bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Revelation 4
Revelation 4
Quechuan QXO (Biblia en Quechua del sur de Conchucos)
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 5 →
1
Tsaypitanam ciëluchö punku kicharaykämuqta rikarqä. Ñöpata wiyanqänöllam cornëta waqamuqtanörä yapaypis wiyarqä: «Kayman witsämuy. Kananmi rikatsishayki ima päsananpä kaqtapis» nimaqta.
2
Jinan höram Espíritu Santu ciëluchö trönuta rikatsimarqan. Tsay trönuchömi juk jamaraykarqan.
3
Jamaraykaqqa jaspe ruminö y cornalina ruminörämi chipipiykarqan. Jamakunan trönu jananpam esmeralda ruminörä chipipiykaq turmanyuy sutaraykarqan.
4
Tsay trönu entëru kuchunpam ishkay chunka chusku (24) trönukuna kayarqan. Tsay trönukunamanmi yuraq röpashqa y qori corönan jatishqa mayor runakuna jamakuyarqan.
5
Chawpinchö kaykaq trönupitam atsikyaypa atsikyar illaqukuy yarqamurqan. Maqakuypis bunruruypa bunrururmi wiyakämurqan. Trönupa puntanchömi qanchis candelërukuna tsariykäyarqan. Tsaykunam kayarqan Tayta Diospa qanchis espïritunkuna.
6
Trönu puntanpanam kuyayllapä cristal vidriu niraq lamar rikakarqan. Tsay trönu entëru kuchunpam chusku kawaqkuna kayarqan. Paykunapam entëru cuerpunchö ñawinkuna karqan.
7
Punta kaqmi leonnö karqan. Ishkay kaqnam törunö karqan. Kimsa kaqnam runanö karqan. Chusku kaqnam päriykaq ankanö karqan.
8
Tsay chuskun kawaqkunam joqta älayuq kayarqan. Tsaynöllam entëru cuerpunchö ñawinkuna karqan. Tsay kawaqkunam paqaspa junaqpapis niyarqan: «¡ Santu, santu, santu! ¡Llapanpä poderyuq Tayta Dios santum kaykan! ¡Payqa unaypita kawaq, kananpis kaykaq y shamunanpä kaqmi kaykan!»
9
Trönunchö jamaykaq imayyaqpis kawaq Tayta Diosta tsaynö adorar agradëcikurnin alabayaptinmi
10
tsay ishkay chunka chusku (24) mayor runakunapis imayyaqpis kawaq Tayta Diospa puntanman lätaykur adorayarqan. Corönankunata jipiskirmi Tayta Diospa trönunpa puntanman churaykur niyarqan:
11
«Señornintsik Tayta Dios, qamllam llapanpä poderyuq kanki. Llapan imatapis qammi kamarquyki. Kawayta qaranqaykipitam llapanpis kawayan. Tsaymi llapanpis respitayäshurniki alabayäshunki».
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 5 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22