bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Revelation 11
Revelation 11
Quechuan QXO (Biblia en Quechua del sur de Conchucos)
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 12 →
1
Tsaychömi carrïzupita rurashqa värata ángel aptarkatsimar nimarqan: «Jerusalénpa ayway Tayta Diospa templunta y altarta midimunaykipä. Tsaynölla tsaychö adoraq runakunata yupamunki.
2
Peru templu waqtanchö kaykaq patiuta sïqa ama midimunkitsu. Tsay patiutam dëjarqü mana cäsumaq runakuna poderninchö tsararäyänanpä. Paykunam chusku chunka ishkay (42) killa sagrädu Jerusalén markata poderninchö tsararäyanqa.
3
Tsay witsanmi ishkay willakuqnïkunata noqa nishä waranqa ishkay pachak joqta chunka (1,260) junaq willakuynïta willakuyänanpä. Paykunaqa lütu röpankuna jatishqam willakuyanqa».
4
Tsay ishkay willakuqkunaqa kay patsata kamaq Tayta Diospa puntanchö ishkay olïvuskuna y ishkay candelërukunam kayan.
5
Pipis paykunata wanutsiyta munayaptinqa shiminkunapita nina yarqamurmi rupar ushanqa. Paykunawan churakuq kaqkuna tsaynömi wanuyanqa.
6
Tsay ishkay willakuqkunaqa poderyuqmi kayanqa tamyatapis mana tamyatsiyämunanpä, yakutapis yawarman tikratsiyänanpä y munayanqan höra pestiwan runakunata ushakätsiyänanpä.
7
Tayta Dios munanqannö willakuyninta willakur ushaskiyaptinnam wanwanyaykaqpita anticristo yarqamur paykunapa contran shärir wanutsinqa.
8
Wanutsiptinmi ayankuna jatun markapa pläzanchö jitaräyanqa. Tsay markachömi Señornintsik Jesucristutapis wanutsiyarqan. Tsay markatam Sodomanö y Egiptunö kanqanta niyan.
9
Kimsa junaq pullanyaqmi maytsay marka runakuna, maytsay trïbu runakuna, ima idiömata parlaq runakuna y maytsay nación runakunapis wanushqa jitaraykaqta rikayanqa. Ayankunatapis pampayänanta manam munayanqatsu.
10
Tsay willakuqkuna runakunata alläpa ajanätsishqa kayaptinmi kushikur regäluta juknin jukninpis qaranakuyanqa.
11
Wanushqa jitaraykäyanqanpita kimsa junaq pullantam tsay ishkay willakuqninkunata Tayta Dios kawatsimunqa. Tsayta rikaqkunam pasaypa mantsakäyanqa.
12
Kawaskamurnam wiyayanqa «¡kayman shayämuy!» nir ciëlupita qayakamuqta. Chikiqninkuna rikaraykäyaptinmi pukutay rurinpa ciëluman aywakuyanqa.
13
Tsay höra patsa pasaypa kuyuptinmi tsay markachö cada chunka wayipita juk wayi juchunqa y qanchis waranqa (7,000) runakuna wanuyanqa. Kawaykar quëdaqkunaqa pasaypa mantsakashqam Tayta Diosta alabayanqa.
14
Ishkay kaq ñakay päsaptinpis juk masrämi chämunanpä kaykan.
15
Qanchis kaq ángel cornëtata tukamuptinmi ciëluchö angelkuna jinchipa niyämunqan wiyakämurqan: «¡Llapan nacionkunapis Señornintsik Tayta Diospa y Cristupa poderninchönam kaykäyan! ¡Paymi imayyaqpis mandaq rey kanqa!»
16
Tsaymi Diospa puntanchö kaykaq ishkay chunka chusku (24) mayor runakuna trönunkunachö jamaraykäyanqanpita lätaykur Tayta Diosta adorarnin
17
niyarqan: «Llapanpä poderyuq Tayta Dios, qamtam agradëcikuyä. Unaypitam kanki, kananpis kaykankim [y shamunaykipänam kaykanki]. Llapantam podernikichö tsararaykanki. Kananqa qamnam mandar qallarquyki.
18
Qamta cäsukuyta mana munarmi maytsaychöpis runakuna pasaypa rabyanäyarqan. Kananqa kikikim rabyar wanushqakunata juzganki. Tiempu chämushqanam sirvishuqniki profëtakunata y qamman yärakur mantsapakuqkunata rïcu kayaptinpis pobri kayaptinpis premiuta entreganaykipä. Peru runa mayinta wanutsiqkunatam sïqa ushakätsinki».
19
Tsaymi ciëluchö kaykaq templu kichakaskiptin tsaychö kaykaq Pactu Babulta rikarqä. Illaqukuypis, maqakuypis y runtu tamyapis pasaypam karqan. Kay patsapis alläpam kuyurqan.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 12 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22