bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
1 Chronicles 13
1 Chronicles 13
Sukuma 2019
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 14 →
1
Ū Daūdi ūlomana na a batūmami ba mu selekali yakwe, hamò na a bataale ba mabità ga bashilikale shihūmbī-shihūmbī, na a bigana-igana.
2
Hanuma ya henaho ūbawīla a Baisilaeli a bose gīkī, “Ūlū būlī būtogwa wa ng'wa Seeba Mulungu wise, na a bing'we ūlū gūlīmubeelela ū mu miso ging'we, tūbatwalīlagi mhola na a badūgū bise a bangī hose-hose ūko balī ū mu sī ya Isilaeli: babize balī kūle nūūlū balī bbihī; na a bagabīji na a Balawī abo bakwikalaga hamò nabo ū kū mizengo yabo nū mu sī ja madīīmīlo gabo; a bose bize twibilinge hamò.
3
Tūlyenhe ī lisandīko lya ng'wa Mulungu wise ūmu twikale nalyo, nguno ū mu shikū ja ng'wa Saulo twalī twalīgumanīja sagala dūhū.”
4
Pye a banhū abo baalī bibilinga būzunya ū kūgwīta ū mhayo gwenūyo, nguno pye a banhū bakagūbona gwabeela.
5
Na lūūlū ū Daūdi ūbabilinga a Baisilaeli a bose, kwandīja abo bikalaga kū mongo gwa Shihooli gwa Misili, kūshisha Lebo Hamasi; gīkī baje ī Kiliati-yealimu bakalyenhe ī lisandīko lya ng'wa Mulungu.
6
Ū Daūdi na a Baisilaeli a bose būja ī Baala ya Yuda (hū ī Kiliati-yelimu), ū kūlyenha kūfuma koi ī lisandīko lya ng'wa Mulungu; ī lisandīko īlo līkitanagwa mu Lina lyenīlo, lya ng'wa Seeba ūyo isumbī lyakwe lya būtemi līlī ha gatī-gatī ya makelubi.
7
Ī sandīko lya ng'wa Mulungu būlītūūla h'igogteeni ipya, hūna būlyīnja a ha ng'wa Abinadabu; Uza na Ahiyo bakūlītongeelaga.
8
Ū Daūdi na a Baisilaeli a bose baalī bayega no ū kū būtongi wa ng'wa Mulungu, babinaga na ngunzu jabo jose, kūnū bakwīmbaga na kūtūla ndono, malimba, tūng'oma tūdo-tūdo, nzege, na kūfuula mbiilūlū.
9
Bahayūshika ha lūbūūga lwa kūtūlīla lwa ha ng'wa Kidoni, ī ng'ombe jiguumha; ū Uza ūgoloola nkono ūlīdima ī lisandīko lya ng'wa Mulungu kūlīhangīja lītizūgwa.
10
A henaho ū būpelanu wa ng'wa SEEBA būmpembekela ū Uza, ūntūla kūlwa nguno akatūūla nkono gwakwe a hisandīko; ūchīīla henaho ha būtongi wa ng'wa Mulungu.
11
Ū Daūdi ūsaaya nguno ū būpelanu wa ng'wa SEEBA būkampembekela ū Uza; ī lipandī lyenīlo ūlitana Pelezi-uza.
12
Ū lūshikū lwenūlo ū Daūdi ūng'ogoha ū Mulungu; ūhaya, “Nadūgije kinehe ū kūlyenha a ha ng'wane ī lisandīko lya ng'wa Mulungu?”
13
Ūlemeelwa ū kūlīshikīlīja ī lisandīko ū mu nzengo gwa ng'wa Daūdi, gīkī akikale nalyo. Ūlīlija ha ng'wa Obedi-edomu, ūmò wa Bagītī.
14
Ī lisandīko lya ng'wa Mulungu lyikala a ha kaya ya ng'wa Obedi-edomu ikanza lya myeji īdatū, ū SEEBA ūng'wīlūkīla mbango ningī no ū munhū ng'wenūyo nī kaaya yakwe.
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 14 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29