bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Revelation 12
Revelation 12
Quechuan QXO (Biblia en Quechua del sur de Conchucos)
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 13 →
1
Tsaypitam ciëluchö rupaynö chipipiykaq warmi rikakämurqan. Tsay warmipa chakinchömi killa kaykarqan. Jatiranqan corönachömi chunka ishkay qoyllurkuna karqan.
2
Tsay warmim qeshyakuy nanaywan pasaypa qayaraykarqan.
3
Tsaypitanam ciëluchö qanchis umayuq y chunka waqrayuq jatunkaray puka dragón rikakämurqan. Cada umanchömi corönata jatirarqan.
4
Chupanwan qaracharmi cäsi pullan qoyllurkunata kay patsaman jitaskamurqan. Warmi qeshyakunanpä kaykaptinmi wamra yuriskiptin mikunanpä puntanman ichiskirqan.
5
Tsay warminam qeshyakurqan ollqu wamrata. Paymi llapan nacionkunata fiërru värawan mandananpä yurirqan. Tsay wamratanam Tayta Dios puntanman pushakurqan.
6
Warminam qeshpirqan Tayta Dios alistanqan desiertuman. Tsaychömi Tayta Dios mikuyta alistaparqan waranqa ishkay pachak joqta chunka (1,260) junaq mikunanpä.
7
Ciëluchönam Miguel jutiyuq angelwan tsay puka dragón guërrata rurayarqan. Migueltam angelninkuna yanapayarqan y dragontanam qatiraqnin angelkuna yanapayarqan.
8
Dragonta y qatiraqnin angelkunatapis guërrachö vinciskirmi ciëlupita qarqayämurqan.
9
Tsay jatunkaray dragonqa diablu ninqan Satanásmi. Paymi maytsaychöpis runakunata engañaq unay culebra kaykan. Payta y qatiraqnin angelkunata vinciskiyaptinnam Tayta Dios kay patsaman qarqamurqan.
10
Tsaypitam ciëlupita jinchipa nimuqta wiyarqä: «¡Kananqa yärakuqkunata Tayta Diosnintsik salvananpä kaq höra chämushqanam! ¡Tayta Diosnintsikpa mandakuyninqa poderwanmi shamushqana! ¡Kananpitaqa Jesucristunam llapantapis poderninchö tsararanqa! ¡Satanásqa ciëlupita qarqushqanam kaykan! ¡Tayta Diosman yärakuqkunata paqaspa junaqpa tumpaq Satanás vincishqanam kaykan!
11
Tayta Diosman yärakuqkunam payta vinciyarqan Cordëru yawarninta jichar wanunqanpita. Tsaynöllam vinciyarqan Tayta Diospa willakuynin ninqannö kawar. Manam wanuytapis mantsayarqantsu. Tsaypa rantinqa listum kayarqan Cordëruman criyikuyanqanpita wanuyänanpäpis.
12
¡Ciëluchö täraqkuna, kushikuyay! ¡Allaw, kay patsachö y lamarchö kaqkuna! Ciëlupita qarqamushqa karmi diablu pasaypa rabyashqa puriykan. Paymi pöcu tiempullana runakunata engañananpä kanqanta musyan».
13
Kay patsaman jitaskamuptinmi dragonqa ollqu wamrata qeshyakuq warmita qatikacharqan.
14
Tsaynö qatikachaptinmi tsay warmita Tayta Dios alistaparqan ankapa älantanö qeshpir desiertuman aywakunanpä. Tsaychömi kimsa wata y joqta killa Tayta Dios yanaparqan.
15
Tsaymi dragonqa mayutanörä yakuta aqtumurqan warmita apananpä.
16
Peru mana apananpämi patsapa shimin kichakaskir tsay yakuta ultaskirqan.
17
Tsaymi dragonqa pasaypa rabyar warmipa wakin wamrankunatana ushakätsinanpä aywarqan. Warmipa wamrankunaqa Jesucristo willakunqanta criyir Tayta Diospa mandamientunkunata cumpliq runakunam kayan.
18
Tsaypitanam dragonqa lamar kuchunman aywaykur ichiskirqan.
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 13 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22