bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Revelation 3
Revelation 3
Quechuan QXO (Biblia en Quechua del sur de Conchucos)
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 4 →
1
«Sardis markachö iglesiapa angelninpä kay ninqäta qellqay: Noqam Tayta Diospa qanchis espïritunkunata tsararaykä. Noqam makïchö qanchis qoyllurkunata tsararaykä. «Noqa rikaykämi llapan rurayanqaykikunata. Tayta Dios munanqannö kawayanqaykita runakuna yarpäyaptinpis qamkunaqa wanushqanömi kaykäyanki.
2
«Shonquykikuna manarä chukruyanqanyaq Tayta Dios munanqannö kawayänaykipä shumaq yarpachakuyay. Allita rurayanqaykita yarpäyaptikipis Tayta Diospäqa manam allitsu.
3
Yachakuyanqaykita y wiyayanqaykita mana qonqaypa cäsukuyay. Jutsa rurayta dëjaskir munanqänöna kawayay. Tsaynö mana kawayaptikiqa illaqpita suwa shamunqannömi qamkunata castiganäpä shamushä.
4
«Wallkaqllam Tayta Dios munanqannö kawaykäyanki. Tsaynö kawayanqaykipitam yuraq röpaykikuna jatikushqa ñöpächö kawayanki.
5
Imanö ñakarpis mana ajayaypa criyikamuqkunaqa yuraq röpan jatishqam kayanqa. Paykunapa jutinkunata Libru de la Vïdapita manam börrashätsu. Papänïpa y angelkunapa puntanchömi favornin parlashä.
6
«Espíritu Santum iglesiakunata tsaynö nin. Rinriyuq kaqkunaqa ninqäkunata wiyakuyätsun.
7
«Filadelfia markachö iglesiapa angelninpä kay ninqäta qellqay: Noqam santu kä. Ninqäkunataqa cumplïmi. Davidpa llävintam tsararaykä. Tsaymi punkuta kichaptï ni pipis wichqanqatsu. Wichqaptï manam ni pipis kichanqatsu.
8
«Noqa rikaykämi llapan rurayanqaykikunata. Poderniynaq kaykarpis mana ñëgamaypam ninqäkunata cumpliyarquyki. Tsaymi gloria punkuta kichaparqü. Tsay punkupa yaykuyaptiki manam pipis michäyäshunkitsu.
9
«Markaykichö wakin runakuna «Tayta Dios kuyanqan Israel runam kayä» nikarpis llullakuykäyanmi. Paykunaqa Satanás munanqantam rurayan. Tayta Dios kuyanqan runakuna kayanqanta niyaptinpis qamkunatam noqa kuyä. Tsayta musyayänanpämi puntaykiman qonqurikuyänanpä mandashä.
10
«Ninqäta cumplirmi imanö ñakarpis mana ajayaypa criyikayämunki. Tsaynö kayanqaykipitam maytsaychö täraq runakuna pasaypa ñakayänanpä kaq tiempu chämuptinpis qamkunawan kaykäshä.
11
«Noqaqa shamunäpänam kaykä. Tsaynö kaykaptinqa yachatsinqäkunata mana qonqaypa cäsukuyay. Tsaynöpam corönaykita pipis qechuyäshunkitsu.
12
Imanö ñakarpis mana ajayaypa criyikamuqkunataqa Diosnïpa templunchö columna kayänanpämi churashä. Tsaymi mana yarquypa tsaychö imayyaqpis kayanqa. Paykunamanmi Tayta Diosnïpa jutinta y markanpa jutinta qellqashä. Tsay markaqa ciëlupita shamuq mushuq Jerusalénmi. Tsaynöllam kikïpa mushuq jutïtapis paykunaman qellqashä.
13
«Espíritu Santum iglesiakunata tsaynö nin. Rinriyuq kaqkunaqa ninqäkunata wiyakuyätsun.
14
«Laodicea markachö iglesiapa angelninpä kay ninqäta qellqay: Noqam Tayta Dios promitinqankunata cumplï. Imaypis rasun kaqllatam nï. Noqawanmi llapantapis Tayta Dios kamarqan.
15
«Noqa rikaykämi llapan rurayanqaykikunata. Musyämi ni alaq ni achaq mana kayanqaykita. Tsaypa rantinqa alaq karpis o achaq karpis kayankiman.
16
Peru alaqpis o achaqpis kayänaykipa rantin tibiu kayanqaykipitam shimïpita aqturishayki.
17
«Rïcu kayanqaykiman yärakurmi «imapis manam faltäyämantsu» niyanki. Peru tsaynö nirpis manam cuentata qokuyankitsu kuyapaypä pobri, qapra y qallapächu kaykäyanqaykita.
18
Rasunpa rïcu kayta munarqa ninawan tsullutsishqa qori püruta noqapita rantiyay. Qallapächu kayta mana munarqa yuraq röpata noqapita rantiyay. Qapra kayta mana munarqa noqapita jampita rantiyay. Tsaynöpam rïcu, alli röpashqa y alli rikaq kayanki.
19
«Kuyanqä kaqtaqa llutanta ruraptinmi corrigï. Tsaynö kaykaptinqa jutsa ruraykunata dëjaskir llapan shonquykikunawan sirviyämay.
20
¡Wiyayämay! Punkuykipitam qayakaykämü. Mayqaykipis qayakamunqäta wiyar kichamuptikiqa yaykamuptïmi juntu mikushun.
21
Imanö ñakarpis mana ajayaypa criyikamuqkunataqa noqawan mandakuq kayänanpämi churashä. Tsaynöllam Satanásta vincinqäpita noqatapis Papänï churamashqa paywan imayyaqpis mandakuq kanäpä.
22
«Espíritu Santum iglesiakunata tsaynö nin. Rinriyuq kaqkunaqa ninqäkunata wiyakuyätsun».
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 4 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22