bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Revelation 13
Revelation 13
Quechuan QXO (Biblia en Quechua del sur de Conchucos)
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 14 →
1
Tsaypitanam lamarpita anticristo yarqaykämuqta rikarqä. Payqa qanchis umayuq y chunka waqrayuqmi karqan. Cada waqranchömi coröna karqan. Cada umankunachönam Tayta Diospa contran qellqashqa karqan.
2
Cuerpunqa leopardupanömi karqan. Chakinkunam ösupanö karqan. Y shiminnam leonpanö karqan. Paytam llapanta mandananpä poderninta dragón qararqan.
3
Anticristupa juk uman pasaypa pakishqa kaykaqtam rikarqä. Pakishqa kaykarpis wanunanpa trokinmi allirqan. Alliptinmi runakuna mantsakar ninqankunata cäsuyarqan.
4
Anticristuta poderninta qaranqanpitam dragontaqa runakuna adorayarqan. Tsaynöllam anticristutapis adorar niyarqan: «¡Paynö poderyuqqa manam pipis kantsu! ¡Manam pipis payta vinciyta puëdintsu!»
5
Anticristutam Tayta Dios jaqirqan yachaq tukur paypa contran parlananpä. Tsaynöllam podernin qararqan chusku chunka ishkay (42) killa munanqannö imatapis rurananpä.
6
Tsaymi anticristuqa Tayta Diospa contran, ciëluchö kaykaq templupa contran y ciëluchö kaykaqkunapa contran imaykatapis nirqan.
7
Tsaynöllam anticristuta Tayta Dios jaqirqan payman criyikuqkunata atacar vincinanpä. Tsaymi poderninchö tsarararqan maytsay trïbu runakunata, maytsay marka runakunata, ima idiömata parlaq runakunata y may nacionchö täraq runakunatapis.
8
Llapan runakunam anticristuta adorayarqan. Tsay adoraq runakunapa jutinkunaqa Libru de la Vïdachö manam qellqashqatsu karqan. Tsay libruqa wanutsiyanqan Cordërupa librunmi. Tsay librutam Tayta Dios qellqarqan kay patsata kamanqan witsan.
9
Rinriyuq kaqkunaqa ninqäkunata wiyakuyätsun.
10
Carcelchö wichqaräyänanpä kaqkunaqa carcelchömi wichqaräyanqa. Wanutsishqa kayänanpä kaqkunaqa wanutsishqam kayanqa. Tsaynö päsaptinpis Diosman criyikuqkunaqa pacienciakuyätsun. Imanö ñakarpis payman yärakuyätsun.
11
Tsaypitanam anticristupa profëtan patsa rurinpita yarqamuqta rikarqä. Payqa carnishpa waqrannö waqrashqam karqan. Peru dragonnömi parlarqan.
12
Anticristunömi poderyuq karqan. Paymi llapan runakuna anticristuta adorayänanpä nirqan. Anticristuqa uman pakishqa kanqanpita allishqanam karqan.
13
Tsaynöllam anticristupa profëtan milagrukunata rurarqan. Runakuna rikaykäyaptinmi ciëlupita ninatapis shushutsimurqan.
14
Anticristupa puntanchö milagrukunata rurarmi runakunata engañarqan. Tsaypitanam runakuna ïduluta rurayänanpä mandarqan. Tsay ïduluqa uman pakishqa kanqanpita allishqa anticristo niraqmi karqan.
15
Anticristupa profëtanqa ïduluta kawatsinanpä poderyuqmi karqan. Tsaymi tsay ïdulu parlar payta mana adoraq kaqkunata wanutsiyänanpä nirqan.
16
Tsaynöllam anticristuqa yachaq runata y mana yachaq runatapis, rïcu runata y pobri runatapis, esclävutapis y libritapis llapanta derëcha kaq makinchö o urkunchö karpis señalatsirqan.
17
Tsay señalmi karqan anticristupa jutinpa nümerun. Señalanni kaq runakunaqa manam rantipakuyta ni rantikuyta puëdiyarqantsu.
18
Anticristupa ima nümerun kanqantapis shumaq tantiyayay. Tsay nümerunqa joqta pachak joqta chunka joqtam (666). Runapa jutinmi tsay nümeru kaykan. Pipis yachaq kaqqa tantiyatsun pï runapa jutin tsay nümeru kanqantapis.
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 14 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22