bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Revelation 5
Revelation 5
Quechuan QXO (Biblia en Quechua del sur de Conchucos)
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 6 →
1
Tsaypitanam trönuchö jamaraykaqpa derëcha kaq makinchö rölluta rikarqä. Tsay rölluqa jananpa y rurinpam qellqashqa karqan. Qanchis kutim cërawan kuchun laqararqan.
2
Tsaychömi juk poderyuq angelta rikarqä. Paymi jinchipa qayakur nirqan: «¿Pillarä cërankunata jipiskir rölluta kichaskinman?»
3
Peru ciëluchö, ni kay patsachö ni patsa rurinchöpis tsay rölluta kichananpä ni qellqashqa kanqanta rikananpäpis manam pipis karqantsu.
4
Pipis tsay rölluta kichananpä ni liyinanpä mana kaptinmi pasaypa llakikur waqarqä.
5
Tsaymi ishkay chunka chusku (24) mayor runakunapita juknin nimarqan: «Ama waqaytsu. «Judá trïbupita yuriq León» ninqan runam Satanásta vincishqa. Paymi poderyuq kaykan qanchis cërata jipiskir rölluta kichananpä. Payqa rey Davidpita miraqmi kaykan».
6
Tsaynö nimaptinmi juk Cordëruta rikarqä. Wanutsishqanö karpis trönu ñöpanchömi kawaykar ichiraykarqan. Tsaynöllam chusku kawaqkunapa chawpinchö y ishkay chunka chusku (24) mayor runakunapa chawpinchö kaykarqan. Qanchis waqrayuq y qanchis ñawiyuqmi karqan. Tsay qanchis ñawinkunaqa Tayta Dios kay patsaman mandamunqan qanchis espïritukunam kaykäyan.
7
Trönuchö jamaraykaqpa derëcha kaq makinpitam rölluta Cordëru chaskirqan.
8
Chaskiskiptinmi puntanchö kaq chusku kawaqkuna y tsaychö kaq ishkay chunka chusku (24) mayor runakunapis puntanman lätaykur adorayarqan. Paykuna llapanmi arpankunawan kayarqan. Tsaynöllam qoripita rurashqa tazonwan inciensiuta tsararäyarqan. Tsay inciensiuqa Tayta Diosman yärakuqkuna mañakuyanqankunam karqan.
9
Paykunam mushuq alabanzata cantarnin Cordëruta alabar niyarqan: «Qamllam poderyuq kanki tsay rölluta chaskiskir kichanaykipä. Qammi runakuna raykur wanurqayki. Yawarnikita jicharmi Tayta Diospä runakunata rantirqayki. Tsaymi runakunata Tayta Dios salvashqa pï casta kayaptinpis, ima idiömata parlayaptinpis, may markachö täyaptinpis y may nacionpita kayaptinpis.
10
Tayta Diosnintsikpa poderninchö kayänanpä y sirviqnin sacerdötikuna kayänanpämi churarqayki. Paykunam patsachö mandakuq kayanqa».
11
Tsaypitanam yupaytapis mana atipaypä angelkuna Cordëruta alabaykaqta rikarqä. Paykunam trönupa puntanchö, chusku kawaqkunapa puntanchö y ishkay chunka chusku (24) mayor runakunapa puntanchöpis alabar
12
jinchipa niyarqan: «¡Runakuna raykur wanutsiyanqan Cordëruqa llapanpä poderösum! ¡Paymi llapan kamanqankunapapis ämun kaykan! ¡Paynöqa manam pipis yachaq kantsu! ¡Llapan kawaqkuna payta imaypis alabaykuyällätsun!»
13
Tsaynöllam wiyarqä ciëluchö kaykaqkuna, kay patsachö kaykaqkuna, patsa rurinchö kaykaqkuna, lamar rurinchö kaykaqkuna y llapanpis Tayta Dios kamanqan kaqkuna alabarnin niyaqta: «¡Trönuchö jamaykaq Tayta Dios y ñöpanchö kaykaq Cordëru imayyaqpis alabashqa kaykullätsun!»
14
Tsaynö alabayaptinmi Tayta Diospa puntanchö kaykaq chusku kawaqkuna «¡amén!» niyarqan. Tsaynöllam ishkay chunka chusku (24) mayor runakuna lätaykur [imayyaqpis kawaq] Tayta Diosta adorayarqan.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 6 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22