bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Revelation 6
Revelation 6
Quechuan QXO (Biblia en Quechua del sur de Conchucos)
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 7 →
1
Tsaychömi rikarqä rölluchö punta kaq laqaraykaq cërata Cordëru jipinqanta. Jipiskiptinmi puntanchö kaq chusku kawaqkunapita juknin jinchipa qayakur nimurqan: «¡Shamuy!»
2
Tsaynö nimuptin rikanqächömi yuraq caballuta rikarqä. Muntaraqninnam flëchan aptashqa karqan. Paymi corönata chaskiskir Tayta Diospa contran kaqkunata vincir ushakätsinanpä aywarqan.
3
Rölluchö ishkay kaq laqaraykaq cërata Cordëru jipiskiptinmi puntanchö kaq chusku kawaqkunapita juknin qayakur nimurqan: «¡Shamuy!»
4
Tsaynö nimuptinmi puka caballu yarqamurqan. Muntaraqninnam jatun espädata chaskiskir runakuna chikinakur kikinkunapura wanutsinakuyänanpä aywarqan.
5
Rölluchö kimsa kaq laqaraykaq cërata Cordëru jipiskiptinmi puntanchö kaq chusku kawaqkunapita juknin qayakur nimurqan: «¡Shamuy!» Tsaynö nimuptin rikanqächömi yana caballu shamuqta rikarqä. Muntaraqninnam balanzan aptashqa kaykarqan.
6
Tsaymi tsay chusku kawaqkunapa chawpinpita parlamuqta wiyarqä: «¡Mallaqaykunam kanqa! Tsaymi juk junaq arur gänayanqan aypanqa juk kïlu trïguta o kimsa kïlu cebädata rantiyänallanpä. Peru aceititawan vïnutaqa ama ushakätsiytsu».
7
Rölluchö chusku kaq laqaraykaq cërata Cordëru jipiskiptinmi puntanchö kaq chusku kawaqkunapita jukninna qayakur nimurqan: «¡Shamuy!»
8
Tsaynö nimuptin rikanqächömi qarwash caballuta rikarqä. Muntaraqninpa jutinmi karqan Wanuy. Paypa qepantanam Hades shamurqan. Ishkanmi yarqayämurqan runakunata espädawan, mallaqaywan, qeshyawan y chucaru ashmakunawan wanutsiyänanpä. Tsaymi poderyuq karqan cuarta parti runakunata wanutsiyänanpä.
9
Rölluchö pitsqa kaq laqaraykaq cërata Cordëru jipiskiptinmi almakuna altar chakinchö kaykaqta rikarqä. Tsay almakunam kayarqan Diospa willakuyninta wiyakuyanqanpita y Jesucristuman criyikuyanqanpita wanutsishqa runakunapa almankuna.
10
Paykunam jinchipa niyarqan: «Ninqaykikunata cumpliq santu Tayta Dios, ¿imaytä wanutsiyämaq runakunata juzganki?»
11
Tsaynö niyaptinmi Tayta Dios nirqan: «Shuyaskiyayrä. Qamkuna wanuyanqaykinöllam wakin criyikamuqkunapis wanuyanqa». Tsaynö nirmi tsay almakunata yuraq röpata jatitsirqan.
12
Rölluchö joqta kaq laqaraykaq cërata Cordëru jipiskiptinmi patsa pasaypa kuyurqan. Tsay höram rupay yanayar lütu tëlanö tikraqta y killapis yawarnö tikraqta rikarqä.
13
Pasaypa vientuptin hïgus shushumuqnörämi qoyllurkunapis ciëlupita shushuyämurqan.
14
Ciëlupis röllunö lluyllukarmi illakaskirqan. Jirkakuna y lamarchö islakunapis juklämanmi witiyarqan.
15
Kay patsachö reykuna, rïcukuna, mandaq soldädukuna, esclävukuna y wakin runakunapis qaqakunaman y machaykunamanmi pakakuyarqan.
16
Tsaychömi jirkakunata y qaqakunatapis niyarqan: «¡Janäkunaman juklla juchumuy! ¡Trönuchö jamaraykaqpis y Cordërupis pasaypa rabyashqam kaykäyan! ¡Paykunapita pakaykayällämay!
17
¡Llapan runakunata castigananpä kaq tiempu chämushqanam! ¡Tayta Diospa castïgunta manam pipis awantanqatsu!»
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 7 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22