bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
1 Chronicles 17
1 Chronicles 17
Sukuma 2019
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 18 →
1
Na lūūlū ū Daūdi aho wigasha ū ng'wikūlū lyakwe ūlembeela, ūng'wīla ng'hangi Nasani gīkī, “Ū nene ī haha nalī mu numba yawiza ya mitī ya ng'wininga, alīyo ī lisandīko lya ng'wa SEEBA līlī ng'wiheema!”
2
Ū Nasani ūnshokeja ū ntemi alīhaya, “Gwītage ūyo ūlī nago ū mu ng'holò yako, nguno ū Mulungu alī hamò nang'ho.”
3
Ū būjikū wenūbo ū mhayo gwa ng'wa Mulungu gūng'wizīīla ū Nasani; gūng'wīla gīkī,
4
“Jaga ūkang'wīle ū ntūmami wane ū Daūdi, ‘Ū SEEBA alīhaya gīkī: Ū bebe ūtūnizengela numba ya kwikala mo ū nene.
5
Kūfuma ī likanza īlo nakabīnja a Baisilaeli mu Misili kūshisha lelo īyī, nataalī kwikala mu numba. Naakwījaga ī myaka nakūjaga ūko nū kūko, alīyo hose-hsoe būlī kwene ū wikalo wane iheema dūhū.
6
Līlīho īpandī lyose-lyose ūko naaja hamò nabo a banhū bane a Baisilaeli, hūna nūlūngalūnga na ntongeeji nūūlū ūmò ū mu banhū abo naabalagīlaga kūbadīīma, nūng'wīla gīkī: ‘Nibūlī ūtaalī kūnizengela numba ya mitī ya ng'wininga?’
7
Ali lūūlū, ū ntūmami wane ū Daūdi ūkūng'wīla gīkī: ‘Ū SEEBA wa būddūla bose alīhaya gīkī: Ū bebe nakwīnja kū madīīmīlo, nūkūlecha nīmo gwa kūdīīma ng'holo nguno naalī natogilwee ūbize nsugi wa banhū bane Baisilaeli.
8
Ū nene nalī hamò nang'ho būlī kwene ūko ūkūjaga, na a banishi bako nakūjaga nūbayagaja nene ū kū būtongi wako. Na lūūlū ī haha nakūlīkūja ī lina lyako, lībize gīt'ūmo galī mina ga bataale ba mu sī.
9
Hanuma a banhū bane a Baisilaeli nakūbabeegeja ipandī lyabo benekīlī, nabahambe ho gete, bapandīke kaya yabo ya wikomangīle; booye ū kwikala bakūkoyakoyiagwa. A banhū babūbi batūbakoya hangī gīt'ūmo bīītīlaga ī kwandya.
10
Nguno h'ūmo bakūbīītīlaga nī haha a banhū bane a Baisilaeli, kūfuma aho nandīja kūbatūūlīla balamuji. Nīyo nakūbanyangīlīja gete pye a banishi bako. Hama a h'igūlya ya yenīyo nalīkūwīla gīkī, ‘Ū SEEBA ng'wenekīlī akūkūbeegeja numba.
11
Ī shikū jako ūlū jūshila, lyūshika ikanza lya kūja kwikala na bakūlūgenji bako, nakūngūngūmūla ūmò wa mu būbyīle wako, ūmò wa bitūnja bako gete, abize ng'wingīji wako; ū būtemi wakwe nakūwinha nguzu.
12
Ū ng'wenūyo h'ūyo akūzenga numba kūlwa nguno ya lina lyane; ū nene nakūlyīta ī lisumbī lya būtemi bokwe līlame kūshisha welelo bose.
13
Ū nene nakūbiza Ise, ū wei akūbiza ng'wana wane. Ū būtogwa wane natīko ū kūng'wīngīja gīt'ūmo nakang'wīngīja ūyo walī ntongi wako.
14
Ū ng'wenūyo nakūng'wīta abize nsugi wa numba yane na būtemi wane welelo bose; ī lisumbī lyakwe lya būtemi līkūlama shikū jose ja welelo na welelo.’”
15
Ū Nasani ūng'winha ū Daūdi ī mihayo ya koolekegeje kenaka pyī ūmo kagelelile.
16
Hūna ū ntemi Daūdi wingīla mu gatī wigasha kū būtongi wa ng'wa SEEBA ūhaya, “SEEBA, ū nene nalī nani, nī kaya yane īlī kīnhū kī, nose ūnishishe mu mbika gītī īyī?
17
Ee Mulungu, ū mhayo gwenūyū ū mu miso gako gūlībiza gītī gūlī ndo no, nguno a higūlya ya henaho ongejaga na kūyomba mihayo ya numba ya ntūmami wako kūlwa shikū ja kū būtongi. Ee SEEBA Mulungu, ū bebe ūlīniisaaba gītī gīkī nalī munhū ntaale no.
18
Ī gīsī lūūlū ū Daūdi ongenje mhayo kī gūngī ū gwa kūkūwīla kūlw'ikūjo īlo wang'wīlūkīlaga ū ntūmami wako? Nguno ū bebe ūndeebile gete ū ntūmami wako.
19
Ee Seeba, ū mhayo ū ntaale gwenūyū wang'wītīlaga ū ntūmami wako bebe ng'wenekīlī mu kasolele ka ng'holò yako, ūng'oolekeja nī mitaale-mitaale ī ya kwisagīja kwako.
20
Ee SEEBA, atīho ūngī wa kūlenganījiwa nang'ho, na atīho Mulungu ūngī ūlū ūtī bebe wike, gīt'ūmo twigwīla na matū gise benekīlī.
21
Līlīho ihanga kī līngī ū mu sī īlo līdūgije kūlenganījiwa na Baisilaeli banhū bako, abo Mulungu akaja kūbakomoola gīkī babize bakwe, wibeegeje lina kūlwa nguno yako bebe ng'wenekīlī; hūna ūbeeja mihayo mitaale ya kooghya na kūkamaaja: ūpeeja mahanga ga banhū gīkī babīngīle banhū bako abo ūkabakomoola kūfuma Misili?
22
Bebe ng'wenekīlī ūbīīta a banhū bako a Baisilaeli kūbiza bako ba wikomangīle welelo bose. Na ng'hana SEEBA, ūbiza Mulungu wabo.
23
Ali lūūlū SEEBA Mulungu, ū mhayo ūyo wagūhayaga kūlwa nguno yane nene ntūmami wako nī numba yane, ni gwīmīīlage gīko shikū jose welelo na welelo. Ītaga gīt'ūmo kūlī kwisagīja kwako,
24
īje gīko, ī lina lyako līgūngūhiwe welelo bose; hūna lūūlū a hanhū bakūhaya gīkī, ‘Ū SEEBA wa būdūla bose, ū Mulugnu wa Baisilaeli, hū ng'wene ū Mulungu wa Isilaeli!’ Hūna ī kaya ya ntūmami wako ū Daūdi īkūlama ū kū būtongi wako.
25
Nguno ū bebe Mulungu wane, hū bebe wankundūlīlaga ū ntūmami wako ū mhayo gwenūyū, ī gīkī ūkūnzengela numba. Hī nguno yene ū ntūmai wako wapandīkaga būshisha-ng'holò wa kūkūlomba.
26
Ee SEEBA, ū bebe hū ūlī Mulungu! Bebe hū wang'wisagījaga ū ntūmami wako ī mihayo yawiza īyī.
27
Na lūūlū ni gūkūyejage ū gwa kwīyīlūkīla mbango ī numba ya ntūmami wako, īhangame ū kū būtongi wako shikū jose ja welelo na welelo. Nguno ū bebe SEEBA wīyīlūkīla mbango ī numba ya ntūmami wako, ng'hana īkūbiza na mbango welelo bose.”
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 18 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29