bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
1 Samuel 22
1 Samuel 22
Sukuma 2019
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 23 →
1
Ū Daūdi wīnga ī Gaasi, ūpeelela kwipilinga lya Adulamu, a bakūlūye na banhū bangī a ba mu kaya ya ng'wa ise aho bigwa, būja ko nabo kwisangīja nang'hwe.
2
Pye abo baalī na makoye, na a babo baalī na būgasa, na a bose abo baalī batizunīlījaga nū būsugi wa mu sī yabo, būyūnkūūbīja; ūbiza ntongeeji wabo. A ba kūja bakūnondeelaga hose hose būshika bagosha magana anè.
3
Ū Daūdi wīnga ho hado ūja Misipa ya Moabu, ūūkanomba ū ntemi wa Moabu alīhaya, “Nalīkwikūmbīlīja ūng'wanukūle ū baba nū mayū, bize bikale hamò nag'ho kūshisha nadeebe ūmo alīnītīla ū Mulungu.”
4
Na ng'hana ūbaleka ū kū ng'wa ntemi wa Moabu, bikala nang'hwe ī likanza ī lyose īlo Daūdi walī ū ng'wipandī lya kwibisīla lyenīlo.
5
Alīyo walīho ng'hangi Gaadi, ūng'wīla ū Daūdi, “Ūtizikala ū ng'wipandī lya kwibisīla lyenīlī. Jaga mu sī ya Yuda.” Na lūūlū ū Daūdi wīnga ko ū kwenūko, ūja kwipoolu lya Helesi.
6
Ū Saulo wigwa gīkī ū Daūdi na a banhū bakwe babonilwe. Na lūūlū lūshikū lūmò ū Saulo walī n'ichimu lyakwe mu nkono igaashije mu mbeho ya ntī gwa nshishi, kū sī ya ngūlya gwa Gibea, walī hamò nabo pye a batūmami bakwe, baalī bīmīīla bampīndije.
7
Kwitulwa ū Saulo wandya kūbawīla alīhaya; “Bing'we Babenjamini, alidegelekagi, ī gete hamo shi ū ng'witūnja o ng'wa Yese ng'wenūyū akūng'winha būlī ūmò wing'we ilaale na ngūnda gwa mizabibu? Nūūlū hamo akūng'wīta a bose ūmo mugelelile mubize bataale ba mabità ga bashilikale shihūmbī, na ga bashilikale igana igana?
8
Hamo ī yenīyo h'īnguno īyo yang'wenhelegije kūnilīīla gwīnda ya kūyūnibisa ī mihayo? Nguno ndūhū nūūlū ūmò wing'we ūyo akūnimanīkījaga, nūūlū aho mukūbonaga gīkī nū ng'witūnja wane akūbeejaga ilagane nū ng'witūnja o ng'wa Yese! Atīho gete nūūlū ūmo wing'we ūyo anidīlīīlile ū nene, nūūlū ū wa kūnimanya gīkī ū ng'witūnja wane wamiipije masala ū ntūmami wane, nose akwikalaga ūnikūngīla, gīt'ūmo alītīla nī haha.”
9
Hūna ū Doegi, ūyo nang'hwe walī wīmīīla hamò na a batūmami ba ng'wa Saulo; ūhaya, “Ū nene naalī namonile ū ng'witūnja o ng'wa Yese, akiza ī Nobu kūlī Ahimeleki ū ng'wana Ahitubu.
10
Ū Ahimeleki ūmūūja na SEEBA kūlwa nguno yakwe; ūng'winha na shiigunaanīlo, pyī nī līlūshū lya ng'wa Goliati ū Mfilisiti.”
11
Hūna ū ntemi ūlagīja witanwa ū ngabīji Ahimeleki ū ng'witūnja o ng'wa Ahitubu, nī kaya ya ng'wa ise ī yose, abo baalī bagabīji ba Nobu; pye a bose biza ū kū ng'wa ntemi.
12
Ū Saulo ūhaya, “Bebe ng'wana Ahitubu, degelekaga.” Nang'hwe ūhaya, “Hayaga baba ntemi.”
13
Ū Saulo ūmūūja, “Nibūlī ū bebe nū ng'witūnja o ng'wa Yese ng'wanilīīlile gwīnda ya kūnītīla mihayo yabūbi mu mbisīla? Nguno ūkang'winha migatī na lūshū, ūmūūgīja na kūlī Mulungu; nose ūūyo wanigomelile gete, hama akwikalaga ūnikūngīla gīt'ūmo alītīla nī haha!”
14
Ū Ahimeleki ūnshokeja ū ntemi ūhaya, “Baba ntemi, ū mu batūmami bako bose, nani ū nsanyiwa gītī Daūdi ū nkwīlīma wa ntemi; ūyo nīyo alī ntaale wa bashilikale abo bakakūlang'hanaga ū bebe, ūyo nīyo akūjiwe hataale ū mu kaya yako?
15
Angū, ū lwenūlo lwalī lūkangala lwa kwandya ū nene ū kūmūūgīja ū kūlī Mulungu? Ītī gīko na hado yaya! Ū ntemi ni atizagūnsola būbi ū ntūmami wako, nūūlū ī kaya ya ng'wa baba, nguno ū nene ntūmami wako natīmanile gete na hado yaya ī mihayo yose yenīyī!”
16
Ū ntemi ūnshokeja alīhaya, “Ahimeleki ūlīcha gete, nīyo pyī nī kaya ya ng'wa so ī yose!”
17
Hūna ū ntemi ūbalagīja a bashilikale bakwe abo baalī hamò nang'hwe; ūbawīla, “Basangagi a bagabīji ba ng'wa SEEBA mukababūlage, nguno nabo balī kū lwandī lo ng'wa Daūdi. Baalī badeebile ī gīkī alīnipeela, alīyo būleka ū kūniwīla.” Gwike a bashilikale ba ntemi bogoha ū kūbagoloolela makono a bagabīji ba ng'wa SEEBA gīkī bababūlage.
18
Hūna ū ntemi ūnagīja ū Doegi ūng'wīla, “Basangage ho ū bebe a bagabīji benabo ūkababūlage.” Ng'hana ū Doegi ū muna Edomi ūbasanga ho ūūkababūlaga; ū lūshikū lwenūlo ūbūlaga banhū makūmi anaane na batanò abo baazwalaga ifoodi ja kitaani.
19
Nū nzengo gwa bagabīji ū gwa Nobu ūgūkenaagūla wa līlūshū; ūbamala pye a banhū ba ng'wenūmo, bagosha na bakīma, pye na a baana na a beleele; būyaga nī ng'ombe jamo nī nzobe nī ng'holo.
20
Alīyo ūpūlūgūka ūmò, Abiasali ng'witūnja o ng'wa Ahimeleki ū ng'wana Ahitubu, ūpeela ūja kūlī Daūdi.
21
Aho washika ūng'wīla ū Daūdi gīkī, ū Saulo wababūlagaga pye a bagabīji ba ng'wa SEEBA.
22
Ū Daūdi ūng'wīla ū Abiasali, “Ū lūshikū lwenūlo aho namona ū Doegi ū muna Edomu, nakadeeba gīkī akūng'wīla ū Saulo. A banhū ba kaya ya ng'wa so naabenhelejaga nene pye a bose ū kūcha.
23
Na lūūlū ikalaga hamò naane, wīnje ū boobà; nguno ū munhū ūyo alībūkooba ū būpanga wako h'ūyo akūbūkoobaga nū wane. Alīyo ū bebe ūlū wikala hamò nane ūkūbiza ūlī mhola.”
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 23 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31