bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Revelation 21
Revelation 21
Quechuan QXO (Biblia en Quechua del sur de Conchucos)
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 22 →
1
Tsaypitanam mushuq patsata y mushuq ciëluta rikarqä. Unay kaq ciëlupis y unay kaq patsapis manam karqannatsu. Lamarpis mananam karqannatsu.
2
Tsaynöllam [noqa Juan] rikarqä mushuq Jerusalén sagrädu markatapis Tayta Diospa puntanpita uraykämuqta. Tsay markam casarananpä mushuq röpan jatishqa jipashnö kuyayllapä karqan.
3
Tsay höram Tayta Diospa trönunpita jinchipa nimuqta wiyarqä: «¡Kananqa runakuna kaqchönam Tayta Dios täranqa! Paykunam kuyanqan runakuna kayanqa. Kikin Tayta Diosmi paykunawan kanqa.
4
Paykunata shoqarmi weqinkunatapis pitsanqa. Wanuypis, waqaypis, llakikuypis y ñakaykunapis mananam kanqanatsu. Tsaykunaqa llapanmi ushakanqa».
5
Trönuchö jamaraykaqnam nimurqan: «Llapantam mushuqta ruraykä». Tsaypitanam nimarqan: «Kay ninqäkunaqa rasun kaqmi. Tsaynö kaptinqa llapan ninqäkunata qellqay».
6
Tsaypitanam nimarqan: «Llapanpis cumplishqanam. Alfa y Omegam kä. Qallanan y ushananmi kä. Yakunaqkunataqa debaldillam kawatsikuq yakuta qarashä.
7
Imanö ñakarpis mana ajayaypa criyikamuqkunaqa llapan herenciantam chaskiyanqa. Noqam paykunapa Diosnin kashä. Paykunam wamräkuna kayanqa.
8
Noqapita penqakuqkunata, mana criyimaqkunata, jutsasapakunata, wanutsikuqkunata, fornicación jutsata ruraqkunata, brüjukunata, ïdulukunata adoraqkunata y llullakuqkunatapis azufriyuq nina lunyaykaq qochamanmi qaykushä. Tsay nina qochaqa qepa kaq wanuymi kaykan».
9
Tsaypitanam cöpakunawan castïgukunata jichamuq qanchis angelkunapita juk ángel shamuykur nimarqan: «Cordëruwan casarananpä kaq jipashta rikatsinäpä aku aywashun».
10
Tsaynö nirmi revelacionchö jatun jirka jananman pushamarqan. Tsaychömi rikatsimarqan mushuq Jerusalén sagrädu marka Tayta Diospa puntanpita uraykämuqta.
11
Tsay markaqa Tayta Diospa chipipiyninwanmi chipipirqan. Jaspe ruminö y cristal vidriunömi kuyayllapä karqan.
12
Markataqa jatunkaray murällam tumaypa tsapararqan. Tsay murällam chunka ishkay punkuyuq karqan. Cada punkuchömi juk ángel karqan. Tsaynöllam cada punkuchö juk juti qellqashqa karqan. Tsay jutikunam Israelpa tsurinkunapa jutinkuna kayarqan.
13
Kimsa punkukuna karqan rupay yarqamunan kaq lädupa, kimsa kaqna norti kaq lädupa, kimsa kaqna sur kaq lädupa y kimsa kaqna rupay ullunan kaq lädupa.
14
Murälla kaqchömi chunka ishkay rumikuna karqan. Cada rumikunachömi juk juti qellqashqa karqan. Tsay jutikunaqa Cordërupa chunka ishkay apostolninkunapa jutinkunam karqan.
15
Noqawan parlaq angelmi qoripita rurashqa värata aptarkur tsay markata, punkunkunata y murällantapis midimurqan.
16
Midiptinmi tsay markapa altunpis, anchunpis y largunpis tsay tamäñulla karqan. Tsaymi tsay markapa cada lädun chunka ishkay waranqa (12,000) estadiu karqan.
17
Tsaypitam murällanpa anchunta midirqan. Midiptinmi anchun pachak chusku chunka chusku (144) kukush karqan.
18
Tsay murällaqa jaspe rumikunawan pirqashqam karqan. Markaqa qorillapita rurashqa karmi limpiu vidriunö chipipirqan.
19
Tsay murällapa cimientunmi tukuy niraq kuyayllapä rumikunawan pirqashqa karqan: Punta kaqmi jaspe rumi, ishkay kaqmi zafiro rumi, kimsa kaqmi ágata rumi, chusku kaqmi esmeralda rumi,
20
pitsqa kaqmi ónice rumi, joqta kaqmi cornalina rumi, qanchis kaqmi crisólito rumi, puwaq kaqmi berilo rumi, isqun kaqmi topacio rumi, chunka kaqmi crisopraso rumi, chunka juk kaqmi jacinto rumi y chunka ishkay kaqnam amatista rumi.
21
Tsay murällapa chunka ishkay punkunkunam cada ünun juk perlaspita rurashqa karqan. Markapa jatun kaq cällinmi chipipiykaq qoripita rurashqa karqan. Imayka vidriunömi karqan.
22
Tsay markachöqa templuta manam rikarqätsu. Tsaychöqa llapanpä poderyuq Tayta Dios y Cordërum templu kaykan.
23
Kikin Tayta Dios y Cordëru atsikyaptinmi rupaypis ni killapis kanqanatsu.
24
Maytsay nacionkunachö salvashqa runakunatam aktsipanqa. Nacionkunapa mandaqnin reykunapis kuyayllapä riquëzankunatam tsayman apayanqa.
25
Tsay markachö patsa mana tsakaptinmi imaypis punkunkunata wichqayanqatsu.
26
Maytsay nacionpitapis tsay markamanmi riquëzankunata apayanqa.
27
Tsayman manam yaykuyanqatsu jutsasapakuna, llutanta ruraqkuna ni llullakuqkuna. Tsayman yaykuyanqa Libru de la Vïdachö jutinkuna apuntashqa kaqkunallam. Tsay libruqa Cordërupa librunmi.
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22