bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
1 Samuel 13
1 Samuel 13
Sukuma 2019
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 14 →
1
Ū Saulo aho alandya kūbiza ntemi walī na myaka makūmi adatū, ūbasuga a Baisilaeli ikanza lya myaka makūmi anè n'ībīlī.
2
Hūna ū Saulo ūsolanhya banhū shihūmbī shidatū ū mu Baisilaeli, abo shihūmbī shibīlī wikala nabo wei īpandī lya Mikimashi, na mu sī ya magūlya ga Beeseli; abo shihūmbī shimò būbiza na Yonasani ipandī lya Gibea ya mu sī ya Benjamini, a banhū a bangī ūbawīla kūshoka kaya.
3
Ū Yonasani ūūkadumīla ng'hambī ya Bafilisiti yalī Geba wīkenaagūla; a Bafilisiti būgwigwa ū mhayo gwenūyo. Hūna ū Saulo ūfuula mhembe kūlwa kūkumūcha hose pyī ū mu sī; ūhaya, “Igwaagi pye a Bahebulania.”
4
Na ng'hana pye a Baisilaeli būjiigwa ī ng'hūlū jenījo; ī gīkī ū Saulo wakenaagūlaga ng'hambī ya Bafilisiti, nī gīkī a Baisileli bakanung'ha inyema ū kū Bafilisiti. A banhū bikobya kūnondeela Saulo, būūkibilingīla Giligaali.
5
A Bafilisiti nabo bibilinga bingī no kūlwa kwilwisha būlūgū na a Baisilaeli; baalī na magogoteni ga būlūgū shihūmbī shidatū, na bendeesha baago shihūmbī shitandatū, a bashilikale a bene baalī bingī no, gītī maseni ga ha ng'walo gwa nyanza. Būūkatūūla ī ng'hambī yabo Mikimashi, kīya ya Beeti-aveni.
6
A Baisilaeli aho babona gīkī ī mihayo īkūbadaamīla (nguno bakogoha, būgwa ng'holò), būja kwibisa mu mahalo na mu masaka, mu mapilinga ga mawe, mu myoobo na mu makomelo.
7
Nīyo bamò ba Bahebulania būgūkīla ū mongo gwa Yolodani, būūkibisa kū sī ja Gadi na Gileadi. Ū Saulo ūshiiga Giligaali; pye a bashilikale abo banondeelaga baadetemaga no nguno ya boobà.
8
Ū Saulo ūlindīīla ikanza lya shikū mpungatī gīt'ūmo Sang'weli walī wahelela; alīyo ū Sang'weli atizile ī Giligaali, nose a banhū bakwe ū Saulo bandya kūsambaala.
9
Hūna ūhaya, “Ī gete nenhelagi aha ī shitambò sha kūpemvwa nī shakwinha sha būsangī.” Ū Saulo ūshifunya ī shitambò sha kūpemvwa!
10
Aho wamala dūhū ū kūshifunya ī shitambò sha kūpemvwa, ū Sang'weli ūshika; ū Saulo ūja kūnsūng'wanha.
11
Ū Sang'weli ūmūūja, “Bebe wītaga mhayo kī ū gwenūyū?” Ū Saulo ūhaya, “Aho naabona gīkī a banhū bandya kūsambaala alīyo nū bebe ūtizaga gīt'ūmo twalī twalaganīla, hama nūūbabona na a Bafilisiti bakwikumingaga Mikimashi,
12
nūūbona gīkī, ‘Ī gete nose a Bafilisiti bakūkīla bize ī Giligaali, banisange nataalī nūūlū kūlomba būgunanhi bo ng'wa SEEBA.’ Na lūūlū nihadīkīja ū kūfunya ī shitambò sha kūpemvwa.”
13
Ū Sang'weli ūnshokeja alīhaya, “Wītaga mhayo gwa nyachilū ū gwenūyo, ūtashidiimile ī shilagīlo īsho SEEBA Mulungu wako walī wakwinhile; ūlū ni washidima, ī haha ū SEEBA ni wabūguzuhya ū būtemi wako; ni wakwīta ūbize ntemi wa Baisilaeli wa būja na būja.
14
Alīyo ī haha ū būtemi wako būtūūsegenela, ū SEEBA wamalaga kūkooba munhū ūngī ūyo alī ha ng'holò yakwe; ū ng'wenūyo h'ūyo wansolaga kūbiza ntongeeji wa banhū bakwe, nguno ū bebe ūtashidiimile ī shilagīlo sha ng'wa SEEBA.”
15
Ī likanza lyenīlo ū Sang'weli ūbūūka wīnga ī Giligaali ūja Gibea ya Benjamini, ū Saulo ūbiisaaba a banhū abo walī nabo būbiza magana atandatū.
16
Na lūūlū ū Saulo nū ng'witūnja wakwe ū Yonasani hamò na a banhū abo bakashiigīīla, bakikala Gibea ya Benjamini; a Bafilisiti a bene būtūūla ī ng'hambī yabo Mikimashi.
17
A Bafilisiti būtūma mabità adatū ga banhū ba kūja bakūdimaga shikolo īsho shalekilwe kūlwa kūpeela būlūgū; ibità līmò lyūlola Ofula mapandī ga Shuali.
18
Līngī lyūlola Beeti-holoni, ī lya kadatū lyūjīlīīla kū lūbīmbī lwa kwipandī lyalī lilolile na ntubīlo gwa Zeboimu bbihī na kwitogolo.
19
Ū mu shikū jenījo baalī batīho basuji ba shikolo sha chūma pye a hose ū mu sī ya Baisilaeli, nguno a Bafilisiti baahayaga, “Nose a Bahebulania bakūyūbeeja na shū nūūlū machimu!”
20
Na lūūlū pye a Baisilaeli bajaga kū Bafilisiti baakabeegejiwa kwenūko a magembe gabo nī sūlūlū, nī mbasa nī mihoolo.
21
Ū kūbeegejiwa igembe nūūlū sūlūlū baalīpaga gulamu inaane ja shekeeli, ū kūbeegejiwa lūgoko lwa chūma nī mbasa nū kūnoolelwa ī someke baafunyaga gulamu inè ja shekeeli.
22
Nose ū mu shikū ja būlūgū, a bashilikale abo baalī hamò na Saulo nū Yonasani walī atīho nūūlū ūmò wabo ūyo walī na lūshū mu nkono nūūlū ichimu, ūlū atī Saulo dūhū na ng'witūnja wakwe Yonasani.
23
A Bafilisiti bakatūma ibità līngī lya badīīmi ba shikolo, ī lyene lyūsola nzīla ya kūbītīla kū būkīlīlo wa Mikimashi.
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 14 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31