bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Revelation 2
Revelation 2
Quechuan QXO (Biblia en Quechua del sur de Conchucos)
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 3 →
1
«Éfeso markachö iglesiapa angelninpä kay ninqäta qellqay: Noqam derëcha kaq makïchö qanchis qoyllurkunata tsararaykä. Qoripita rurashqa qanchis candelërukunapa chawpinchömi purï.
2
«Noqa rikaykämi imaypis criyikamur llapan rurayanqaykikunata. Llutan yachatsikuqkunata manam chaskipäyarquykitsu. Apóstol tukuqkuna llutanta yachatsir kaykaqtam tariyarquyki.
3
Criyiyämunqaykipita ñakatsiyäshuptikipis mana ajayaypam munanqänö kawaykäyanki.
4
«Peru manam gustamantsu ñöpata kuyakuq kayanqaykita dëjayanqayki.
5
Puntata kuyakuq kayanqaykinö kananpis kuyakuq kayay. Tsaynö mana kayaptikiqa [illaqpita] shamurmi ñöpächö kaykaq candelëruykita jipiskishä.
6
«Tsaynö karpis nicolaíta runakunapa mana alli rurayninkunata mana chaskir allitam ruraykäyanki. Paykuna yachatsiyanqankunata manam wiyaytapis munätsu.
7
«Espíritu Santum iglesiakunata tsaynö nin. Rinriyuq kaqkunaqa ninqäkunata wiyakuyätsun. Imanö ñakarpis mana ajayaypa criyikamuqkunataqa Tayta Diospa puntanchömi imayyaqpis kawatsikuq jachapa wayuyninta qarashä».
8
«Esmirna markachö iglesiapa angelninpä kay ninqäta qellqay: Noqam qallanan y ushanan kä. Wanunqäpitapis kawamurqümi.
9
«Noqa rikaykämi [llapan rurayanqaykikunata,] ñakayanqaykita y pobri kayanqaykita. Pobri karpis rasunpa rïcunömi kaykäyanki. Tsaynöllam wiyaykä wasayki rimayanqanta. Tsay runakunaqa «Tayta Dios kuyanqan Israel runam kayä» nikarpis Satanás munanqantam rurayan.
10
«Ñakaykuna qamkunaman chaykämunnam. Tsaynö kaptinpis ama mantsakäyaytsu. Diablu ishkitsiyäshuynikita munarmi wakikita carcelman wichqatsiyäshunki. Tsaychömi chunka junaq ñakayanki. Tsaynö kaptinpis wanuyanqaykiyaq mana ajayaypa noqaman criyikayämuy. Tsaynö kayaptikim corönata qarayäshayki. Tsay corönaqa mana ushakaq kawaymi kanqa.
11
«Espíritu Santum iglesiakunata tsaynö nin. Rinriyuq kaqkunaqa ninqäkunata wiyakuyätsun. Imanö ñakarpis mana ajayaypa criyikamuqkunaqa manam nina qochaman jitashqatsu kayanqa».
12
«Pérgamo markachö iglesiapa angelninpä kay ninqäta qellqay: Noqam ishkan lädunpa afilashqa espädä aptashqa kaykä.
13
«Noqa rikaykämi [llapan rurayanqaykikunata y] markaykichö Satanáspa trönun kanqanta. Tsaynö kaptinpis mana ajayaypam noqaman criyikayämunki. Willakuynïta willakuq Antipasta tsay markachö wanutsishqa kayaptinpis mana ajayaypam yärakayämurquyki.
14
«Peru wakin rurayanqaykikuna manam gustamantsu. Wakïnikikunam Balaam yachatsinqannö llutanta yachaykätsiyanki. Pay yachatsiptinmi Balac jutiyuq runa Israel runakunata fiestankunaman qayatsiyarqan ïdulukunapa jutinchö pishtayanqan aytsata mikuyänanpä. Tsaynöllam runakunata yachatsirqan fornicación jutsata rurayänanpä.
15
«Tsaynöllam wakikikuna nicolaíta runakunapa yachatsikuyninta chaskiyarquyki. [Tsay yachatsikuyta manam wiyaytapis munätsu.]
16
Tsaynö kaptinqa tsay yachatsikuykunata dëjayay. Mana dëjayaptikiqa qamkuna kaqman illaqpita shamurmi shimïpita yarqamuq espädawan ushakätsiyäshayki.
17
«Espíritu Santum iglesiakunata tsaynö nin. Rinriyuq kaqkunaqa ninqäkunata wiyakuyätsun. Imanö ñakarpis mana ajayaypa criyikamuqkunataqa ciëluchö churaraykaq maná mikuytam qarashä. Tsaynöllam yuraq rumichö mushuq jutin qellqashqa kaykaqta entregashä. Tsay mushuq jutitaqa yuraq rumita chaskiqkunallam musyayanqa».
18
«Tiatira markachö iglesiapa angelninpä kay ninqäta qellqay: Noqam Tayta Diospa Tsurin kä. Ñawïpis ninanörämi atsikyaykan. Chakïpis chipipiykaq broncipita rurashqanömi kaykan.
19
«Noqa rikaykämi llapan rurayanqaykikunata y pïmaywanpis kuyanakuyanqaykita. Tsaynöllam musyaykä noqaman yärakayämunqaykita, yanapakuq kayanqaykita y munanqänö imaypis kawayanqaykita. Unay sirviyämanqaykipita masmi sirviyämanki.
20
«Peru manam gustamantsu Jezabel llutanta yachatsiptin mana michäyanqayki. Tsay warmiqa profetïsa tukurmi noqaman yärakamuqkunata criyitsir yachaykätsin fornicación jutsata rurayänanpä y ïdulukunapa jutinchö pishtayanqan aytsata mikuyänanpä.
21
Kananyaqnam shuyararqü tsay warmi jutsankunata dëjananpä. Peru manam jutsanta dëjantsu.
22
«Tsaymi payta qeshyawan castigashä. Tsay warmi yachatsinqanta cäsuqkunatapis jutsa rurayta mana dëjayaptinqa pasaypam castigashä.
23
Paykunapa wamrankunatapis wanutsishämi. Tsaynöpam noqaman criyikamuqkuna tantiyakuyanqa runakuna imata yarpäyanqantapis musyanqäta. Noqaqa imatapis rurayanqanmanmi pïmaytapis juzgashä.
24
«Wakikikunaqa tsay warmipa llutan yachatsikuyninkunata manam chaskiyarquykitsu. «Mas allin kaq yachatsikuyta yachakushun» niptinpis tsay yachatsinqankunaqa Satanáspitam kaykan. Tsaymi qamkunata nï:
25
Noqa yachatsinqäkunata shamunqäyaq mana qonqaypa cäsukuyay.
26
Imanö ñakarpis mana ajayaypa criyikamuqkunataqa nacionkunata poderninchö tsararäyänanpämi churashä.
27
Mandakunäpä Papänï churamanqannömi paykunatapis mandakuq kayänanpä churashä. Tsaynö poderyuq karmi nacionkunata fiërru väranwan mandayanqa. Mitu mankata pakiqnömi paykunata ushakätsiyanqa.
28
Tsay mandakuqkunatam waraq lucëruta entregashä.
29
«Espíritu Santum iglesiakunata tsaynö nin. Rinriyuq kaqkunaqa ninqäkunata wiyakuyätsun.
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 3 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22