bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
1 Chronicles 21
1 Chronicles 21
Sukuma 2019
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 22 →
1
Ū mu shikū jenījo ū Shetani ūbapelanīla a Baisilaeli gīkī abīītīle yabūbi, hūna ūnsamīlīja ū Daūdi kūbabala a Baisilaeli.
2
Na lūūlū ū Daūdi ūng'wīla ū Yoabu na a bataale ba mabità ga bashilikale abo walī nabo; ūhaya gīkī, “Jagi mukababale a Baisilaeli, kwandīja Beeli-sheba kūshisha Dani, hanuma munehele ī lishosho, nabūmane ū wingī wabo ūmo būlī.”
3
Alīyo ū Yoabu ūnshokeja ū ntemi gīkī, “Ū SEEBA ni abongejage a bashilikale ng'hangala magana na magana. Baba būgonzo ntemi, a bose benabo batī batūmami ba ng'wa baba būgonzo ū ntemi? Nibūlī ū baba būgonzo ū ntemi alīīta mhayo gūlī gīko? Mhayo kī ūyo gūlenheleja nose ū baba būgonzo abingīje mu kwihīga a Baisilaeli?”
4
Alīyo ū ntemi ūtūmamīla nguzu ū mu kūng'wīla ū Yoabu; na lūūlū ū Yoabu wīnga, ūja pye a hose ū mu sī ya Isilaeli; ūūkashoka hangī ī Yeluslemu.
5
Ū Yoabu ūng'wenhela ū Daūdi ī lisaabu lya bashilikale: ū mu Isilaeli ī yose baalīmo bashilikale milyoni īmò na shihūmbī igana, abo baalī badūgije kūdima shū mu būlūgū; ū mu sī ya Yuda baalīmo shihūmbī magana anè na makūmi mpungatī.
6
Alīyo ū Yoabu atababalile a ba lūganda lwa ng'wa Lawī nū lwa ng'wa Benjamini; nguno ī shilagīlo sha ntemi shaalī shabūbi no ū kūlī wei.
7
Nīyo ī shilagīlo shenīshi shaalī shabūbi nū mu miso ga ng'wa Mulungu, na lūūlū ūbagwisīja nsango a Baisilaeli.
8
Hūna ū Daūdi ūng'wīla ū Mulungu gīkī, “Naahūbile no ū kwīta ū mhayo gwenūyo. Nalīkwikūmbīlīja ūwīnje ū būkenaagūji wa ntūmami wako; nīītile mhayo gwa nyachilū-chilū no!”
9
Ū SEEBA ūng'wīla Gadi ūyo walī ng'hangi wa ng'wa Daūdi,
10
“Jaga ūkang'wīle ū Daūdi, ‘Ū SEEBA alīhaya gīkī: Nalīkwinha mihayo īdatū ūsole gūmò gwaho, ūniwīle nakwītīle īyo natogilwe kūkwītīla.’”
11
Na lūūlū ū Gadi ūja ū kūlī Daūdi ūkang'wīla, “Ū SEEBA alīhaya gīkī, ‘Isolelage bebe ng'wenekīlī;
12
myaka īdatū ya nzala, nūūlū banishi bako bakwiboneele mu nzīla ya būlūgū ikanza lya myeji īdatū, nūūlū lūshū lwa ng'wa SEEBA lwīkenaagūle ī sī yako ikanza lya shikū idatū; hū kūhaya līgwe ihuuya na malaika wa ng'wa SEEBA abīte pye a hose aje akwīkenaagūlaga ī sī ya Isilseli!’ Ali lūūlū, iganikage ūninhe ū būlamuji wako nakang'winhe ī lishosho ūyo wanitūmaga!”
13
Ū Daūdi ūshosha alīhaya, “Nalī mu makoye madito no ī haha; hambū-hambū nagwe mu makono ga ng'wa SEEBA, nguno ū ng'wene ī shigongo shakwe shilī shitaale no. Yaya ū kūnileka nagwe mu makono ga banhū.”
14
Na lūūlū ū SEEBA ūtūma ihūūya ū mu sī ya Isilaeli, būgwa bagosha shihūmbī makūmi mpungatī ba mu Isilaeli.
15
Ū Mulungu ūntūma malaika kwīkenaagūla nī Yelusalemu, alīyo aho wandya ū malaika, ū SEEBA ūbūbona ū būkenaagūji wenūbo, ūsaatwa no. Ūng'wīla ū malaika ūyo wabayagajaga a banhū gīkī, “Wigejaga lūūlū! Gwichage ū nkono gwako.” Ī likanza lyenīlo ū malaika akasangwa wīmīīlaga ha lūbūūga lwa kūtūlīla, lwa ng'wa Alauna ūmò wa Bayebusi.
16
Ū Daūdi aho wabūūcha a miso ūmona ū malaika wa ng'wa SEEBA īmīīlile higūlya, atapandile a hasī; kūnū adimīlile līlūshū mu nkono gūgoloolilwe higūlya ya Yelusalemu. A henaho ū Daūdi na a banamhala ba Yelusalemu būgwa ha sī bachimīgije; a bose baalī bazwalile shizwalo sha magūnīla.
17
Ū Daūdi ūng'wīla ū Mulungu, “Naalī natī nene ūyo naalī nalagīgije gīkī babalwe a bashilikale? Ū nene hū nalī ng'hūbi, hū nene nalī nkenaagūji! A banhū bene balī ng'holo jako dūhū, a bene bīītile mhayo kī? Ee SEEBA Mulungu wane, ū nkono gwako ni gūnigwīlage nene hamò na kaya yane. Ī lihūūya ni lītizagūbamala a banhū bako!”
18
Hūna ū malaika wa ng'wa SEEBA ūnagīja ū Gadi akang'wīle ū Daūdi aje akanzegele ū SEEBA ng'walīlo a ha lūbūūga lwa kūtūlīla lwa ng'wa Alauna ū Nyebusi.
19
Nghana ū Daūdi ūja gīt'ūmo SEEBA akalagīīlīla mu nzīla ya ng'wa Gadi.
20
Ū Alauna watūlaga ngano jakwe, aho wabūūcha a miso ūmona ū malaika; walī na bitūnja bakwe banè būpeela būūkibisa.
21
Hūna nū Daūdi wiza, ū Alauna aho wamona aliza, wīnga a ha lūbūūga winama ha sī ū būshū wakwe ū kū būtongi wa ng'wa Daūdi.
22
Ū Daūdi ūhaya, “Nizunīlījage nalīsole ī libbaala lyenīlī aho lūlī lūbūūga lwako lwa kūtūlīla, nalītūmamīle kūzenga hoi ng'walīlo kūlwa ng'wa SEEBA, līhangījiwe ī lihūūya ū kū banhū. Nijingījage ūmo gūlī ū mpango gwalyo.”
23
Ū Alauna ūng'wīla ū Daūdi, “Līsolage dūhū! Ū baba būgonzo ū ntemi ni ītage gīt'ūmo atogelilwe. Jiiji nī nzīkū najifunyaga kūlwa shakwinha sha kūpemva, a matūlīlo ga būsīga gakūbiza ng'hwi ja kūpemba, ī ngano jikūtūmama kūlwa shakwinha sha būsu; ī shose shenīshi nashifunyaga.”
24
Alīyo ū ntemi Daūdi ūnshokeja ū Alauna gīkī, “Yaya ītī gīko, ū nene nalītogwa kūshifunīja ū mpango gwasho gete. Natīko kūshisola ī shikolo shako kūlwa nguno ya ng'wa SEEBA; nūūlū natīko kūfunya shitambo shikolo sha kwinhwa dalali.”
25
Hūna lūūlū ū Dūadi ūng'winha ū Alauna kilo mpungatī ja zahabu kūlwa ipandī lyenīlo, aho lwalī ū lūbūūga lwa kūtūlīla.
26
Ū Daūdi ūzenga ho ng'walīlo kūlwa nguno ya ng'wa SEEBA, ūfunya shakwinha sha kūpemva na shakwinha sha būsangī. Ūnīlīīla ū SEEBA, ū SEEBA nang'hwe ūng'widīka mu nzīla ya moto kūfuma ng'wigūlū a ha ng'walīlo gwa shitambo sha kūpemva henaho.
27
Hūna ū SEEBA ūng'wīla ū malaika, nang'hwe ū malaika ūlīshosha ī līlūshū mu shilaalo shaalyo.
28
Ī likanza lyenīlo ū Daūdi aho wabona gīkī ū SEEBA wang'widīka a ha lūbūūga lwa kūtūlīla būsīga lwa ng'wa Alauna ū Nyebusi, ū Daūdi ūfunya hoi shitambo.
29
Ū mu shikū jenījo ī liheema lya ng'wa SEEBA īlo Musa walī walībeeja kwitogolo lyalī lītaalī kwipandī lya higūlya lya Gibeoni; pyī nū ng'walīlo gwa shakwinha sha kūpemva.
30
Alīyo ū Daūdi atagimile ū kwegeela hoi ū kūmūja ū SEEBA, kūlwa nguno ya kūlyogoha ī līlūshū lya ng'wa malaika wa ng'wa SEEBA.
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29