bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
1 Chronicles 15
1 Chronicles 15
Sukuma 2019
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 16 →
1
Ū Daūdi aho wamala ū kūzenga ī numba jakwe ū mu nzengo gwa ng'wa Daūdi, ūbeeja n'ipandī ilebe ūkoma hoi iheema kūlwa nguno y'isandīko lya ng'wa Mulungu.
2
Hūna ū Daūdi ūhaya gīkī, “A banhū a bangī yaya ū kūlībūūcha ī lisandīko lya ng'wa Mulungu; ī lyenīlo lyakūbūūchiwa na Balawī dūhū. Nguno hū abo wabasola ū Seeba kūyūlībūūcha ī lisandīko lya ng'wa Seeba, nū kūtūmama ū kū būtongi wakwe shikū ja weleelo bose.”
3
Na lūūlū ū Daūdi ūbabilinga Yelusalemu pye a Baisilaeli kūlījīīla ī lisandīko lya ng'wa Seeba, bize balītūūle ū kwipandī īlo walī walībeegeja.
4
Ūbakobya pye a banhū ba numba ya ng'wa Alooni na a Balawī:
5
A ba shibyalīlwe sha ng'wa Kohati, wiza ū ntongeeji wabo ū Ulieli, na badūgū bakwe igana na makūmi abīlī.
6
A ba shibyalīlwe sha ng'wa Melali, ū ntongeeji wabo walī Asaya, na badūgū bakwe magana abīlī na makūmi abīlī.
7
A ba shibyalīlwe sha ng'wa Gelishoni, ū ntongeeji wabo walī Yoeli, na badūgū bakwe igana na makūmi adatū.
8
A ba shibyalīlwe sha ng'wa Elizafani, ū ntongeeji wabo walī Shamiya, na badūgū bakwe magana abīlī.
9
A ba shibyalīlwe sha ng'wa Hebuloni ū ntongeeji wabo walī Elieli, na badūgū bakwe makūmi anaane.
10
A ba shibyalīlwe sha ng'wa Uzieli, ū ntongeeji wabo walī Aminadabu, na badūgū bakwe igana n'ikūmi na babīlī.
11
Hanuma ya henaho ū Daūdi ūbitana a bagabji a ba Sadoki nū Abiasali; hamò na a Balawī: ba Ulieli, Asaiya, Yoeli, Shemaya, Elieli, na Aminadabu.
12
Ūbawīla gīkī, “A bing'we īkī hū mulī batongeeji ba kaaya ja Balawī, shiigelie ng'wiyeeje a bing'we na a Balawī biching'wi, mulalyenhe ī lisandīko lya ng'wa Seeba, ū Mulungu wa Isilaeli, ng'wize mulītūūle a hipandī īlo naalībeegegije.
13
Ū Seeba Mulungu wise akatūpelanīla ī kwandya kūlwa nguno mutalībūūkije bing'we a Balawī a h'ikanza lya kūlyenha. Twalī tūtamūgije ī nzīla īyo yigelile kūtūmamīlwa a ha kūlīsaamya.”
14
Na lūūlū a bagabīji na a Balaalwī biyeeja, kūlwa nguno ya kūlyenha ī lisandīko lya ng'wa Seeba, ū Mulungu wa Isilaeli.
15
A Balawī būlībūūkīja mitī yalyo ī lisandīko; būlībagala ha mabega gabo, gīt'ūmo Musa walī walagīīlīla kūlenganīla na mhayo gwa ng'wa Seeba.
16
Ū Daūdi ūbawīla a Balawī kūbasola bamò ba badūgū babo kūbiza bīmbi ba kūyīmba n'ilaka lyawiza, mīmbo ga kūkumīlīja, kūnū jikūtūlagwa malimba, ndono na nzege.
17
A Balawī būnsola Hemani ng'witūnja wa ng'wa Yoeli; būnsola na Asafu ng'witūnja wa ng'wa Belekia, ūmò wa baana ba ng'wawe; ū kūfuma ū mu badūgū babo a ba kaya ya ng'wa Melali, būnsola Esani ng'witūnja wa ng'wa Kūshaya.
18
Būlondeela baana ba ng'wabo ba: Zakalia, Yaazieli, Shemilamoti, Yehieli, Uni, Eliabu, Benaya, Maaseya, Maatisia, Elifelehu, Mikineya, Obedi-edomu, na Yeieli; a benabo būbiza balang'hani ba ha milyango.
19
A bīmbi ba mīmbo a ba Hemani, Asafu, nū Esani ū nīmo gwabo gwalī kūlīja nzege, ī ja shaba.
20
A ba Zakalia, Azieli, Shemilamoti, Yehieli, Uni, Maaseya, nū Benaiya būbiza na nīmo gwa kūtūla malimba kūlenganīla na kalīlīle ka alamosi.
21
A ba Maatisia, Elifelehu, Mikineya, Obedi-edomu, Yeile, nū Azazia, būbiza na nīmo gwa kūtūla ndono, kūlenganīla na kalīlīle kaa sheminiti.
22
Ū Kenania, ū ntaale wa Balawī ū nīmo gwakwe gwalī gwa kūbatongeela a bīmbi, ū gwenūyo hū gwalī nīmo gwakwe; nguno walī agūdeebile ū nīmo gwenūyo.
23
Ū Belekia nū Elikana binhwa nīmo gwa kūlang'hana ha nyango gwa kūja kwisandīko.
24
A bagabīji a ba Shebania, Yoshafati, Nesania, Amasai, Zakalia, Benaiya, Elieza, būbiza bafuuji ba mbiilūlū kū būtongi w'isandīko. Na a ba Obedi-edomu nū Yehiya būtūūlwa a ha nīmo gwa kūlang'hana a ha nyango gwa kūja ū kwisandīko.
25
Hūna lūūlū ū Daūdi na a banamhala ba Isilaeli, na bataale ba mabità ga bashilikale shihūmbī-shihūmbī, būlījīīla ū mu numba ya ng'wa Obedi-edomu ī lisandīko lya būlagane wa ng'wa Seeba, būūkalyenha na būyegi.
26
Nguno ū Mulungu akabagunanha a Balawī abo baalī balībūūkije ī lisandīko lya būlagane wa ng'wa Seeba; na lūūlū jūsīnzwa nzagamba mpungatī na ng'ondi mpungatī; jūfunyiwa shitambo.
27
Ī likanza lyenīlo ū Daūdi walī azwalile ng'hanjo yawiza ya kitaani, gīt'ūmo baalī bazwalīlile na a Balawī a bose abo baalī balībūūkije ī lisandīko, na a bīmbī, nū Kenania ūyo walī ntongeeji wa bīmbi na nang'hani wa shikolo sha kwīmbīla. Ū Daūdi walī azwalile na ng'hanjo ya kitaani ya nyagabīji ya makono maguhī.
28
Na lūūlū pye a Baisilaeli būlīlinhya ī lisandīko lya būlagane wa ng'wa SEEBA, būlyenha bakūtūlaga mhūndū kīngī nasho nīyo; kūnū bakūng'ang'aajaga nhaaninga, na kūfuula mbiilūlū; bangī bakūlījaga nzege, malimba na ndono!
29
Ī lisandīko lya būlagane wa ng'wa SEEBA aho līlīshikīīla ū mu nzengo gwa ng'wa Daūdi, ū Mikali ū nshīke wa ng'wa Saulo walolelaga ng'widilisha. Aho wamona ū Daūdi akūbinaga na būyegi, ūndalaha no ū mu ng'holò yakwe.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29