bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Revelation 22
Revelation 22
Quechuan QXO (Biblia en Quechua del sur de Conchucos)
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
1
Tsaypitanam ángel rikatsimarqan imayyaqpis kawatsikuq y kuyayllapä cristal vidriunö chipipiykaq [tsuya] mayuta. Tsay mayu yarqamurqan Tayta Dios y Jesucristo jamaranqan trönu chakinpitam.
2
Jatun kaq cälli chawpinpam tsay mayu päsarqan. Mayupa kuchunkunachömi imayyaqpis kawatsikuq jachakuna karqan. Tsay jachakunam cada killa wayuyaq. Raprankunanam llapan nación runakunapä jampi karqan.
3
Kay patsata Tayta Dios maldicionashqa karpis tsay markataqa mananam maldicionanqanatsu. Tsaychöqa Tayta Diospa y Cordërupa trönunmi kanqa. Sirviqninkunanam Diosta adorayanqa.
4
Tsaychömi Tayta Diospa cäranta rikayanqa. Urkunkunachömi Tayta Diospa jutinpis qellqashqa kanqa.
5
Tsay markachöqa paqaspis mananam kanqanatsu. Chipipiyninwan Tayta Dios atsikyaptinmi rupaytapis ni ima aktsitapis munayanqanatsu. Tsay runakunam wiñaypa wiñaynin mandakuyanqa.
6
Tsaymi ángel nimarqan: «Profëtakunata tantiyatsiq Tayta Diosmi imapis päsananpä kaqkunata sirviqninkunata willanäpä mandamashqa. Kay willakunqäkunaqa rasun kaqllam».
7
Tsaynöllam Jesucristo nin: «Shamunäpänam kaykä. Kushishqam kawayanqa kay libruchö qellqashqa kaykaqkunata cäsuqkuna».
8
Noqa Juanmi tsaykunata wiyarqü y rikarqü. Tsaymi llapanta rikatsimaq angelpa puntanman adoranäpä lätakuykurqä.
9
Tsaymi nimarqan: «¡Noqata ama adoramaytsu! Profëta mayikikunanölla y qellqanqaykikunaman criyikuqkunanöllam noqapis Tayta Diosta sirvï. Tayta Diosllata adoray».
10
Tsaypitanam nimarqan: «Llapanpis cumplinanpäna kaykaptinqa revelacionchö rikanqaykikunata ama pakarätsiytsu, sinöqa libruman qellqaykur runakunaman apatsiy.
11
Mana alli ruraqkuna jina mana allita rurar kawayätsun. Jutsa ruraqkunaqa jina jutsata rurar kawayätsun. Alli runakunaqa allita rurar kawayätsun. Tayta Dios munanqannö santu kawaqkunaqa pay munanqannö santu kawayätsun».
12
Jesucristum nin: «Shamunäpänam kaykä. Shamurmi runakunata kawayanqanman juzgar premiuta qarashä o castigashä.
13
Alfa y Omegam kä. Qallanan y ushananmi kä.
14
«Kushishqam kayanqa mushuq Jerusalénman yaykuyänanpä y imayyaqpis kawatsikuq jachapa wayuyninta mikuyänanpä röpankunata taqshakuqkuna.
15
Peru tsay markamanqa manam yaykuyanqatsu mana alli ruraqkuna, brüjukuna, fornicación jutsata ruraqkuna, runa mayinta wanutsiqkuna, ïdulukunata adoraqkuna y llapan llullakuqkunapis.
16
«Noqa Jesúsmi criyikamuqkunaman angelnïta mandamurqü imapis päsananpä kaqkunata musyatsinäpä. Noqaqa Davidpita miraq y Waraq Lucërum kä».
17
Espíritu Santupis y Jesucristuwan casarananpä jipashmi niyan: «¡Taytay, ras shamuyna!» Kay libruchö qellqashqa kaykaqkunata liyimunqanta wiyaqkunapis niyätsun: «Taytay, shamuykullay». Yakunaqkunaqa shayämutsun. Imayyaqpis kawatsikuq yakuta debaldilla upuyätsun.
18
Kay libruchö qellqashqa kaykaqta wiyaqkunatam nï: Mayqanpis kay qellqashqa kaqkunaman yarpayninkunata yapaq kaqtaqa Tayta Diosmi pasaypa castiganqa. Kay libruchö qellqashqa kanqannömi tsay runakuna ñakayanqa.
19
Kay libruchö qellqashqa kaykaqpita juk yachatsikuyllatapis jipiyaptinqa Tayta Dios manam dëjanqatsu imayyaqpis kawatsikuq jachapa wayuyninta mikuyänanpä. Tsaymi mushuq sagrädu Jerusalén markaman yaykuyanqatsu ni kay libruchö qellqashqa kaykaq bendicionkunatapis chaskiyanqatsu.
20
Kay libruta qellqanäpä tantiyatsimaq Jesucristum nin: «Shamunäpänam kaykä». «¡Amén! ¡Shamuykullay, Señor Jesús!»
21
Señornintsik Jesucristo llapaykita imaypis yanapaykuyälläshuy. [Amén.]
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22