bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
1 Samuel 19
1 Samuel 19
Sukuma 2019
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 20 →
1
Ū Saulo ūng'wīla ū ng'witūnja wakwe ū Yonasani, na a batūmami bakwe, gīkī bamūlage ū Daūdi. Alīyo ū Yonasani īkī walī antogilwe ū Daūdi,
2
ūng'hūgūla ūng'wīla, “Ū baba akūkoobaga ng'wanya gwa kūkūbūlaga, na lūūlū ilang'hanage. Ī ntondo ī dilū ūlaaje hanhū ūkibise wikale kwenūko.
3
Ū nene nakūfuma nū baba naje nakīmīīle nang'hwe hihī nī lipandī īlo ūkwibisīla, nahooye nang'hwe ī mihayo yako; hanuma nakūkūwīla ūmo alahayīle.”
4
Ū Yonasani ūhooya ng'hana nū ise ū Saulo, mihayo ya kūnkumīlīja ū Daūdi; ūhaya, “Ū ntemi atizagūng'wītīla mhayo gwabūbi gīko ū ntūmami wakwe ū Daūdi, nguno ataalī kūkūkenya mhayo gose gose. Ī yose īyo akwītaga īkūkwenhelaga solobo nhaale bebe ng'wenekīlī.
5
Ū lūshikū lwene walībūlagaga ī Līfilisiti walī wifunya gete ū būpanga wakwe; ū SEEBA ūbabeegeja būtindi būtaale no a Baisilaeli, nū bebe ūbona ūyega na kayegele kataale. Ī gīsī lūūlū mhayo kī ūyo gūlīkwenheleja ūng'wītīle būbi būtaale gīko munhū wa mhola gītī Daūdi, ūmūlage nū mhayo ndūhū?”
6
Ū Saulo ūng'wigwa ū Yonasani, ūng'wilahīlīla alīhaya, “Nalīkwilahīlīla kūlī SEEBA mpanga, gīkī ū Daūdi atūūbūlagwa.”
7
Hanuma ya henaho ū Yonasani ūng'witana ū Daūdi ūng'wīla pyī īyo bakīhooyela, hūna ūng'wenha nū kū būtongi bo ng'wa Saulo, wandya hangī kwīyolecha ū kū būtongi bo ng'wa Saulo gīt'ūmo wītīlaga na kale dūhū.
8
Kwimanīla wabūūka būlūgū hangī na a Bafilisiti, ū Daūdi ūja kwilwisha nabo, ūbabūlaga bingī no, abo bakasaaga būpeela nhambo.
9
Lwise lūmò ū Saulo walī igashije mu kaya yakwe n'ichimu lyakwe mu nkono, kwimanīla gwang'wizīīla moyo gwabūbi kūfuma kūlī SEEBA; ū Daūdi wandya kūtūla ndono.
10
Alīyo ū Saulo ūmponegeja ichimu ū Daūdi gīkī anchime līkakūbanīje na ndugu, ūliiliga lyūkalya ndugu ī lichimu; ūpeela ū Daūdi ūjimīīla īkī yalī būjikū.
11
Ū Saulo ūtūma banhū ū kū ng'wa Daūdi baje bakalang'hane hoi, balamūlage ī dilū ūlū wela. Alīyo ū Mikali ū nke wakwe ū Daūdi, ūng'hūgūla alīng'wīla, “Ūlū ūtapeelile ū būjikū wenūbū, ī ntondo ūkūbūlagwa.”
12
Na lūūlū ū Mikali ūnsheepeleja h'idilisha ū Daūdi, ūneka ūja.
13
Hanuma ū Mikali ng'wenūyo ūtūūla lī shiikolile a ha būlīīlī, ūlīkumba ng'wenda, ūlītūūlīkīja na booya wa mbūli ū kū ntwe.
14
Ū Saulo aho watūma banhū gīkī bakandiime ū Daūdi, ū Mikali ūhaya, “Alīsaata.”
15
A henaho ū Saulo ūbakomeleja a banhū benabo alībawīla, “Jagi mūkamūūkīje ū mu būlīīlī wakwe mung'wenhe aha nize namūlage.”
16
Alīyo a banhū benabo aho baashika ho, būsanga līshiikolile a ha būlīīlī, na booya wa mbūli ū kū ntwe gwalyo.
17
Ū Saulo ūng'wīla ū Mikali, “Bebe nibūlī wanilemba ūntolocha ū ng'wanishi wane ūpīla?” Ū Mikali ūnshokeja alīhaya, “Walī waniwīla, ‘Nilekage naje, nibūlī nose nakūbūlage?’”
18
Ū Daūdi aho wapeela, ūja Lama kūlī Sang'weli, ūūkang'wīla pyī ī mihayo īyo walī wītīlwa na Saulo. Hūna ūja hamò nū Sang'weli būūkalenda Nayoti.
19
Ū Saulo ūtwalīlwa mhola ja gīīkī, “Ū Daūdi alī Nayoti ya Lama.”
20
Ūtūma banhū baje ko bakandiime. Alīyo aho baashika ko, būbona'ibbipi lya bahangī bakūhangaga, nū Sang'weli wīmīīlaga hamò nabo akūbatongeelaga. Ū Moyo o ng'wa Mulungu ūbizīīla a banhū ba ng'wa Saulo, nabo bandya kūhanga.
21
Ū Saulo aho wawīlwa ūtūma banhū bangī, nabo būūkahanga. Ū Saulo ūtūma banhū lūkangala lwa kadatū, alīyo nabo būūkahanga gīko dūhū.
22
Nose ūbona wibūūkīīle wei ng'wenekīlī, wahayūshika kwilambo lya Seku, ūbūūja gīkī, “A ba Sang'weli nū Daūdi ni balī halī?” Būng'wīla, “Balī Nayoti ya Lama.”
23
Na lūūlū wihuuta ajile ī Nayoti ya Lama; alīyo ū Moyo o ng'wa Mulungu ūng'wizīīla nū wei aho alī mu nzīla ajile, wandya kūhanga kūshisha ūshika ko ī Nayoti.
24
Nīyo ūūkazuula nī shizwalo shakwe, ūhanga nang'hwe alī ha sīlīlī ya ng'wa Sang'weli. Ū lūshikū lwenūlo ūlocha alambalalile alī dūūhū, nū būjikū ūbūkeeyula alī gīko dūhū; h'īchene a banhū bakibūjaga bakūhayaga, “Ū Saulo nang'hwe alī ūmò wa bahangi?”
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 20 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31