bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
1 Chronicles 23
1 Chronicles 23
Sukuma 2019
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 24 →
1
Ū Daūdi aho wanamhaala wakwīja ī shikū ja būlamu wakwe, ūntūūla ū ng'witūnja wakwe ū Solomoni kūbiza ntemi wa Isilaeli.
2
Hanuma ya henaho ūbabilinga pye a batongeeji ba Isilaeli, na a bagabīji na a Balawī.
3
A Balawī ba myaka kwandīja makūmi adatū būbalwa, ī lisaabu lyabo lyūbiza bagosha shihūmbī makūmi adatū na shinaane.
4
Ū Daūdi ūhaya gkī, “Ū mu benaba, banhū shihūmbī makūmi abīlī na shinè bakūbiza batūmami ba mu hekalu ya ng'wa Seeba, shihūmbī shitandatū bakūbiza bataale ba batūmami na balamuji.
5
Shihūmbī shinè bakūbiza balang'hani ba ha milyango, na shihūmbī shinè hangī bakūbiza banhū ba kūnkumīlīja Seeba mu nzīla ya mīmbo, na kūtūla shikolo sha kwīmbīla īsho naashibeeja kūlwa nguno ya nīmo gwenūyo.”
6
Ū Daūdi ūbagabanhya a Balawī mu magele, kūlenganīla nū mumo baalī a bitūnja ba ng'wa Lawī: Gelishoni, Kohaati na Melali.
7
A ba mu kaya ya ng'wa Gelishoni: Ladani na Shimei.
8
A bitūnja ba ng'wa Ladani: Yehieli, myalwa wa kwandya, Zetamu na Yoeli; badatū benabo.
9
A bitūnja ba ng'wa Shimei: Shelomoti, Hazileli na Halani; nabo badatū. A benaba hū baalī ba mu numba ya ng'wa Ladani.
10
Bitūnja bangī ba ng'wa Shimei: Yahati, Zina, Yeushi na Belia. A banè benaba baalī bitūnja ba ng'wa Shimei;
11
Ū Yahati walī myalwa wa kwandya, ū Zina wa kabīlī; alīyo ū Yeushi nū Belia batapandīkile bitūnja bingī, na lūūlū bakabalwa gītī baalī kaya īmò binhwa nīmo gwa mbika īmò.
12
A ba mu kaaya ya ng'wa Kohati: Amulamu, Izihaali, Hebuloni na Uzieli; a bose baalī banè.
13
A bitūnja ba ng'wa Amulamu: Alooni na Musa. Ū Alooni nī shibyalīlwe shakwe bakabalīlwa nīmo gwa heke shikū ja welelo bose. Kūlombela shikolo shejiwe na Seeba kūlwa myanya ya kūlamya, kūfunya shitambo kū būtongi wa ng'wa Seeba, kūtūmama kū būtongi wa ng'wa Seeba, na kūbalombela mbango a banhū bakwe.
14
A bitūnja ba ng'wa Musa, ū munhū wa ng'wa Mulungu, baalī babalanījiwe mu kaya ya ng'wa Lawī.
15
A bitūnja ba ng'wa Musa baalī Gelishomu na Elieza.
16
A ba shibyalīlwe sha ng'wa Gelishomu: Shubaeli myalwa wakwe wa kwandya.
17
A ba shibyalīlwe sha ng'wa Elieza: Myalwa wa kwndya walī Lehabia. Ū Elieza atabyalile bitūnja bangī, gwike a bitūnja ba ng'wa Lehabia baalī bingī no.
18
A ba shibyalīlwe sha ng'wa Izihaali: Myalwa wakwe wa kwandya wala Shelomitī.
19
A ba shibyalīlwe sha ng'wa Hebuloni baalī: Myalwa wakwe wa kwandya walī Yelia, wa kabīlī Amalia, wa kadatū Yahazieli, na wa kanè Yekameamu.
20
A ba shibyalīlwe sha ng'wa Uzieli: Myalwa wakwe wa kwandya walī Mika, wa kabīlī Ishiya.
21
A ba mu kaaya ya ng'wa Melali baalī: Mahili na Mushi. A bitūnja ba ng'wa Mahili baalī: Elieza na Kishi.
22
Ū Elieza akacha atī na bitūnja, walī na bashīke dūhū. Na lūūlū bakatoolwa na baana ba ng'wabo, a bitūnja ba ng'wa Kishi.
23
Bitūnja ba ng'wa Mushi: Mahili, Eda, na Yelemoti; badatū gīko.
24
A mina aya ga banhū ba shibyalīlwe sha ng'wa Lawī kūlondeela ndūgū jabo; abo baalī batongeeji mu numba ja basaabo gīt'ūmo baalī babalilwe na kwandīkwa, būlī munhū mu lina lyakwe, abo baalī ba myaka makūmi abīlī na kūja kwigūlya, na baalī badūgije kūtūmama mu hekalu ya ng'wa Seba.
25
Ū Daūdi akahaya gīkī, “Īkī ū Seeba Mulungu wa Baisilaeli wabinhile kwifuula a banhū bakwe, hama nū wikalo wakwe wabizile Yelusalemu shikū ja welelo bose,
26
hū kūhaya a Balawī batī na nguno ya kūlībūūcha hangī ī lipandī leela, nūūlū ī shikolo īsho shikatūmamīlagwa mu myanya ya kalamīje kamo.”
27
Ū kūlondeela katongeelele ka ng'wa Daūdi ūmo akahayīla mu shikū jakwe ja kū būkalīkījo, a Balawī bakandya kūyūbalwa kwandīja ba myaka makūmi abīlī na kūja kwigūlya.
28
Nū nīmo gwa Balawī gūbiza kūbagunanha ba shibyalīlwe sha ng'wa Alooni ū mu milīmo ya mu hekalu; kwikala bajilang'hanile ī gwalugwa, nī chumba ī sha mu mhelo-mhelo ya hekalu, nī shikolo ī shose īsho shatūmamaga mu nīmo ng'wela kūshilang'hana shiikale sheela; hamò na kwīta milīmo yīngī ū mu numba ya ng'wa Mulungu.
29
Nī migatī ya kūtūūla ha meza bīdīlīlaga boi, nū būsu wa kūbeeja shakwinha sha būsu, nū wa kūbeeja migatī ītī na shibimbya; h'a boi babūsanja-sanjaga ū būsu nū kwībeeja ī migatī, nū kwīhela būlī yene kūlenganīla na wiza, nū būtaale wayo.
30
Na būlī lūshikū ī dilū nī mhīndī gwalī nīmo gwabo kwīmīīla kūnūmba na kūnkumīlīja ū Seeba;
31
nūūlū būl'ikanza lya kūfunyiwa shakwinha sha kūpemva kūlī Seeba: ha Sabato nūūlū lūshikū lūtaale lwa ng'weji mpya, nūūlū shikū jingī ījo jalī jisolilwe. Būlī makanza ūlū balītūmama ī milīmo yabo ū kū būtongi wa ng'wa Seeba, ī lisaabu lyabo īlo lyalī lītūūlilwe lyalī ligeleelilwe līng'we, nī mbika ja katūmamīle ījo baalī bahelelwa bajilondeele.
32
Na lūūlū a Balawī baalī batūmami ū ng'wipandī lya kwibilingīla, nū ng'wipandī ī lyeela, nū mu hekalu ya ng'wa Seeba; ū ng'wene būyūtūmama ha sīlīlī ya būtongeeji wa baana ba ng'wabo, a ba shibyalīlwe sha ng'wa Alooni.
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 24 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29