bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
1 Chronicles 9
1 Chronicles 9
Sukuma 2019
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 10 →
1
Ali lūūlū, a Baisilaeli a bose baalī bandīkwa mu shitabo sha batemi ba Isilaeli, ī shitabo sha kwihela kwa shibyalīlwe. A banhū ba Yuda bakasaamiwa, būtwalwa kū sī ya Babuloni būūkikala mu būding'wa, kūlwa nguno ya būkenaagūji wabo.
2
Alīyo aho lyashika ī likanza lya kūshoka, a ba kwandya kūshoka na kūja kwikala kū matongo gabo na mu mizengo yabo, baalī banhū balebe abo baalī basaamiwa kūfuma Isilaeli; bagabīji, Balawī, na batūmami ba mu hekalu.
3
Banhū bamò ba mu ng'anda ja: Yuda, Benjamini, Efulaimu na Manase, aho bashoka būūkikala Yelusalemu; baalīmo aba:
4
Usai, ng'witūnja wa ng'wa Omuli, ng'witūnja wa ng'wa Imuli, ng'witūnja wa ng'wa Bani, wa mu būbyīle wa ng'wa Pelezi ng'witūnja wa ng'wa Yuda.
5
Ū mu bahilya Shiilo, walīmo Asaiya, myalwa wa kwandya, hamò na bitūnja bakwe.
6
Ū mu bahilya Zeela wiza Yeueli, na baana ba ng'wawe; a bose baalī magana atandatū na makūmi kenda.
7
Ū kūfuma ū mu lūganda lwa ng'wa Benjamini wiza Salū, ng'witūnja wa ng'wa Meshulamu, ng'witūnja wa ng'wa Hodavia, ng'witūnja wa ng'wa Hasenua.
8
Na Ibuneya ng'witūnja wa ng'wa Yelohamu, na Ela ng'witūnja wa ng'wa Uzi, ng'witūnja wa ng'wa Mikili; na Meshulamu ng'witūnja wa ng'wa Shefatia, ng'witūnja wa ng'wa Leueli, ng'witūnja wa ng'wa Ibiniya.
9
A banhū ba lūganda lwa ng'wa Benjamini abo baalī bandīkwa mu shitabo sha kwihela, baalī magana kenda na makūmi atanò na batandatū. A bagosha benabo bose pye baalī batongeeji ba kaya ja ng'wabo.
10
Ū mu bagabīji abo bakiza, baalīmo aba Yedaya, Yehoyalibu na Yakini;
11
na Azalia ng'witūnja wa ng'wa Hilikia, ng'witūnja wa ng'wa Meshulamu, ng'witūnja wa ng'wa Sadoki, ng'witūnja wa ng'wa Melayoti, ng'waitūnja wa ng'wa Ahitubu. Ū ng'wenūyo walī ntongeeji ntaale mu numba ya ng'wa Mulungu.
12
Walīho na Adaya, ng'witūnja wa ng'wa Yelohamu, ng'witūnja wa ng'wa Pashuli, ng'witūnja wa ng'wa Malikīya; na Maasai ng'witūnja wa ng'wa Adieli, ng'witūnja wa ng'wa Yahazela, ng'waitūnja wa ng'wa Meshulamu, ng'witūnja wa ng'wa Meshilemitī, ng'witūnja wa ng'wa Ima.
13
A bagabīji abo baalī batongeeji ba kaaya ja ng'wabo ū mu ndūgū jabo baalī shihūmbī na magana mpungatī na makūmi atandatū. A banhū benabo baalī bamanile ū kwībeeja ī milīmo ya mu numba ya ng'wa Mulungu.
14
Ū mu Balawī abo bakiza, baalīmo Shimeiya ng'witūnja wa ng'wa Hashubu, ng'witūnja wa ng'wa Azilikamu, ng'witūnja wa ng'wa Hashabia, munhū wa lūdūgū lwa ng'wa Melali.
15
Baalīho na ba Bakbakali, Heleshi, Galali na Matania ng'witūnja wa ng'wa Mika, ng'witūnja wa ng'wa Zikili, ng'witūnja wa ng'wa Asafu;
16
na Obadia ng'witūnja wa ng'wa Shemaya, ng'witūnja wa ng'wa Galali, ng'witūnja wa ng'wa Yedusuni, na Belekia ng'witūnja wa ng'wa Asa, ng'witūnja wa ng'wa Elikana, ūyo wikalaga mu magūngūli ga bana Netofa.
17
A balang'hani ba ha mibita baalī Shalumu, Akubu, Talimoni, Ahimani, hamò na a baana ba ng'wabo. Ū Shalumu walī ntaale wabo.
18
Ūtūūlwa kwikala ha mita gwa kū lwandī lwa kīya a ha ng'wa ntemi; ū gwenūyo gūbiza nīmo gwakwe kūshisha lelo īyī. A balang'hani ba mibita benaba baalī ba ng'wigele lya Balawī.
19
Shalumu ng'witūnja wa ng'wa Koole, ng'witūnja wa ng'wa Ebiasafu, ng'witūnja wa ng'wa Koola, hamò na a balang'hani biye ba ha mibita, a ba kūfuma mu lūdūgū lwakwe, ū lwa bahilya Koola, bakinhwa nīmo gwa kūlang'hana ha nyango gw'iheema; gīt'ūmo bataale babo balang'hanīlaga ha nyango gwa numba ya ng'wa Seeba.
20
Ū mu shikū ja kū numa, ū ntaale wa balang'hani ba ha milyango walī Finehasi ng'witūnja wa ng'wa Elieza, ū Seeba walī hamò nang'hwe.
21
Ū nang'hani wa ha nyango gwa h'iheema lya kwibilingīla walī Zakalia ng'witūnja wa ng'wa Meshelemia.
22
A banhū abo baalī baasolwa kūlwa nīmo gwa kūlang'hana ha milyango, a bose baalī magana abīlī n'ikūmi na babīlī. Ū mu magūngūli gabo baalī bandīkwa kūlondeela kwihela kwa shibyalīlwe shabo. A balang'hani batūūlagwa a ha nīmo gwenūyo kūlwa nguno ya kūsanyiwa; baalī bahelelwa ū nīmo gwenūyo kwīngīīla kale, mu shikū ja ng'wa Daūdi na ng'hangi Sang'weli.
23
Na lūūlū ū nīmo gwa kwīlang'hana ī numba ya ng'wa Seeba, ī numba īyo yitanagwa Iheema, baalī balekelwa boi, hamò na a banhū ba shibyalīlwe shaabo.
24
A balang'hani bikalaga balang'hanile ū kū mhandī jayo būnè wajo: ī kīya, ng'weli, sukuma nī dakama.
25
Bamò ba badūgū babo bikalaga kū magūngūli, alīyo ūlū lwabapandīka ū lūdīīma lwabo bizaga ū kū milīmo, bamala nyuma bakūgwītaga.
26
Gwike a balang'hani a bataale baalī Balawī banè; a benabo hū baalī baasanyiwa kūlwa kūshilang'hana ī chumba sha mu numba ya ng'wa Mulungu, hamò nī chumba sha kūbīkīla sabo.
27
Bakeeyūlaga balīho ī hanze ya numba ya ng'wa Mulungu bakwīpīndīīla-pīndīīlaga, nguno baalī na nīmo gwa kwīlang'hana; nū kwīlugūla ī dilū gwalī nīmo gwabo.
28
Bamò babo baalī balang'hani ba shiseme īsho shaatūmamīlagwa ū mu būtūmami wa kalamīje kaa mu hekūlu; bashibalaga a h'ikanza lya kūsolwa, nūūlū shashoshiwa bashibalaga.
29
Bangī baalī binhwa nīmo gwa kūgalang'hana a masumbī nī meeza, hamò nī shikolo sha kūtūmamīla ū ng'wipandī lyeela; nū būsu, nī divai na a maguta nū būbbani, pyī nī shisanjo sha ng'waso gwawiza.
30
Alīyo a bagabīji a bangī baalī na nīmo gwa kūshisanja-sanja ī shingīla sha kūbeegeja ī shisanjo sha ng'waso gwawiza.
31
Walīho Naawī ūmò lina lyakwe Matisia, myalwa wa kwandya wa ng'wa Shalumu, munhū wa lūdūgū lwa ng'wa Koola; ū munhū ng'wenūyo walī walekelwa ū nīmo gwa kūbeeja ī migatī īyo yafunyiagwa kūlwa shakwinha.
32
Bamò na bamò a ba mu lūdūgū lwa ng'wa Koola baalī binhwa nīmo gwa kūbeeja ī migatī īyo yafunyiagwa kūlwa kūtūūlwa ha meza būlī Sabato.
33
A batongeeji ba kaaya ja Balawī abo baalī bīmbi, nabo bikalga mu chumba sha mu hekalu, na baalī bazunīlījiwa ū kūleka ū kwīta ī milīlmo ī yīngī; nguno ū nīmo gwabo gwenūyo bagwītaga līīmi na būjikū.
34
A bose benaba bikalaga mu Yelusalemu; hama baalī batongeeji ū mu ndūgū ja Balawī, na baalī bataale ū mu kwihela kwa shibyalīlwe shabo.
35
Ū Yeieli ū ise wa ng'wa Gibeoni wikalaga Gibeoni. Ū nke wakwe witanagwa ī lina lyakwe Maaka.
36
Ū myalwa wakwe wa kwandya walī Abudoni, hūna ūlondeela Zuli, Kishi, Baalī, Neeli Nadabu,
37
Gedooli, Ahiyo, Zakalia na Mikiloti,
38
ū Mikiloti walī ise wa ng'wa Shimea. Nabo a benabo bikalaga Yelusalemu, bbihī na a baana ba ng'wabo.
39
Ū Neeli walī ise wa ng'wa Kishi, ū Kishi ise wa ng'wa Saulo, ū Saulo ise wa ba Yonasani, Malikishua, Abinadabu na Eshibaali.
40
Ū ng'witūnja wa ng'wa Yonasani walī Melibaali, h'ūyo akamyala Mika.
41
A bitūnja ba ng'wa Mika baalī: Pisoni, Meleki, Talea, na Ahazi.
42
Ū Ahazi walī ise wa ng'wa Yehoada, ū Yehoada ūbabyala ba Alemeti, Azimaveti na Zimuli. Ū Zimuli ūmyala Moza,
43
ū Moza ūmyala Binea, Binea ūmyala Lafahi, ū ng'wenūyo nang'hwe ūmyala Eleasa, ū ng'wenūyo nang'hwe ūmyala Azeli.
44
Ū Azeli walī na bitūnja batandatū, a mina gabo gaya: Azilikamu, Bokelu, Ishimaeli, Shealimu, Obadia na Hanani. A bose benaba baalī bitūnja ba ng'wa Azeli.
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 10 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29