bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
1 Samuel 21
1 Samuel 21
Sukuma 2019
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 22 →
1
Ū Daūdi ūja Nobu kūlī ngabīji Ahimeleki; ū Ahimeleki aho wamona ū Daūdi ūdetema; ūmūūja, “Ni kinehe ūlī iyene ūtī na ūngī ose ose hamò nang'ho?”
2
Ū Daūdi ūnshokeja ū ngabīji Ahimeleki, “Ū ntemi wanitūmaga mhayo nebe, ūniwīla gīkī, ‘Atizūdeeba munhū ūngī ose ose īyo ūlīyīta, nū nīmo ūyo ūtūmilwe.’ A banhū bane a bene nabawīlaga tūkūmaanhīja halebe.
3
Alilūūlū ī gīsī, ūlī na kīnhū kī a henaha? Ninhage migatī ītanò, nūūlū shose shose īsho ūlī nasho aha.”
4
Alīyo ū ngabīji ūnshokeja ū Daūdi ūhaya, “Natī na migatī īyo īdūgije kūliiwa na banhū bose bose, alīyo īlīho migatī myeela a henaha, ūlū batīnaabiza na būsangī na bakīma dūhū a basūmba.”
5
Daūdi nang'hwe ūshosha, “A bakīma a bene tūtīniikuumya nabo, gīt'ūmo nakīītīlaga na kale dūhū ūlū tūlī mu shikū ja būlūgū; nguno nūūlū tūlī mu milīmo ya shikū jose ī mibīlī ya basūmba īkabizaga myeela no, sumbagwa na lelo īyī!”
6
Hūna ū ngabīji ūng'winha ī migatī ī myeela, nguno yalī ītīho migatī yīngī a henaho, ūlū ītī ī migatī dūhū ī ya kūtūūlwa kū būtongi bo ng'wa SEEBA, īyo īkasangwa yakaabanyiagwa ū lūshikū lwenūlo, yūūtūūlwa ho misebu yīnjiwa īyo yalīho ī kwandya.
7
Ū lūshikū lwenūlo walīho hoi na ūmò wa batūmami ba ng'wa Saulo, lina lyakwe walī Doegi muna Edomu; ūmò wa badīīmi ba ng'wa Saulo, walī wahūba wenhwa kūlang'hanwa kū būtongi bo ng'wa SEEBA.
8
Ū Daūdi ūng'wīla hangī ū Ahimeleki, “Ūtī na'ichimu nūūlū lūshū a henaha? Ū nene natizile nalo ū lūshū lwane, nūūlū shilanga shose shose nguno ū nīmo gwa ntemi gwalī gwabiza gwa wangū wangū no.”
9
Ū ngabīji ūshosha alīhaya, “Līlīho dūhū ī līlūshū lya ng'wa Goliati ū Mfilisiti ūyo ūkamūlagīla kū longa lwa Ela; līlī kū numa ya ifoodi līlingīīlilwe mu ng'wenda. Ūlū ūlīīlītogwa līsolage, nguno lūtīho lūshū lūngī a henaha ūlū lītī lyenīlo dūhū.” Ū Daūdi ūhaya, “Angū nīyo lītīho līngī ī lyawiza gītī lyenīlo; lyenhage ūninhe.”
10
Ū lūshikū lwenūlo ū Daūdi ūmpeela ū Saulo, ūja kūlī Akishi ntemi wa Gaasi.
11
Alīyo a batūmami ba ng'wa Akishi būng'wīla, “Baba ntemi, ū ng'wenūyū atī ng'wene ū ntemi wayo ī sī yenīyo? Atī ng'wene ūyo bakīmbaga na mu mbina jabo balīhaya gīkī, ‘Ū Saulo wabūlagile maashihūmbī gakwe, ū Daūdi makūmi ga maashihūmbī gakwe!’”
12
Ī mihayo yenīyo yūng'wingīla gete ū Daūdi ū mu ng'holò yakwe, ūng'ogoha no ū ntemi Akishi wa Gaasi.
13
Ūgalūcha ī nhūngwa ja kiikalīle kaakwe ū kū būtongi wabo; aho alī mu makono gabo wandya kwīta mihayo ya koolecha ū kūbo gīkī walī ageehelilwe, wiyītya kūbiza gītī nsaji. Ūyūdatagūla bo njala a ha milyango ya ha mita, kūnū akūsejaga lūsoona sagala sagala, kūshisha kūjilobya ī ndezu jakwe.
14
Ū ntemi Akishi ūbawīla a batūmami bakwe, “Mulīmona ū munhū ng'wenūyo, angū nsaji gete! Hama mulīnenhela wakī ū nene ū ng'wenūyo?
15
A bing'we ng'wanibonaga gīkī naageehelilwe a basaji ū mu sī yane, nose mulīnenhela na munhū alī gīkī wikale akoolechaga lūsalo lwakwe kū būtongi wane? Ū ng'wenūyū ingīle gete mu ng'wane ūmo alī ng'wenūmū?”
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31