bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
1 Chronicles 24
1 Chronicles 24
Sukuma 2019
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 25 →
1
Ī shibyalīlwe sha ng'wa Alooni shaalī shigabanhyiwe mu magele gīt'ūmo baalī a bitūnja bakwe: Nadabu, Abihu, Eleaza, na Itamaali.
2
Gwike ū Nadabu nū Abihu bakatonga ū kūzumalīka, būneka ū saabo ataalī mpanga, batalekile bitūnja. Na lūūlū ū nīmo gwa būgabīji gūbiza gwa ng'wa Eleaza na Itamaali.
3
Ū Daūdi aho alībatūūla a bagabīji mu magele gabo ga būtūmami, akagunanhwa na Sadoki ūyo walī wa shibyalīlwe sha ng'wa Eleaza, hamò na Ahimeleki ūyo walī wa shibyalīlwe sha ng'wa Itamaali.
4
Ū ng'wigele lya shibyalīlwe sha ng'wa Eleaza baalīmo batongeeji bingī, kūtinda ū ng'wigele lya shibyalīīlwe sha ng'wa Itamaali; na lūūlū bakagabanhyiwa kūlenganīla nū wingī wabo: ndūgū ikūmi n'itandatū ū kūfuma ū mu shibyalīlwe sha ng'wa Eleaza, ū kūfuma ū mu shibyalīlwe sha ng'wa Itamaali ndūgū inaane.
5
Bakabiza na witegeleja ū mu kūbagabanhya; būtūmamīla mbale, nguno ū mu magele būbīlī wago, ī lya shibyalīlwe sha ng'wa Eleaza nī lya shibyalīlwe sha ng'wa Itamaali, balīmo banhū bigeleelilwe kūtūmama ū ng'wipandī lyeela, nū kūgwīta ū nīmo gwa ng'wa Mulungu.
6
Shemaya ng'witūnja wa ng'wa Nesaneeli, ūmò wa Balawī, walī ng'wandīki; h'ūyo akagandīka a mina gabo kū būtongi wa ntemi na bagunanhi bakwe. Nū ngabīji Sadoki walīho, na Ahimeleki ng'witūnja wa ng'wa Abiasali, hamò na a bataale ba ndūgū ja bagabīji nī ja Balawī; kaya īmò yūsolwa kūfuma ū mu shibyalīlwe sha ng'wa Eleaza, na kaaya īmò kūfuma ū mu shibyalīlwe sha ng'wa Itamaali.
7
Ī mbale ya kwandya īkangwīla Yehoyalibu, ī ya kabīlī yūngwīla Yedaya,
8
ya kadatū yūngwīla Hilamu, ya kanè yūngwīla Seolimu,
9
ya katanò yūngwīla Malikiya, ya katandatū yūngwīla Mijamini,
10
ya mpungatī yūngwīla Hakozi, ya kanaane yūngwīla Abiya,
11
ya kenda yūngwīla Yeshua, y'ikūmi yūngwīla Shekania,
12
y'ikūmi na īmò yūngwīla Eliyashibu, y'ikūmi n'ibīlī yūngwīla Yakimu,
13
y'ikūmi n'idatū yūngwīla Hupa, y'ikūmi n'inè yūngwīla Yeshebeamu,
14
y'ikūmi n'itanò yūngwīla Biliga, y'ikūmi n'itandatū yūngwīla Ima,
15
y'ikūmi na mpungatī yūngwīla Hezili, y'ikūmi n'inaane yūngwīla Hapizeezi,
16
y'ikūmi na kenda yūngwīla Petahiya, ya makūmi abīlī yūngwīla Yehezikeli,
17
ya makūmi abīlī n'īmò yūng'wīla Yakini, ya makūmi abīlī n'ibīlī yūng'wīla Gamulī,
18
ya makūmi abīlī n'idatū yūng'wīla Delaiya, ya makūmi abīlī n'inè yūngwīla Maaziya.
19
A genaya h'a magele gabo gīt'ūmo baalī bahelelilwe, kūlwa kūja kūtūmama mu hekalu ya ng'wa Seeba. H'ūmo shaalī ī shīīmīle īsho baalī bahelelwa nū ntaale wabo ū Alooni, gītūūmo walī wanagīīlīla ū Seeba, ū Mulungu wa Isilaeli.
20
Baalīmo na bangī ū mu shibyalīlwe sha ng'wa Lawī: ū kūfuma ū mu numba ya ng'wa Amulamu: Shubaeli; ū kūfuma ū mu numba ya ng'wa Shubaeli: Yehideya.
21
A ba numba ya ng'wa Lehabiya, ū wa kwandya kūbyalwa ū mu bitūnja bakwe walī Ishiya.
22
Ū kūfuma ū mu numba ya ng'wa Iziha, Shelomoti; ū mu bitūnja ba ng'wa Shelomoti; Yahati.
23
A bitūnja ba ng'wa Hebuloni, ū ntaale wabo walī Yelia, ū wa kabīlī Amalia, ū wa kadatū Yahazieli, ū wa kanè Yekameamu.
24
Ū ng'witūnja wa ng'wa Uzieli walī Mika; ū kūfuma ū mu bitūnja ba ng'wa Mika; Shamili.
25
Ū kūfuma ū mu bana ba ng'wawe ba ng'wa Mika Ishiya; ū kūfuma ū mu bitūnja ba ng'wa Ishiya, Zakalia.
26
Ū kūfuma ū bitūnja ba ng'wa Melali: Mahili na Mushi. Ū ng'witūnja wa ng'wa Yaazia walī Beno.
27
A bitūnja ba ng'wa Melali: kūfuma mulī Yaazia; Beno, Shohamu, Zaaku na Ibili.
28
Ū kūfuma ū mulī Mahili; Eleaza: ū ng'wene atabyalile bitūnja.
29
Ū kūfuma ū mulī Kishi: ū ng'witūnja wa ng'wa Kisha walī Yelahimeeli.
30
A bitūnja ba ng'wa Mushi baalī: Mahili, Edina na Yelimoti. A benaba baalī Balawī kūlondeela ūmo jalī ī ndūgū jabo.
31
Nabo bakatūlīkīja ī mbale gīt'ūmo bakīītīla a bana ba ng'wabo, a ba shibyalīīlwe sha ng'wa Alooni; ū kū būtongi wa ng'wa ntemi Daūdi, nū Sadoki, Ahimeleki, na a bataale ba ndūgū ja bagabīji nī ja Balawī. Walī būtīīho būsolaanhyiwa; īyo jītīlagwa ī kaya ja ntaale hū ūmo jītīlagwa nī kaaya ī ja ndo.
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 25 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29