bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
1 Samuel 7
1 Samuel 7
Sukuma 2019
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 8 →
1
Na ng'hana a banhū ba Kiliati-yelimu biza būlīsola ī lisandīko lya ng'wa SEEBA, būlītwala ha ng'wa Abinadabu, walī na ng'witūnja lina lyakwe Elieza, būng'wīta kūbiza nang'hani walyo ī lisandīko lya ng'wa SEEBA.
2
Ī lisandīko lyenīlo līkikala ī Kiliati-yelimu ikanza ilīhu, myaka makūmi abīlī, a Baisilaeli bose bandya kūnkooba ū SEEBA mu kūlīla.
3
Ū Sang'weli ūbawīla pye a Baisilaeli, “Ūlū ng'hana mulīngalūkīla ū SEEBA na ng'holò jing'we jose, lekanagi nabo a bamulungu a bageni, na Maashitoleti mūgīnje ū mu bing'we, ī ng'holò jing'we jingalūkīle SEEBA; muntūmamīle we wike, hū akūmupīja ū mu nkono gwa Bafilisiti.”
4
Hūna a Baisilaeli būgīnja a Mabaalī na a Maashitoleti, bandya kūntūmamīla SEEBA we wike.
5
Hūna ū Sang'weli ūhaya, “Balaalīkagi pye a Baisilaeli bize kwibilinga Misipa, namulombele kūlī SEEBA.”
6
Aho bibilinga ī Misipa, būdaha minzī būgita kū būtongi bo ng'wa SEEBA; ū lūshikū lwenūlo būfunga na kūntambūūlīla ū SEEBA balīhaya, “A bise tūlī bahūbi ū kūlī SEEBA.” A Baisilaeli aho balī ī Misipa būng'wanukūla ū Sang'weli kūbiza ntongeeji wabo.
7
Alīyo a Bafilisiti aho bigwa gīkī a Baisilaeli bikumingaga Misipa, a basugi ba Bafilisiti būlinha bajile ūko baalī a Baisilaeli kūjūūbadumīla. A Baisilaeli aho bigwa gīko bogoha no kūlwa nguno ya Bafilisiti.
8
Būng'wīla ū Sang'weli, “Yaya ū kooya ū kūnīlīīla ū SEEBA Mulungu wise kūlwa nguno yise, atūpīje ū mu nkono gwa Bafilisiti.”
9
Hūna ū Sang'weli ūsola ng'wana wa ng'holo ataalī ong'ha, ūnsīnza ūmfunya kūlī SEEBA alī ngima gīko, kūbiza shitambò sha kūpemvwa. Ūnīlīīla ū SEEBA kūlwa nguno ya Baisilaeli; nang'hwe ū SEEBA ūng'wigwa, wīta gīt'ūmo walombelaga.
10
Ū Sang'weli aho alīfunya ī shitambò, a Bafilisiti būbasanga a Baisilaeli kwiza kūbadumīla. Alīyo ū lūshikū lwenūlo ū SEEBA ūbapalalūkīla būpalalūki būtaale no a Bafilisiti, kūshisha būzwangana kībi kībi; a Baisilaeli būbatūla būbapyena.
11
A Baisilaeli bīnga ī Misipa, būboolomya nhambo a Bafilisiti; būja bakūbabūlagaga nzīla ngima, kūjūshika kū sīlīlī ya Beeti-kaali.
12
Hūna ū Sang'weli ūsola iwe ūlyīmīlīja ha gatī ya Misipa na Sheni; ūliilīka lina lya Ebenezeeli, nguno akahaya, “Ū SEEBA ataalī ūtūgunanha kūshisha haha.”
13
Na lūūlū a Bafilisiti būbiza baapyenwa gete, batashokile hangī kwiza kūbikolosha a Baisilaeli ū mu sī yabo. Ū mu shikū jose ja būlamu bo ng'wa Sang'weli, ū nkono go ng'wa SEEBA gwalī gūbahangīgije a Bafilisiti.
14
Ī mizengo īyo Bafilisiti balī babataaja Baisilaeli, kwandīja Ekuloni kūshisha Gaasi, bīshosha a Baisilaeli, pyī nī sī īyo yalī bbihī bbihī najo ī mhandī jenījo, a Baisilaeli būbataaja a Bafilisiti. Hama na a ha gatī ya Baisilaeli na Baamooli yūbiza ho mhola.
15
Ū Sang'weli akagwīta ū nīmo gwa kūbatongeela a Baisilaeli kūshisha shikū ja būlamu wakwe bose.
16
Būlī ng'waka wabayeleelaga a Baisilaeli, kwandīja Beeseli, hūna Giligaali, hama Misipa; waja akūbalamulaga ū mu mapandī gose genayo.
17
Hanuma washoka Lama, nguno h'ūko yalī ī kaya yakwe, nū kwene wabalamulīlaga koi a Baisilaeli. Nīyo ū kwene walī wazenga na ng'walīlo kūlwa ng'wa SEEBA.
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 8 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31