bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
1 Samuel 26
1 Samuel 26
Sukuma 2019
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 27 →
1
A bana Zifu būja hangī ī Gibea ū kūlī Saulo; būūkang'wīla, “Ū Daūdi atibisile mu lūgūlū lwa Hakila ūlo lūlī bbihī na Yeshimoti?”
2
Na lūūlū ū Saulo ūsola ibità lya banhū shihūmbī shidatū, abo baalī basanyiwe ū mu sī ya Isilaeli; ūbūūka ajile nabo ū kwitogolo lya Zifu kūjūnkooba ū Daūdi.
3
Ū Saulo aho washika kū lūgūlū lwa Hakila ūbeeja ng'hambī ya kūlaala bbihī n'ikūūwa, kwilola na Yeshimoti; ū Daūdi ūbiza alīko ū ū kū masaka ga kwitogolo. Aho wabona gīkī ū Saulo wankūūbīja ko,
4
ūtūma banhū kūjūūdata; ūdeeba gīkī ng'hana ū Saulo alīho.
5
Na lūūlū ū Daūdi ūbūūka ūja ūko walī watūūla ng'hambī ū Saulo. Ūbona aho yalī ī ng'hambī ya ng'wa Saulo nū Abuneeli ū ng'witūnja o ng'wa Neeli, ūyo walī ntaale wa mabità ga bashilikale. Ū Saulo ī ng'hambī yakwe yalī ha gatī na ha gatī, yūpīndīlījiwa nī libità ī lyose.
6
Hūna ū Daūdi ūmūūja walīho Ahimeleki Ng'hītī, na Abishai nzunaye o ng'wa Yoabu ng'wana Seluya; ūbabūūja ūhaya, “Nani alīzunya tūlaaje dege ū kū ng'hambī ya ng'wa Saulo?” Ū Abishai ūhaya, “Nakūja nang'ho ū nene!”
7
Ng'hana ū Daūdi nū Abishai būja koi ī būjikū; būnsanga ū Saulo alī ū mu ng'hambī alaalile, nī lichimu lyakwe lyachimīkagwa hasī bbihī nū ntwe gwakwe. Ū Abuneeli na a bashilikale a bangī baalī balaalile būmpīndīlīja ū Saulo.
8
Ū Abishai ūng'wīla ū Daūdi, “Ī lelo lūūlū ū SEEBA wantūūlaga ū ng'wanishi wako mu makono gako. Nilekage namambe ichimu līmò dūhū; nīyo ī lyane līkūjūūlibīla na hasī; ndūhū natūūshokeela kabīlī.”
9
Ū Daūdi ūnshokeja ūhaya, “Yaya ū kūnyagaja! Nani ūyo adūgije kūtūūla nkono gwakwe halī ng'witīīlwa maguta o ng'wa SEEBA ūleka kūbiza na shilingo?”
10
Ū Daūdi ongeja kūhaya, “Nalīkwilahīlīla mu lina lya ng'wa SEEBA mpanga gīkī, ū SEEBA ng'wenekīlī h'ūyo akūntūla, nūūlū līkūshika ī likanza lyakwe ache, hamo akūjūchīla nūūlū kū būlūgū.
11
Alīyo ū kūlī nene, ngilo gete ū kūntūūlīla nkono gwane ū ng'witīīlwa maguta o ng'wa SEEBA. Na lūūlū ū bebe shisolage dūhū ī shikolo īsho shilī bbihī nū ntwe gwakwe, ī lichimu nī shisaabo sha minzī, tūje.”
12
Ū Daūdi ūbiza washisola ī shikolo īsho shalī bbihī nū ntwe go ng'wa Saulo, ī lichimu na a minzī; bīnga ho. Ū Saulo na a banhū bakwe baalī balaalile pye, nguno ū SEEBA walī wabitīīla tūlo nhaale.
13
Hanuma ya henaho ū Daūdi ūkīla kū ntambūko, ūja ūūkīmīīla ha ngūlya ka kūle, gūbiza ho ng'wanya ngalī a ha gatī yabo.
14
Hūna ūhīlīka ū kwibità; nū Abuneeli ū ng'witūnja o ng'wa Neeli ūng'hamukīla alīng'wīla, “Abuneeli nibūlī ūtūnishokejaga mhayo.” Ū Abuneeli ūshosha alīhaya, “Ūlī nani ū bebe ūlīnyogeela ntemi gīko?”
15
Ū Daūdi ūshosha, “Bebe tūhaya ūlī ngosha apandile hasī a hene! Nani ūngī ū mu Isilaeli ūyo adūgije kūlenganījiwa na bebe? Hama nibūlī lūūlū walekaga ū kūnang'hana ū so būgonzo ū ntemi? Nguno munhū walī wizaga kūmūlaga ū so būgonzo ū ntemi!
16
Ū mhayo ūyo wagwītaga gwenūyo gwabūbi no. Nalīkwilahīlīla mu lina lya ng'wa SEEBA mpanga gīkī ū bebe na a banhū bako shing'wigeleelilwe kūcha, nguno mutanang'hanile ū sīng'we būgonzo ū ng'witīīlwa maguta o ng'wa SEEBA. Aliilalangījage aho ūlī henaho, līlī halī ī lichimu lya ntemi īlo lyalī līchimīkile hasī bbihī na ntwe gwakwe, nī shisaabo sha minzī?”
17
Ū Saulo ūliitegeleja ī lilaka lya ng'wa Daūdi; ūhaya, “Ī lyenīlo ilaka lyako ng'wana wane Daūdi?” Ū Daūdi ūshosha alīhaya, “Lyane ng'hana baba ntemi.”
18
Ongeja kūhaya, “Ū baba būgonzo nibūlī shi ī gete akūnkūūbīlījaga ū ntūmami wakwe? Naakenije kī? Ū būhūbi wane būlī mu mhayo kī?
19
Na lūūlū ū baba būgonzo ū ntemi ni ayīdegelekage ī mihayo ya ntūmami wakwe. Gīkī, ūlū abize SEEBA ūyo wakwenhelegije ūnūūbūkīle, nalīnomba anukūle shitambò. Alīyo ūlū babize banhū dūhū abo baagwītile ū mhayo gwenūyū, ni bazumagwe kū būtongi bo ng'wa SEEBA! Nguno balīnipeeja nīnge; nawīngīle ū wingīji wane ū mulī SEEBA. Baanipeegije bakūhayaga gīkī, ‘Jaga kū bamulungu bangī ūkabatūmamīle.’
20
Alilūūlū, ūtizūgenheleja a mininga gane gidīke hasī aho natī kū būtongi bo ng'wa SEEBA. Nguno ū ntemi wa Isilaeli wafumile hanze kūja akūkoobaga ka būda, gītī munhū akūhwīmaga ng'hwale mu ngūlū!”
21
A henaho ū Saulo ūhaya, “Daūdi ng'wana wane, nalī ng'hūbi ū nene; shokaga nooyaga lūūlū ū kūgema kūkwītīla yabūbi. Nguno ū bebe wabūbonaga ī lelo ū būpanga wane gīkī būlī na mpango ntaale. Alīyo ū nene īyo nakūkwītīlaga ū bebe ya nyachilū, nalī nkenaagūji ha taale no!”
22
Hūna ū Daūdi ūhaya, “Līīlī lūūlū aha ī lichimu lya ntemi, ni wizage ūmò wa bayanda bako alīsole.
23
Ū SEEBA ng'wene akabanong'haga a banhū būlī ng'wene kūlenganīla na būtūngīlīja na wishigwa wakwe. Ī lelo ū SEEBA walī wakūtūūlaga mu makono gane, alīyo natagemile ū kūkūtūūlīla nkono gwane ū bebe ng'witīīlwa maguta o ng'wa SEEBA.
24
Na lūūlū ūmo naalī nawisaabīla ū būpanga wako ī lelo gīkī būlī wa mpango ntaale, nalīnomba ū SEEBA awisaabe nū būpanga wane kūbiza wa mpango, hama anipīje kūfuma mu makoye gose.”
25
Ū Saulo ūhaya, “Wīlūkīlwe ng'wana wane Daūdi; nīyo ūkwīta mihayo mitaale no, hama ūkūbiza mpyeni ū muyo.” Hūna ū Daūdi wīnga ho ūja; ū Saulo nang'hwe ūshoka kaya.
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 27 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31