bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
1 Chronicles 11
1 Chronicles 11
Sukuma 2019
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 12 →
1
Hanuma ya henaho a Baisilaeli būja ī Hebuloni ū kūlī Daūdi; aho bashika būng'wīla, “A bise tūlī mīlī na mininga gako gete.
2
Nūūlū īkī ū Saulo walī ntemi wise, alīyo naheene nū mu shikū jenījo hū bebe ūyo wagatongeelaga a mabità ga Baisilaeli ū mu makanza ga kūja kū būlūgū na kūshoka. Nīyo ū SEEBA Mulungu wako walī wakūwīla hape gīkī, ‘Ū bebe hū ūkūbadīīma a banhū bane a Baisilseli, hama ūkūbiza nsugi wabo.’”
3
Na lūūlū a banamhala bose ba Baisilaeli aho biza ī Hebuloni ū kūlī ntemi Daūdi, ūbeeja būlagane hamò nabo ī Hebuloni kū būtongi wa ng'wa SEEBA; būng'witīīla maguta ū Daūdi kūbiza ntemi wa Isilaeli, gīt'ūmo walī wahayīla ū Seeba mu nzīla ya ng'wa Sang'weli.
4
Hūna ū Daūdi na a Baisilaeli a bose būja kūgūdumīla ū nzengo gwa Yelusalemu, ū nzengo gwa Yebusi. A Bayebusi abo bikalaga moi
5
būng'wīla ū Daūdi gīkī, “Ūtūdūla ū kūshika ū ng'wenūmu!” Alīyo naheene ū Daūdi akīdima ī ng'hambī ya kūpīlīla ī ya mu Sayuni, gūbiza nzengo gwa ng'wa Daūdi.
6
Ū Daūdi ūhaya gīkī, “Ose-ose ūyo alabize wa kwandya ū mu kūbabūlaga a Bayebusi, akūbiza ntaale wa mabità ga bashilikale bane.” Yoabu ng'witūnja wa ng'wa Seluya ūtonga ū kūlinha ko; na ng'hana ūwanukūla ū būtaale wa mabità.
7
Na lūūlū ū Daūdi ūbiza ng'wikaji wamo ū mu ng'hambī ya kūpīlīla; kwandīja henaho yitanwa lina lya, ‘Nzengo gwa ng'wa Daūdi’.
8
A mapandī ga nzengo ayo gaalī hihī-hiī henaho ūgazenga chiza, kwandīja ipandī lya Milo, kūshisha kū ndugu īyo yalī īgūpīndīlīgije ū nzengo; ū Yoabu nang'hwe ūlībeegeleja ī lipandī īlo līkasaagīīla.
9
Ū Daūdi wiseema kongeja kūbiza na būdūla, nguno ū SEEBA Mulungu wa Būdūla bose walī hamò nang'hwe.
10
Aba hū bene abo baalī bataale ū mu bagosha ba mbagashūūla abo walī nabo ū Daūdi; a benaba hamò na a Baisilaeli a bose hū bakabūgunaana ū būtemi, būwinha būdūla bo kwigalīhīja, nose kwīsambaalīla pyī ī sī gīt'ūmo Seeba walī wahayīla.
11
Na lūūlū a mina aya hū ga bagosha ba mbagashūūla abo walī nabo ū Daūdi: Yoshebashebeti muna Hakimoni; ū ng'wenūyo hū walī ntaale wabo a bataale ba mabità. Lwise lūmò akatūmamīla ichimu lyakwe ūbūlaga banhū magana adatū ng'wikanza līmò.
12
Hanuma yakwe ū ng'wenūyo walīho Elieza ng'witūnja wa ng'wa Dodo, wa lūdūgū lwa ng'wa Ahohi. Ū ng'wenūyo walī ūmò wabo a bagosha ba makaya gete a badatū.
13
Walī hamò nū Daūdi lūshikū lwene Bafilisiti baalī bibilinga Pasi-damimu kūlwa nguno ya kwilwisha būlūgū, h'ipandī ilebe lyalī na ngūnda gwa būsīga; a bashilikale a bangī būbapeela a Bafilisiti.
14
Alīyo a boi bīīma nyagosha ū mu ngūnda gwenūyo būgūlang'hana; būbatūla kībi no a Bafilisiti; ū Seeba ūbenhela būtindi būtaale.
15
Lwise lūmò mu makanza ga magesa, bagosha badatū ba mu banhū makūmi adatū abo baalī basanyiwe būja kūlī Daūdi, walī Adulamu ng'wipilinga lya kūpīlīla. Ū mu shikū jenījo ibità lya Bafilisiti lyalī lyatūūla ng'hambī mu sī ya ntubīlo gwa Lefaimu.
16
Ī likanza lyenīlo ū Daūdi walī ū ng'wipilinga lyenīlo, a Bafilisiti baalī na ng'hambī yabo ya bashilikale ipandī lya Betelehemu.
17
Kwimanīla ū Daūdi wiyigwa kūkolwa noota, hūna ūhaya, “Gīt'ūlū ni wigela munhū wa kūnenhela minzī kūfuma ū kū lwinzī ūlo lūlī hihī nū mita gwa Betelehemu!”
18
Na ng'hana a bagosha ba mbagashūūla a badatū būbatiinya a Bafilisiti, būja ū kū lwinzī ūlo lwalī hihī na Betelehemu būkadaha a minzī būbg'wenhela ū Daūdi. Alīyo aho genhwa ūlema ū kūgang'wa; ūgiita kū būtongi wa ng'wa Seeba.
19
Ūhaya, “Ū Mulungu ni anihangījage ū nene ū kūgwīta ū gūlī gīko! Ū nene nagang'we a mininga ga banhū abo baalī beegaga būpanga wabo?” Nguno ū kūgenha a minzī genaya baalī bifunya būpanga wabo gete; na lūūlū ū Daūdi ūlema ū kūgang'wa. Ī yenīyo hū ī milīmo īyo bakīīta a bagosha ba mbagashūūla a badatū benabo.
20
Ū ntaale wa Badatū benabo walī Abishai ng'wanong'wawe wa ng'wa Yoabu. Lwise lūmò akatūmamīla ichimu lyakwe ūbūlaga banhū magana adatū; na lūūlū ūpandīka lūkumo lwawiza, nang'hwe ūkumūka gīt'ūmo baalī a Badatū benabo.
21
Ū lūkumo lwakwe lūkabeela no kūtinda a Badatū benabo, nīyo ūbiza ntaale wabo; nūūlū īkī walī atabalagwa hamò nabo.
22
Walīho na Benaya ng'witūnja wa ng'wa Yehoyada muna Kazibeeli; nang'hwe walī ngosha apandile ha sī, akīīta mihayo mitaale. Akababūlaga bashilikale babīlī ba Bamoabu, baalī basanyiwe no-no-no ū mu sī yabo. Na lūshikū lūmò lwa mbeho ng'halī akingīla ng'wichongo yalīmo shimba, ūkībūlaga.
23
Akalībūlaga n'idaaji lya kūfuma Misili, lya būlīhu wa fuuti mpungatī na nusu. Ī lidaaji lyenīlo ū mu nkono lyalī n'ichimu lya mpīni ntaale gītī ng'wīsī. Alīyo ū Benaya ūlīsanga alī na ng'home dūhū ū mu nkono. Ūshika ūlītaaja ī lī muna Misili ī lichimu īlo lyalī nalyo ū mu nkono gwalyo, hūna ūlībūlagīla ī lichimu lyalyo lyenīlo.
24
Ī milīmo yenīyo aho wīyīīta ū Benaya ng'witūnja wa ng'wa Yehoyada, nang'hwe ū lūkumo lwakwe lūkabiza gīt'ūmo lwalī ū lwa bagosha ba mbagashūūla a Badatū.
25
Ū wei ū mu bagosha ba makaya pye a bose abo makūmi adatū walī akūjiwe no, alīyo ū mu bagosha ba mbagashūūla a Badatū walī atīmo. Ū Daūdi akantūūla kūbiza ntaale wa bashilikale ba kūnang'hana we.
26
A bagosha ba mbagashūūla benabo baalī aba: Asaheli ng'wanong'wawe wa ng'wa Yoabu, Elihanani ng'witūnja wa ng'wa Dodo, muna Betelehemu;
27
Shamoti muna Halodi, Helezi muna Paliti,
28
Ila ng'witūnja wa ng'wa Ikeshi, muna Tekoa; Abieza muna Anasosi,
29
Sibekai muna Hushati; Ilai muna Ahohi,
30
Mahalai muna Netofa; Heledi ng'witūnja wa ng'wa Bana, muna Netofa;
31
Itai ng'witūnja wa ng'wa Libai, muna Gibea ya Benjamini; Benaya muna Pilasoni,
32
Hulai wa kūfuma kū njonga ja Gaashi; Abieli muna Alibati,
33
Azimaveti muna Bahulimu; Eliaba muna Sha-aliboni.
34
Bitūnja ba ng'wa Hashemu muna Gizoni, Yonasani ng'witūnja wa ng'wa Shagee muna Halalī.
35
Ahiamu ng'witūnja wa ng'wa Sakaali muna Halalī; Elifali ng'witūnja wa ng'wa Uuli,
36
Hefeeli muna Makelati, Ahiya muna Poleni.
37
Hezilo muna Kalimeli, Naalai ng'witūnja wa ng'wa Ezibai,
38
Yoeli ng'wana wa ng'wawe na Nasani, Mibūha ng'witūnja wa ng'wa Hagili,
39
Zeleki muna Amoni, Nahalai muna Beeloti; walī mūūcha wa shilanga sha ng'wa Yoabu ng'wa Seluya,
40
Ila muna Isla, Galebu muna Isla;
41
Ulia ū Nghītī. Zabadi ng'witūnja wa ng'wa Ahalai
42
Adina ng'witūnja wa ng'wa Shiza, wa lūganda lwa ng'wa Lubeni, ū ng'wenūyo walī ntaale wa banhū ba lūganda lwa ng'wa Lubeni, hamò na bangī makūmi adatū.
43
Hanani ng'witūnja wa ng'wa Maaka, Yosefati muna Misini,
44
Uzia muna Ashitela, Shama na Yeieli bitūnja ba ng'wa Hosani muna Aloeli.
45
Yediale ng'witūnja wa ng'wa Shimulī, Walī na ng'wana wa ng'wawe Yoha muna Tizī,
46
Elieli muna Mahavī, Yelibaai na Yoshavia bitūnja ba ng'wa Elinaamu, Isama muna Moabu,
47
Elieli, Obedi na Yaasieli muna Mozaba.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 12 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29