bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
1 Chronicles 18
1 Chronicles 18
Sukuma 2019
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 19 →
1
Hanuma ya yose yenīyī, ū Daūdi ūbapyena a Bafilisiti; nīyo ūbasuga būbiza ha sīlīlī yakwe gete. Nū nzengo gwa Gaasi ūgūsola kūfuma ū mu makono ga Bafilisiti, hamò na a magūngūli ayo gaalī gagūpīndīlīgije.
2
Na a Bamoabu ūbapyena, būbiza ha sīlīlī ya būsugi wakwe, ūyūbatobisha na goodi.
3
Ikanza ilebe ū Daūdi walī waja kū mongo gwa Fulati kūtūūla meng'ho ja lūbīmba lwa būsugi wakwe, aho washika Hamasi wilwisha būlūgū na ntemi Hadadeza wa Zoba.
4
Ū Daūdi ūdima magogoteni ga būlūgū shihūmbī shimò ga ng'wa Hadadeza, na badamhīji ba falasa shiūmbī mpungatī, na bashilikale shihūmbī makūmi abīlī ba kūshimīza bo magūlū. Ī falasa ī ningī ūjitīna a matimba, ūlekeela igana līmò.
5
Biza Baalamu ba Damasko kūngunaana ū Hadadeza ū ntemi wa Zoba, alīyo ū Daūdi ūbabūlaga banhū shihūmbī makūmi abīlī ū mubo.
6
Ū Daūdi ūtūūla ng'hambī ja bashilikale ba kūlang'hana ū mu Alamu ya Damasko; na a Baalamu būbiza ha sīlīlī ya būsugi bokwe, ūyūbatobisha goodi nabo. Ū SEEBA wang'winhaga ū Daūdi būtindi būlī kwene ūko wajaga.
7
Batūmami ba ng'wa Hadadeza baalī na mūda ja zahabu ūjisola, ūja najo Yelusalemu.
8
Ū Daūdi ūsola shaba ningī no kūfuma mu mizengo ya ng'wa Hadadeza ya Teba na Kuni. Īshaba yenīyo ū Solomoni akīītūmamīla kūbeeja nyanza ya shaba, ng'hīngī, hamò na shikolo shingī īsho shaalī shaa shaba.
9
Ntemi Tou wa Hamati wahayigwa gīkī ū Daūdi walīpyenile pyī ī libità lya ng'wa Hadadeza ū ntemi wa Zoba,
10
ūntūma ng'witūnja wakwe Hadolamu ūja ū kūlī ntemi Daūdi kūngīsha na kūnūmba, kūlwa nguno ya kūmpyena ū Hadadeza ū mu būlūgū, nguno ng'hangala ningī wikalaga wiza kūndumīla ū Toi. Ū Hadolamu aho wiza akenha shikolo sha feza, na sha zahabu, na sha shaba.
11
Ī shose shenīshi ū ntemi Ddaūdi ūshifunya kūlī SEEBA, gīt'ūmo walī wajīītīla ī feza nī zahabu ja kūfuma kū mahanga ga: Baedomu, Bamoabu, Baamoni na Bafilisiti, na Baamaleki.
12
Ū Abishai ng'wana Zeluya akabūlaga Baedomu shihūmbī ikūmi na shinaane mu sī ya ntubīlo, īyo yalī sī ya munhu.
13
Ū Daūdi ūtūūla ng'hambī ja balang'hani ū mu Edomu, hūna pye a Baedomu būbiza ha sīlīlī ya būsugi bokwe. Ū SEEBA wang'winhaga ū Daūdi būtindi būlī kwene ūko wajaga.
14
Hūna lūūlū ū Daūdi ūbiza nsugi wabo pye a Baisilaeli, ū būsugi wakwe ū kū banhū bakwe bose walī wawiza na būtūngīlīgije.
15
Ū ntaale wa mabità ga bashilikale walī Yoabu ng'wana Seluya; ū ng'wandīki wa mihayo ya būsugi walī Yehoshafati ng'witūnja wa ng'wa Ahiludi.
16
A bagabīji baalī Sadoki ng'witūnja wa ng'wa Ahitubu na Ahimeleki ng'witūnja wa ng'wa Abiasali; Shavusha walī ng'wandīki.
17
Benaya ng'witūnja wa ng'wa Yehoyada walī ntaale wa Bakeleeti na Bapeleeti; a bitūnja ba ng'wa Daūdi baalī bagabīji.
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 19 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29