Hazerotpita aywakurmi Ritmaman chaykur patsakuyarqan.
19
Ritmapita aywakurmi Rimón-peresman chaykur patsakuyarqan.
20
Rimón-perespita aywakurmi Libnaman chaykur patsakuyarqan.
21
Libnapita aywakurmi Rissaman chaykur patsakuyarqan.
22
Rissapita aywakurmi Ceelataman chaykur patsakuyarqan.
23
Ceelatapita aywakurmi Sefer jirkaman chaykur patsakuyarqan.
24
Sefer jirkapita aywakurmi Haradaman chaykur patsakuyarqan.
25
Haradapita aywakurmi Macelotman chaykur patsakuyarqan.
26
Macelotpita aywakurmi Tahatman chaykur patsakuyarqan.
27
Tahatpita aywakurmi Taraman chaykur patsakuyarqan.
28
Tarapita aywakurmi Mitcaman chaykur patsakuyarqan.
29
Mitcapita aywakurmi Hasmonaman chaykur patsakuyarqan.
30
Hasmonapita aywakurmi Moserotman chaykur patsakuyarqan.
31
Moserotpita aywakurmi Bene-jaacánman chaykur patsakuyarqan.
32
Bene-jaacánpita aywakurmi Gidgad jirkaman chaykur patsakuyarqan.
33
Gidgad jirkapita aywakurmi Jotbataman chaykur patsakuyarqan.
34
Jotbatapita aywakurmi Abronaman chaykur patsakuyarqan.
35
Abronapita aywakurmi Ezión-geberman chaykur patsakuyarqan.
36
Ezión-geberpita aywakurmi Zin niyanqan desiertuman chaykur patsakuyarqan. Tsayqa Cades partichömi karqan.
37
Cadespita aywakurmi Edom nacionwan tinkuq Hor jirkaman chaykur patsakuyarqan.
38
Tsaypitam Tayta Dios ninqannö Hor jirkaman witsarkur sacerdöti Aarón wanukurqan. Pay wanurqan Israel runakuna Egiptupita yarqayämunqanpita chusku chunka (40) wata päsaskiptinmi. Aarón wanunqanqa pitsqa kaq killa punta kaq junaqchömi karqan.
39
Pachak ishkay chunka kimsa (123) watayuq kaykarmi Hor jirkachö Aarón wanurqan.
40
Hor jirkaman Israel runakuna chäyanqantam Arad markapa mandaqnin rey musyarqan. Aradqa Canaánchö kaykaq Neguevchömi karqan.
41
Israel runakunaqa Hor jirkapita aywakurmi Zalmonaman chaykur patsakuyarqan.
42
Zalmonapita aywakurmi Punónman chaykur patsakuyarqan.
43
Punónpita aywakurmi Obotman chaykur patsakuyarqan.
44
Obotpita aywakurmi Moabpa lindërun Ije-abarimman chaykur patsakuyarqan.
45
Ije-abarimpita aywakurmi Dibón-gadman chaykur patsakuyarqan.
46
Dibón-gadpita aywakurmi Almón-diblataimman chaykur patsakuyarqan.
47
Almón-diblataimpita aywakurmi Abarim jirkakunaman chaykur patsakuyarqan. Tsayqa Nebupita rupay yarqamunan kaq läduchömi kaykan.
48
Abarim jirkakunapita aywakurmi Jericó tsimpan y Jordán mayu lädu Moab pampaman chaykur patsakuyarqan.
49
Tsay pampachömi toldunkunata Israel runakuna shäritsiyarqan Bet-jesimot partipita Abel-sitim partiyaq.
50
Jericó tsimpan y Jordán mayu lädu Moab pampachö Israel runakuna taykäyaptinmi Moisésta Tayta Dios parlapar nirqan:
51
«Israel runakunata niy: «Jordán mayuta tsimpar Canaánman yaykur
52
tsaychö taykaq runakunata llapanta qarquyanki. Rumipita rurashqa o fiërrupita fundishqa kaptinpis ïdulunkunata pakir ushayanki. Ïdulunkunata adorayänan altarkunatapis llapanta juchutsiyanki.
53
«Tsaychö täraq runakunata qarquskir qamkunana tsaychö täyanki. Tsaychö täyänaykipämi qamkunata entregarqü.
54
Cada trïbuchö ayka runakuna kayanqanman suertiyaypa chakrata rakipuyanki. Atskaq runakuna kaptin jatun chakrata rakipuyanki. Wallka runakuna kaptinqa takshallata rakipuyanki. Suerti yarqamunqanpitam cada trïbu chakrata chaskiyanqa.
55
Canaánchö täraq runakunata mana qarquyaptikiqa paykunam ñawikichö qanra kaykaqnö y chakikichö kasha jatiraykaqnö kayanqa.
56
Mana qarquyaptikiqa paykunata castiganäpä yarpanqänöllam qamkunatana castigayäshayki».
← Chapter 32
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 34 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36