bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
1 Chronicles 16
1 Chronicles 16
Sukuma 2019
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 17 →
1
Hūna lūūlū būlīshikīlīja ī lisandīko lya ng'wa Mulungu, būlītūūla ū ng'wiheema īlo walī walībeegeja ū Daūdi. Hanuma ya henaho būmfunīja ū Mulungu shitambo sha kūpemva na shakwinha sha būsangī.
2
Ū Daūdi aho wamala ū kūfunya ī shitambo sha kūpemva nī shakwinha sha būsangī, ūbalombela mbango a banhū mu lina lya ng'wa SEEBA.
3
Hūna pye a Baisilaeli, bagosha na bakīma, būlī ng'wene winhwa nū Daūdi shipande sha ngatī, keki ya nhende, na keki ya mizabibu.
4
Hanuma ya henaho ūbasola bamò ba Balawī kūbiza batūmami kū būtongi w'iheema lya ng'wa SEEBA: kūyūlombela banhū, kūlūmba, na kūngongoola SEEBA, ū Mulungu wa Isilalei.
5
Ū ntongeeji wabo walī Asafu, wa kabīlī Zakalia, hūna ūlondeela Yeieli, Shemilamoti, Yehieli, Maatisia, Eliabu, Benaiya, Obedi-edomu, na Yeieli. A benabo ū nīmo gwabo gwalī kūtūla malimba na ndono; ū Asafu ū nīmo gwakwe gwalī kūlīja nzege.
6
A bagabīji a ba Benaya nū Yahazieli baalī na nīmo gwa kūfuula mhembe, būlī gwa ū kū būtongi w'isandīko lya būlagane wa ng'wa Mulungu.
7
Ū lūshikū lwenūlo ū Daūdi ūnagīja ū Asafu na a bīmbi biye gīkī ī lyīmbo lya kūnūmba SEEBA īlī lyīmve:
8
Nkumīlījagi ū SEEBA, na lombagi mu lina lyakwe; bakumūkījagi a banhū ba mahanga īyo wīyītile.
9
Ng'wīmbīlagi we, īmbagi mīmbo ga kūnkumīlīja; shikumūchagi ī shītwa shakwe shose pye.
10
Yegelagi mu lina lyakwe lyeela, ī ng'holò ja banhū abo bakūnkoobaga SEEBA jisangabale.
11
Ng'wisagīlagwi SEEBA hamò nū būdūla wakwe, būkoobagi ū būshū wakwe būlī makanza.
12
Yizūkagwi ī ya kūkumya īyo wīyīītile, īyo īlī ya kūkaamaaja, nū būlamuji wakwe ūbo wabūfunije.
13
Ee bing'we shibyalīlwe sha ntūmami wakwe Isilaeli, Bing'we bitūnja ba ng'wa Yakobo abo mulī basolwa.
14
Ū wei hū ng'wene ū SEEBA Mulungu wise, a kalamulīle kakwe kalī hose pyī ū mu sī.
15
Ī lilagane lyakwe lyizūkagwi shikū jose welelo na weleo, ū mhayo ūyo agūlagīlile, kūshisha shibyalīlwe shihūmbī.
16
Ī lilagane īlo akabeeja nū Abulahamu, ī shilahīlo īsho akang'wilahīlīla Isaka.
17
Ū kūlī Yakobo ūshiinha nguzu shūbiza shilagīlo, ū kūlī Isilaeli lyūbiza ilagane lya welelo bose.
18
Ūhaya, “Nakūkwinha bebe ī sī ya Kanaani, ū gwenūyo hū gūkūbiza ngabo gwa wingīji wako.”
19
Ī shikū jene baalī bataalī bageehu no ū būkūmi wabo; baalī bageehu no, hama bikalaga moi gītī bageni dūhū.
20
Bikalaga bakūyūngaga kūfuma ihanga īlī kūja kū līngī, kūfuma būtemi ūbū kūja kū būtemi būngī.
21
Atanekelile nūūlū ūmò wa kūbiboneela, na a batemi wabahamaga kūlwa kūbagunīja a boi.
22
Ūhaya gīkī, “Mutizūbakuumya a babilwa maguta bane, yaya ū kūbīītīla yabūbi a bahangi bane.”
23
Bing'we banhū ba mu sī jose ng'wīmbīlagi ū SEEBA; būlī lūshikū īlomeelagi ī ya būpīji wakwe.
24
Līkumūchagi ī likūjo lyakwe ū mu mahanga, ī shītwa shakwe sha kūkumya shimanīke kū banhū bose.
25
Nguno ū SEEBA alī ntaale, na igeleelilwe kūkumīlījiwa, igeleelilwe kogohwa kūtinda bamulungu bose.
26
Nguno pye a bamulungu ba mahanga balī mashiikolile dūhū, alīyo ū SEEBA hū ng'wene ū nseemi w'igūlū.
27
Ikūjo na magaka shimpīdije we, ū mu wikalo wakwe būlīmo būdūla na būyegi.
28
Bing'we ng'anda jose ja mu sī, ng'winhagi ū SEEBA, ng'winhagi ikūjo ū SEEBA gīkī igeleelilwe ikūjo na nguzu.
29
Ng'winhagi ū SEEBA ī likūjo īlo lyigeleelilwe kū lina lyakwe. Enhagi shakwinha, ng'wegeele kū būtongi wakwe; Namyagi ū SEEBA mu wiza ūbo wigeleelilwe weela wakwe.
30
Banhū bose ba mu sī detemagi ū kū būtongi wakwe. Ī sī īlang'hanilwe mu būdūla būtaale, ītīko kūsegejiwa aho īlī.
31
Ī ligūlū ni līyegage, nī sī īzalabane; ū mu mahanga bahaye gīkī, “Ū SEEBA hū ng'wene ū nsugi.”
32
Ī nyanza īhuuyembe, nī shose īsho shilī muyo, a malaale nago gayege, nī ī shose īsho shilīmo!
33
Ī mitī ya mu bū īkwīmba, īkwīmba na būyegi ū kū būtongi wa ng'wa SEEBA; nguno aliza kwīlamula ī sī.
34
Nkumīlījagi ū SEEBA, nguno alī wawiza, īkī ī Kīgongo chakwe shilī sha welelo na welelo.
35
Nīlīlagi gīkī, “Tūpījage SEEBA mpīja wise, tūkumingage ūtūpīje ū kūfuma ū mu mahanga, tūpandīke kūlīkumīlīja ī lina lyako lyeela; tūpandīke kūlīyegela ī likūjo lyako.”
36
Akumīlījiwe ū SEEBA, ū Mulungu wa Isilaeli, kūfuma welelo na kūshisha welelo bose. Hūna a banhū bose būhaya; “Alichene, SEEBA akumīlījiwe!”
37
Ū Daūdi ūneka ū Asafu na a biye kū būtongi w'isandīko lya būlagane wa ng'wa SEEBA, gīkī abize wa kūyūbeeja būlī milīmo īyo yalī yigelile kwītwa būlī lūshikū.
38
Nū Obedi-edomu ūneka henaho, hamò na a biye abo makūmi atandatū, būbiza batūmami ba henaho. Ū ng'witūnja wa ng'wa Yedusuni, Obedi-edomu walang'hanaga na ha nyango, hamò nū Hosa.
39
Ū Daūdi ūneka ū ngabīji Sadoki na a bagabīji biye kwiheema lya ng'wa SEEBA īlo lyalī kwipandī lya higūlya lya Gibeoni,
40
gīkī bayūmfunīja ū SEEBA shakwinha sha kūpemva būlī lūshikjū, dilū na mhīndī, a ha ng'walīlo gwa shakwinha sha kūpemva, kūlenganīla nī yose īyo yandīkilwe mu shilagīlo sha ng'wa SEEBA, īsho walī wabinha a Baisilaeli.
41
Bakalekwa hamò nabo ba Hemani na Yedusuni, na a bose abo baalī basolwa; abo baalī bahelilwe mu mina gabo kūlwa nīmo gwa kūnkumīlīja SEEBA, “īkī ū būtogwa wakwe būlī wa būja na būja.”
42
Ū nīmo gwa ba Hemani nū Yedusuni gwalī kūfuula mhembe na kūlīja nzege, nī shingī īsho shaalījiagwa h'ikanza lya kwīmba mīmbo meela. A bitūnja ba ng'wa Yedusuni baalī balang'hani ba ha mita.
43
Hanuma ya henaho a banhū a bose būsambaala, būlī bene būja kaya; ū Daūdi nang'hwe ūshoka kū ng'wakwe kwīfuuha mbango ī kaya yakwe.
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 17 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29