bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
1 Samuel 24
1 Samuel 24
Sukuma 2019
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 25 →
1
Ū Saulo aho wafuma kūbapeeja a Bafilisiti ūwīlwa, “Ū Daūdi alī kwitogolo lya Engedi.”
2
Na lūūlū ū Saulo ūsola ibità lya banhū shihūmbī shidatū, abo baalī basanyiwe hose pye ū mu sī ya Isilaeli; ūbūūka alolile kū mawe ga ngūlūgūlū, kūja akūnkoobaga ū Daūdi na a banhū bakwe.
3
Aho ajile ūshika h'ipandī ilebe jalīho mbīgīlī ja ng'holo; bbihī henaho lyalīho ipilinga, ū Saulo ūbīta hoi, wingīla mo kwifuula. Gashi nang'hwe ū Daūdi na a banhū bakwe baalī ū ng'wipilinga lyenīlo, ū kū būtongi walyo.
4
A banhū ba ng'wa Daūdi būng'wīla, “Ū lwenūlū angū hū ū lūshikū ūlo SEEBA akalūhaya aho wakūwīlaga gīkī, ‘Ū ng'wanishi wako nakūntūūla mu makono gako ūng'wītīle gīt'ūmo ūtogelilwe.’” Ū Daūdi wegeela hoi akūkūngīlaga, ūshika wībbuta ī ng'hanjo ya ng'wa Saulo ha neno; alīyo atabonilwe.
5
Gwike a hanuma ya henaho, ī ng'holò yakwe ū Daūdi yandya kūnkoya no, nguno ya kūbbuta ī shizwalo sha ng'wa Saulo.
6
A banhū bakwe ūbawīla, “Ū SEEBA anihame ū nene ū kūng'wītīla ntaale wane mhayo gūlī gīko, ū ng'witīīlwa maguta o ng'wa SEEBA. Ū nene yaya ū kūmūūkīja nkono gwane, nguno ū wei alī ng'witīīlwa maguta o ng'wa SEEBA.”
7
Ū mu mihayo yenīyo ū Daūdi ūbiza wabahama a banhū bakwe, atabazunīlīgije ū kūndumīla ū Saulo. Hanuma ya henaho ū Saulo ūpuluka ū ng'wipilinga ūbūūka ajile.
8
Nū Daūdi ūpuluka ū ng'wipilinga lyenīlo; hūna ūng'hīlīka ū Saulo alīhaya, “Baba ntemi!” Ū Saulo aho wikībūka kūlola ū kū numa, ū Daūdi winama kūshisha ū būshū wakwe būkuumya hasī.
9
Ūng'wīla ū Saulo, “Nibūlī ūkūbadegelekaga a banhū ūlū baakūwīla gīkī, ‘Ū Daūdi alī na ng'hūmbū ja kūkūbūlaga?’
10
Ī lelo lūūlū lolaga na miso gako, ūbone gīkī aho ūlī ū ng'wipilinga ū SEEBA walī wakūtūūlaga mu makono gane. A banhū baalī banigaagaanīlaga gīkī nakūbūlage, alīyo nūkūleka; nūhaya gīkī, ‘Natūdūla kūmūūkīja nkono gwane ū ntaale wane, nguno alī ng'witīīlwa maguta o ng'wa SEEBA.’
11
Ali lolaga aha baba, līīl'ibbudīka lya ng'hanjo yako mu nkono gwane! Naalī nītīna ī ng'hanjo yako kamesulwa, alīyo ū bebe nūūkūleka ū kūkūbūlaga. Na lūūlū ī haha managa hape, hama witegeleje gīkī ū nene natī na būbi ū kūlī bebe, nūūlū natakūgomelile. Ū nene nataalī kūkūhūba mhayo gose gose, alīyo ū bebe ūkūnikoobaga kūhaya kūnīngīja būpanga nū mhayo ndūhū.
12
Ū SEEBA leka alamule wei ng'wenekīlī a ha gatī yise ū bebe nū nene. Nīyo ū SEEBA hū ng'wene ūyo akūkūlīpīla ī shiilī kūlwa būbi bose ūbo ūkūnītīlaga, alīyo ūlū ū nene yaya gete ū kūkūkuumya na nkono gwane.
13
Lūlīho lūsumo lwa bana kale lūhayīlile gīkī, ‘Ī shītwa ī shabūbi shikilongaga kūfuma mu bakenaagūji.’ Na lūūlū ū nkono gwane gūtī gwa kūkūkuumya ū bebe.
14
Ī gīsī ū ntemi wa Isilaeli wafumile kūnkūūbīja nani? Ūkūkūūbījaga kī? Ītī mvwa īchiile dūhū, nūūlū ka būda?
15
Ū SEEBA ni abizage namuji a ha gatī yise, wei ng'wenekīlī atūlekanye. Akabone a kashimīzīle kaane anilang'hane, nī ng'hana yane ayooleche mu nzīla ya kūnipīja ū mu nkono gwako.”
16
Ū Daūdi aho wamala kūyomba ī mihayo yenīyo, ū Saulo ūbūūja, “Ī lyenīlo ilaka lyako ng'wana wane Daūdi?” Ūlīla n'ilaka lya higūlya.
17
Ūhaya, “Ū bebe ūlī ntūngīlīja kūtinda ū nene; īyo wanītīlaga ī lelo yawiza no, nūūlū īkī ū nene nakūkwītīlaga yabūbi.
18
Ī haha yenīyī waniwīla ū mhayo gwawiza ūyo wanītīlaga; gīkī ū SEEBA walī wanitūūlaga mu makono gako, alīyo ū bebe ūleka ū kūnibūlaga.
19
Ī gīsī ng'hana ūlū munhū ūmpandīka ng'wanishi wakwe, akūneka gīko dūhū nūūlū kūng'wītīla mhayo yaya? Ū SEEBA akūnoong'he inong'ho lyawiza kūlwa wiza ūbo wanītīlaga lelo.
20
Nadeebile hape gīkī ūkūbiza ntemi wa Isilaeli, nī gīkī ū būtemi wa Baisilaeli būkūpandīka nguzu ū mu makono gako.
21
Ali lūlū, ī haha nilahīlīlage kūlī SEEBA gīkī ūtūbūyagaja ū būbyīle wane, nī lina lyane ūtūlīfuta lījimīīle ū mu kaya ya ng'wa baba.”
22
Ū Daūdi ūng'wilahīlīla ū Saulo ū mhayo gwenūyo. Hūna ū Saulo ūshoka kaya; alīyo ū Daūdi na a banhū bakwe būshoka mo hangī ū ng'wipilinga ī lya kwibisīla.
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 25 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31