bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Revelation 19
Revelation 19
Quechuan QXO (Biblia en Quechua del sur de Conchucos)
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 20 →
1
Tsaypitanam ciëluchö atskaq runakuna jinchipa nimuqta wiyarqä: «¡Aleluya! ¡Tayta Diosnintsikmi poderninwan runakunata salvan! ¡Payqa llapanpä poderyuqmi! [¡Payta pïmaypis alabayätsun!]
2
¡Payqa pitapis shumaqmi juzgan! Llapan runakunata jutsa ruratsiq prostitütatam castigashqana. Tayta Diospa sirviqninkunata wanutsinqanpitam kikintana ushakätsishqa».
3
Tsaypitam yapay niyämurqan: «¡Aleluya! Tsay marka rupaptinmi mana päraypa qoshni shärinqa».
4
Tsaypitanam trönunchö jamaraykaq Tayta Diosta adorayänanpä puntanchö kaykaq ishkay chunka chusku (24) mayor runakuna y tsaychö kaykaq chusku kawaqkunapis lätaykur niyarqan: «¡Amén! ¡Aleluya!»
5
Tsaynö niyaptinnam Tayta Dios jamaraykanqan trönunpita nimuqta wiyarqä: «¡Tayta Diosnintsikta mantsapakur sirviqkuna, rïcu karpis pobri karpis llapayki alabayay!»
6
Tsaypitanam atskaq runakuna alabaykaqta wiyarqä. Tsay alabayanqanmi atska yaku aywar qayaraqnö y maqakuy bunruruqnö wiyakämurqan. Tsay runakunam niyarqan: «¡Aleluya! ¡Llapanpä poderyuq Tayta Diosnintsikmi mandakuykanna!
7
¡Payta kushishqa alabashun! Chämushqanam Cordëru casaranan fiesta. Casarananpä kaq jipashpis alistakushqanam kaykan.
8
Tsay jipashtam fïnu lïnupita rurashqa chipipiykaq limpiu röpata jatikunanpä Tayta Dios alistapashqa». (Tsay röpaqa Tayta Diosman yärakuqkuna allikunata rurayanqanmi.)
9
Tsaymi ñöpächö kaykaq ángel nimarqan: «Kay ninqäta qellqay: «Tsay casaray fiestaman qayatsinqan runakuna kushishqam kayanqa». Tsaypitanam nimarqan: «Kay ninqäkunaqa Tayta Dios ninqankunam».
10
Tsaynö nimaptinmi angelta adoranäpä lätakuykurqä. Peru paynam nimarqan: «¡Noqata ama adoramaytsu! Noqapis qamnölla y criyikuq mayikikunanöllam Tayta Diospa sirviqnin kä. ¡Tayta Diosllata adorayqa! Llapan willakunqäpis Jesucristo alabashqa kananpämi kaykan».
11
Tsaypita ciëlu kichakaskiptinmi yuraq caballuta rikarqä. Muntaraqninpa jutinmi karqan Ninqanta Rasunpa Cumpliq. Paymi mayqanpapis janan mana shärir juzgan. Mana alli ruraqkunata ushakätsinanpämi guërratapis ruran.
12
Ñawinkunapis ninanörämi atsikyarqan. Umanchömi atska corönakunata jatirarqan. Tsaychömi juk jutin qellqashqa karqan. Tsay jutitaqa kikillanmi musyarqan.
13
Yawarllana röpan jatishqam kaykarqan. Jutinmi Diospa Palabran kaykan.
14
Paytam ciëlupita kaq soldädukuna yuraq caballunkuna muntashqa qatiräyarqan. Paykunam fïnu lïnupita rurashqa yuraq y limpiu röpankuna jatishqa kayarqan.
15
Yuraq caballu muntaraqpa shiminpitam afilashqa espäda yarqamurqan. Nacionkunata tsay espädawan vinciskirmi fiërru värata aptarkur mandanqa. Nacionkunata castigarmi üvata jarukunan pözuchö jaruqnö castiganqa. Tsaynö castigarmi llapanpä poderyuq Tayta Dios pasaypa rabyanqanta musyatsinqa.
16
Sotänanchö y raku chankanchö qellqashqa jutinmi nirqan: «Reykunapa Reynin y señorkunapa Señornin».
17
Tsaypitanam rupay jananchö juk ángel ichiraykämuqta rikarqä. Tsay angelmi wiskurkunata qayar nirqan: «¡Tayta Dios alistanqan mikuyta mikuyänaykipä llapayki shayämuy!
18
¡Runakunapa aytsantam mikuyanki! ¡Reykunapa, soldädukunapa, soldädupa mandaqninkunapa y muntaräyanqan caballunkunapa aytsankunatam mikuyanki! ¡Esclävupatapis, libripatapis, rïcupatapis, waktsapatapis llapan runakunapa aytsantam mikuyanki!»
19
Tsaychömi rikarqä anticristuta y llapan nacionkunapa mandaqnin reykuna soldädunkunawan kaykaqta. Paykunam yuraq caballun muntashqa runawan y soldädunkunawan pelyayänanpä qorikäyarqan.
20
Tsaychömi yuraq caballun muntashqa runa anticristuta y llullakuq profëtata prësu tsarirqan. Manarä prësu tsariptinmi tsay llullakuq profëta anticristupa puntanchö milagrukunata rurar anticristupa señalninta chaskiqkunata y ïdulunta adoraqkunatapis criyitsirqan. Tsay llullakuq profëtata y anticristutaqa azufriyuq nina rupaykaq qochamanmi kawaykaqta qaykurqan.
21
Anticristupa soldädunkunatanam yuraq caballun muntashqa runaqa shiminpita yarqamuq espädawan wanutsirqan. Tsay wanuqkunapa aytsantanam wiskurkuna pacha junta mikuyarqan.
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 20 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22