bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Umbundu
/
Umbundu Bible (Embimbiliya - Bíblia Sagrada em Umbundu)
/
1 Kings 1
1 Kings 1
Umbundu Bible (Embimbiliya - Bíblia Sagrada em Umbundu)
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 2 →
1
Soma Daviti kaliye wa kuka, haeye ekongo. Vo sikĩlila lolonanga, puãi haimo ka yevele owuya.
2
Oco akuenje vaye va popia laye vati, Hise oku sandela cime cange Soma ufeko umue, oco a vumbe Soma loku u tata; a pekele ponete yove, oco cime cange Soma a yeve owuya.
3
Oco va sandiliya ufeko wa posoka vofeka yosi ya Isareli, yu va sanga Avisiage u Sunami, kuenje vo nena ku Soma.
4
Ufeko waco wa posoka calua, kuenje wa tata Soma loku u vumba; puãi Soma ko kulihile.
5
Adoniya, omõla a Hagiti, wa lenda lepela kuenje hati, Ame ndinga Soma! Yu wa liangiliyila akalu lavakuatuvalu kuenda akuĩ atãlo kalume ha vo pitila kovaso loku lupuka.
6
Lalimue eteke isiaye o sumuisile loku u lemela hati, Eci wa ci lingila nye? Eye wa kala ulume umue wa posoka calua, haeye wa kuama Avisalome pekosi.
7
Wa livangula la Yoava omõla a Ceruya, kuenda ocitunda Aviatare, kuenje va kuama Adoniya, yu vo kuatisa.
8
Puãi ocitunda Sadoke la Benaya omõla a Yehoyada, luprofeto Natana la Simei la Rei kuenda alume va pama va Daviti, ovo ka va kaile la Adoniya.
9
Adoniya yu wa ipaila olomeme lolongombe lolonale via neta, kewe lia Soheleti lina li kasi kEnrogele. Wa laleka vamanjaye vosi omãla va Soma, kuenda alume vosi va Yuda akuenje va Soma.
10
Puãi uprofeto Natana la Benaya lalume va pama kuenda manjaye Salomone ka va lalekele.
11
Natana yu wa popia la Batisieva, ina ya Salomone, hati, Kua yevele nga, okuti Adoniya, omõla a Hagiti, wa linga osoma kuenda cime cetu Daviti ka ci kulihile?
12
Kaliye enju, hu longe olondunge, oco o popele omuenyo wove lomuenyo womolove Salomone.
13
Kuende, ka iñile ku Soma Daviti, ka popie lave huti, A cime cange, a Soma, kua lisilile hẽ lame ndupika wove huti, Omolove Salomone eye o piñala komangu yange, haeye o tumãla kocalo cange? Adoniya hẽ, wa lingila nye osoma?
14
Oco osimbu o kasi loku popia la Soma, ame ñuamamovo si kolisa olondaka viove.
15
Oco Batisieva wa enda ku Soma, vohondo yaye. Kaliye Soma wa kuka calua, kuenda Avisiage u Sunami wa kala loku vumba Soma.
16
Oco Batisieva wa petama, yu wa sambela Soma. Kuenda Soma wa popia hati, O yongola nye?
17
Eye wa popia laye hati, A cime cange, wa lisila lame ndupika wove vonduko ya Yehova Suku yove, huti, Omolove Salomone eye o piñala komangu yange, haeye o tumãla kocalo cange.
18
Puãi cilo, tala, Adoniya wa linga osoma, kuenje ove, a cime cange a Soma, kua ci kulihile.
19
Eye wa ipa olongombe lolonale via neta lolomeme viakahandangala, kuenje wa laleka omãla vosi va Soma kumue locitunda Aviatare la Yoava kesongo liovita. Puãi Salomone, ukuenje wove, ko lalekele.
20
Kaliye a cime cange, a Soma, Isareli yosi yaimba ovaso kokuove, hu va tukuila u o piñala kocalo ca cime cange Soma.
21
Nda hacoko, eci cime cange Soma a pekela kumue lolosekulu viaye, ame lomolange Salomone tu laika oku tukuiwa ndolondingaĩvi.
22
Kuenje tala, osimbu a kala loku vangula la Soma, uprofeto Natana wa iñila.
23
Va sapuila Soma vati, Uprofeto Natana yu! Kuenje eci a iñila kovaso a Soma, wa petama kovaso a Soma loku tuvika ocipãla caye posi.
24
Kuenje Natana wa popia hati, A cime cange, a Soma, ove nga wa popia huti, Adoniya eye o piñala komangu yange haeye o tumãla kocalo cange?
25
Momo etaili wa lokila kEngrogele yu wa ipa olongombe lolonale via neta lolomeme viakahandangala, kuenje wa laleka omãla vosi va Soma, la vakesongo liolohoka kuenda ocitunda Aviatare. Kuenje tala, ovo va lia loku nyuila kovaso aye, vati, Soma Adoniya a kale lomuenyo!
26
Puãi ame, ame ndukuenje wove, locitunda Sadoke la Benaya omõla a Yehoyada, kuenda ukuenje wove Salomone, ka tu lalekele.
27
Eci ndeti ca lingiwa he la Soma cime cange, yu kua sapuilile akuenje vove u o piñala kocalo ca Soma cime cange?
28
Oco Soma Daviti wa kumbulula, yu wa popia hati, Ñovongeli Batisieva. Eye weya kocipala ca Soma, kuenje wa talama kovaso a Soma.
29
Soma wa lisinga hati, La Yehova o kasi lomuenyo, una wa popela omuenyo wange kolohali viosi,
30
ocili ndomo nda lisilile love vonduko ya Yehova, Suku ya Isareli, siti, Omolove Salomone eye o viala haeye o piñala kocalo cange, ocili, haico ndinga etaili.
31
Oco Batisieva wa petama, yu wa tuvika ocipala caye posi, loku sambela Soma, kuenje wa popia hati, Cime cange Soma Daviti a kale hu lomuenyo.
32
Soma Daviti wa popia hati, Ñovongeli ocitunda Sadoke luprofeto Natana la Benaya omõla a Yehoyada. Oco veya kovaso a Soma.
33
Soma yu wa popia lavo hati, Kuendi kumue lakuenje va cime cene, endisili omolange Salomone komula yange muẽle, kuenje lokili laye ko Gihone,
34
oco ocitunda Sadoke luprofeto Natana vo wavekeleko ha lingi osoma kIsareli yosi. Siki olumbeta, kuenda popi hoti, Soma Salomone a kale lomuenyo!
35
Noke vu lamaneli kulo loku u kuama vonyima yaye, iya o tumãla kocalo cange, momo eye o linga Soma, ame hameko vali. Ndo tukuila oku viala kIsareli la Yuda.
36
Benaya, omõla a Yehoyada, wa kumbulula Soma, hati, Amene! Yehova Suku ya cime cange Soma, a ci tavevo.
37
Ndeci Yehova a kala la cime cange Soma, haico a kalevo la Salomone, kuenda a velisepo ocalo caye, okuti ocalo ca cime cange Soma Daviti ci sule.
38
Oco ocitunda Sadoke luprofeto Natana la Benaya, omõla a Yehoyada, kumue la va Keriti la va Pelete va loka, yu va endisila Salomone komula ya Soma Daviti, kuenje vo tuala ko Gihone.
39
Ocitunda Sadoke wopa ombinga yulela vombalaka, yu wa waveka Salomone. Va sika olumbeta, kuenje omanu vosi va popia vati, Soma Salomone a kale lomuenyo.
40
Oco omanu vosi va lamana loku u kuama vonyima yaye, va sika olombendo, kuenje volula lonjolela yalua, ndokuti osi ya sokele oku toka lonjuela yavo.
41
Adoniya kumue lakombe vosi va kala laye, eci va kala loku malusula okulia va ci yeva. Kuenje Yoava, eci a yeva ocileñi columbeta, wa popia hati, Onjuela yaco vimbo ya lomboloka nye?
42
Osimbu a kala handi loku vangula, tala, Yonatão, omõla ocitunda Aviatare, weya. Oco Adoniya wa popia laye hati, Iñila, omo ove wulume wocili, kuenje o nena ondaka yiwa.
43
Oco Yonatão wa kumbulula, yu wa popia la Adoniya hati, Ocili muẽle, cime cetu Soma Daviti wa vialeka Salomone.
44
Soma wa tuma ocitunda Sadoke luprofeto Natana la Benaya omõla a Yehoyada, la va Keriti la va Pelete, ha va endi laye, yu va wendisila komula ya Soma.
45
Kuenje ocitunda Sadoke luprofeto Natana vo wavekela ko Gihone, ha lingi osoma. Yu va tiukako loku ulula kuenje imbo lia tokota lesanju. Eyi oyo onjuela wa yevi.
46
Kuenda Salomone wa tumãla kocalo cusoma.
47
Kuenda vali akuenje va Soma veya oku pandiya cime cetu Soma Daviti, vati, Suku yove a kemalise onduko ya Salomone, okuti onduko yove yi sule, kuenda a velisepo ocalo caye, okuti ocalo cove ci sule. Kuenje Soma wa petamela vula waye.
48
Kuenda Soma wa Popiavo hati, Yehova, Suku ya Isareli, a sivayiwe, momo wa nyiha u wa tumãla kocalo cange etaili osimbu ovaso ange a ci lete.
49
Oco akombe vosi va kala la Adoniya va saluka, kuenje va katuka yu va enda omunu omunu lonjila yaye.
50
Adoniya wa yokokela Salomone oco wa katuka, wa enda, yu wa kuatelela kolombinga viutala.
51
Va sapuila Salomone vati, Tala Adoniya wa yokokela Soma Salomone, kuenje ota, wa kuatelela kolombinga viutala, hati, Soma Salomone a lisile lame etaili okuti ka ipaya ukuenje waye losipata.
52
Oco Salomone wa popia hati, Nda eye o linga omunu wocili, lalimue kesinga liaye li lokila posi. Puãi nda kokuaye ku sangiwa emande, o fa.
53
Oco Soma Salomone wa tuma yu va ka wupile kutala. Eye weya, yu wa sambela Soma Salomone, kuenje Salomone wa popia laye hati, Kuende konjo yove.
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 2 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22