bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Revelation 9
Revelation 9
Quechuan QXO (Biblia en Quechua del sur de Conchucos)
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 10 →
1
Tsaypitanam pitsqa kaq ángel cornëtata tukamuptin kay patsaman qoyllur shushumuqta rikarqä. Tsay qoyllurmi supaykuna wichqaräyanqan wanwanyaykaq patsapa shiminpa llävinta chaskirqan.
2
Patsapa shiminta kichaskiptinmi jatun jornupita qoshni yarqamuqnörä qoshni yarqamurqan. Tsay qoshni rupayta tsapaptinmi patsa tsakaskirqan.
3
Tsay qoshnipitanam kay patsaman juntaqpä chukllushkuna yarqayämurqan. Tsay chukllushkunam atuq kurunö pasaypa venënuyuq kayarqan.
4
Paykunatam mandarqan qewatapis ni jachatapis mana ushakätsiyänanpä. Tsaypa rantinqa Tayta Diospa sëllunwan urkunchö mana señalashqa kaqkunallata ñakatsiyänanpämi nirqan.
5
Tsaynöllam runakunata ñakatsirpis mana wanutsiyänanpä nirqan. Wanutsiyänanpa rantinqa pitsqa killa nanaywan ñakatsiyänanpämi nirqan. Tsay nanayqa atuq kuru kaninqannörämi nanarqan.
6
Tsay witsan runakuna pasaypa ñakarnin wanuyta munarpis manam imanöpa wanuyanqatsu. Wanuyta ashirpis manam tariyanqatsu.
7
Tsay chukllushkunam guërraman aywayänanpä alistashqa caballukunanö kayarqan. Umankunachö qori corönan jatishqanömi kayarqan. Cärankunapis runapa cärannömi karqan.
8
Aqtsankunanam imayka warmipa aqtsannö y kirunkunanam imayka leonpa kirunnö karqan.
9
Cuerpunkunaqa läta chalëcushqanömi karqan. Päriyaptin älankuna sapapaptinmi wiyakarqan carrëtan qarachashqa caballukuna guërraman aywaqnörä.
10
Chupannam atuq kurupa chupannö awja punta karqan. Chupanwan kaniptinmi runakuna pitsqa killa qeshyar ñakayarqan.
11
Tsay chukllushkunapa mandaqninmi wanwanyaykaq raqrachö ángel karqan. Tsay angelpa jutinmi hebreo idiömachö Abadón y griego idiömachö Apolión.
12
Tsay punta kaq ñakay päsaskiptinpis ishkay ñakaykunarämi chämunanpä kaykan.
13
Joqta kaq ángel cornëtata tukamuptinmi wiyarqä Tayta Diospa puntanchö kaykaq qori altarpa chuskun waqran chawpinpita parlamuqta.
14
Tsaychömi tsay cornëta tukamuq angelta nirqan: «Éufrates mayu kuchunchö wataraykaq chusku angelkunata paskamuy».
15
Paskaskamuptinmi tsay chusku angelkuna mayu kuchunpita aywayarqan kay patsachö cäsi pullan runakunata wanutsiyänanpä. Tsay angelkunam alistakushqa kayarqan tsay höra, tsay junaq, tsay killa, tsay wata runakunata wanutsiq yarquyänanpä.
16
«¡Tsay angelkunawanmi ishkay pachak millón (200,000,000) soldädukuna caballunkuna muntashqa aywaykäyan!» nimuqtam wiyarqä.
17
Soldädukunapa chalëcunkunam karqan ninanö puka, zafirunö azul y azufrinö qarwash. Caballunkunapa umankunam leonpa umannö karqan. Shiminpitam ninapis, qoshnipis y azufripis yarqamurqan. Tsaynömi soldädukunata y caballunkunata revelacionchö rikarqä.
18
Shiminpita yarqamuq azufri, nina y qoshnim kay patsachö cäsi pullan runakunata ushakätsirqan.
19
Manam shiminpita yarqamuqkunallawantsu runakunata caballukuna wanutsiyarqan, sinöqa culebranö umayuq chupankunawanpis kanirmi wanutsiyarqan.
20
Tsaynö kaptinpis mana wanuq runakunaqa jutsa rurayanqankunata manam dëjayarqantsu. Tsaypa rantinqa supaykunata y ïdulukunatam imaypis adorayarqan. Tsay ïdulukunaqa qoripita, qellaypita, broncipita, rumipita y qerupita rurashqa karmi rikayantsu ni wiyayantsu ni puriyantsu.
21
Tsaynöllam wanutsikuq kayta, brüju kayta, fornicación jutsata y suwakuytapis dëjayarqantsu.
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 10 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22