bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Umbundu
/
Umbundu Bible (Embimbiliya - Bíblia Sagrada em Umbundu)
/
1 Kings 22
1 Kings 22
Umbundu Bible (Embimbiliya - Bíblia Sagrada em Umbundu)
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
1
Anyamo atatu ka kua kaile ovita pokati ka Suria la Isareli.
2
Puãi kunyamo watatu, Yehosafata Soma ya Yuda weya ku Soma ya Isareli.
3
Soma ya Isareli wa popia lakuenje vaye hati, Wa kulihi he okuti Ramote Gileada yetu? Letu tua tumãla ño, hã ka tu yi pundi peka lia Soma ya Suria!
4
Wa popia la Yehosafata hati, O yongola hẽ oku enda lame oku yaka ko Ramote Gileada? Yehosafata wa popia la Soma ya Isareli hati, Ame, haime ño ove, omanu vange omanu vove, lotuvalu tuange otuvalu tuove.
5
Yehosafata wa popia la Soma ya Isareli hati, Hu pinga, puliliya handi ondaka ya Yehova.
6
Oco Soma ya Isareli wongoluila pamosi ovaprofeto, va soka ovita vikuãla vialume, yu wa popia lavo hati, Ngenda oku liyaka la Ramote Gileada ale, ale ndi liwekapo? Ovo vati, Kuende, momo Yehova o yeca peka lia Soma.
7
Puãi Yehosafata hati, Kulo hẽ ka kuli uprofeto umue ukuavo wa Yehova, ha tu u puliliya?
8
Soma ya Isareli wa popia la Yehosafata hati, Kuli omunu umue, Mikaya, omõla a Imila, eye o tela oku tu pulilako ku Yehova. Puãi ndu nyale, momo vovitumasuku viaye ka mopailako ciwa, te cĩvi. Oco Yehosafata hati, Soma ka ka vangule ndoco!
9
Oco Soma ya Isareli wa kovonga ukuenje umue welombe, hati, Yayulako, kope Mikaya, omõla a Imila.
10
Kaliye Soma ya Isareli la Yehosafata Soma ya Yuda, va wala uwalo wavo wusoma, va tumãla u kocalo caye, u kocalo caye, polumbandi luokombundi ya Samaria. Ovaprofeto vosi va kala loku popia ovitumasuku kovaso avo.
11
Sedekiya, omõla a Kenaana, wa lipangela olombinga viutale, kuenje hati, Ca popia Yehova ceci, hati, O ka toma va Suria lolombinga evi, toke va kunduka.
12
Ovaprofeto vosi va popia ocitumasuku citi, Kuende ko Ramote Gileada, o ka yula, momo Yehova o yeca peka lia Soma.
13
Omunga yina ya ka kovongele Mikaya ya popia laye yiti, Tala, olondaka viovaprofeto vi likuete kumosi oku popela Soma eci ciwa. Oco hu pinga, ondaka yove yi linge ndeyi yavo, popiavo ciwa.
14
Mikaya hati, La Yehova o kasi lomuenyo, eci Yehova a sapuila, haico mopia.
15
Eci eya ku Soma, Soma wa popia laye hati, A Mikaya, tu enda oku liyaka la Ramote Gileada ale, ale tu liwekapo? Eye wa tambulula hati, Kuende o ka yula, momo Yehova o yeca peka lia Soma!
16
Puãi Soma wa popia laye hati, Olonjanja viñami hu lipilikila siti, Ku ka sapuile cimue caño, te eci cocili vonduko ya Yehova?
17
Mikaya hati, Nda mõla Isareli yosi ya sandokaila kolomunda, ndolomeme ka vi kuete ungombo. Kuenje Yehova hati, Avandeti ka va kuete cime cavo. Va tiukile lombembua omunu omunu konjo yaye.
18
Soma ya Isareli wa popia la Yehosofata hati, Sia ku sapuilile hẽ okuti eye ka mopela ciwa vocitumasuku caye, te cĩvi?
19
Mikaya hati, Oco yevelela ondaka ya Yehova. Nda mõla Yehova wa tumãla kocalo caye, kuenda olohoka viosi viokilu vi tãi kondio yaye lokepili liaye.
20
Kuenje Yehova hati, Helie o tamba Ahava, oco a ende ko Ramote Gileada, ha takelako? U wa tambulula eci, u wa tambulula eci.
21
Kuenje espiritu limue lieya, lia talama kovaso a Yehova, liti, Ame ndu tamba.
22
Yehova wa popia lalio hati, U tamba la nye? Eye hati, Nunda ha linga espiritu liuhembi vomela wovaprofeto vaye vosi. Yehova hati, Ove o ko tamba, kuenda u yula. Kuende, ci linga.
23
Kaliye tala, Yehova wa kapa espiritu liuhembi vomela wovaprofeto vove vosi avandeti. Yehova wa ku tukuila eci cĩvi.
24
Oco Sedekiya, omõla a Kenaana, wamako, yu wa tendula Mikaya ocikusi, kuenje hati, Espiritu lia Yehova lia nunda ndati ha li vangula love?
25
Mikaya hati, Tala, o ci limbuka eteke liaco eci o ka salama vohondo yovokati.
26
Soma ya Isareli wa popia hati, Kuata Mikaya, tiukila laye ku Amoni, sekulu yimbo, lo ku Yoasi, omõla a Soma.
27
Ka linge huti, Ca popia Soma ceci, hati, Kapi omunu u vokayike, u tekuli lokulia kuohali, u nyuisi ovava ohali, toke niuka lombembua.
28
Mikaya hati, Nda o tiuka ocili lombembua, oco Yehova ka popele lame. Kuenda wa popia hati, Ene alofeka viosi, yeveleli.
29
Oco Soma ya Isareli la Yehosafata, Soma ya Yuda, va enda ko Ramote Gileada.
30
Soma ya Isareli wa popia la Yehosafata hati, Poku enda kocilunga, ndi liviaviaiya, puãi ove wala ño uwalo wove wusoma. Oco Soma ya Isareli wa liviaviaiya, yu wa enda kocilunga.
31
Puãi Soma ya Suria wa handelekele vakesongo liakãlu aye, akui atatu la vavali, hati, Lomue vu ka yaka laye, ci kale utito, ci kale unene, te lika la Soma ya Isareli.
32
Eci vakesongo liakãlu va mõla Yehosafata, oco va popia vati, U eye muẽle Soma ya Isareli. Oco va amako ha va liyaki laye. Yehosafata yu wa liyula.
33
Eci vakesongo liakãlu va limbuka okuti heyeko Soma ya Isareli, oco vo siapo.
34
Omunu umue wa imba ño usongo waye lonumbi, lowo wasa Soma ya Isareli petokekelo liuwalo waye wutale. Oco wa popia lukuakuendisa ekãlu liaye, hati, Ñualisapo, njupe vocilunga, momo nda asiwa.
35
Eteke liaco ocilunga ca tokota. Soma vo talamisa vekãlu liaye kovaso a va Suria, toke a fa koñolosi. Osonde yopepute liaye ya papukila vekãlu.
36
Pokuiñila kuekumbi va imba oluiya pokati kolohoka vati, Omunu omunu a ende kimbo liavo, omunu omunu a ende kofeka yavo.
37
Oco Soma wa fa, yu vo tuala ko Samaria, kuenje va kenda Soma vo Samaria.
38
Eci va sukula ekãlu kociva ca Samaria, oco olombua via lesa osonde yaye, ndondaka yina ya popele Yehova. Kociva caco haiko kua yuayua ovipuepue.
39
Ovilinga vikuavo via Ahava, levi viosi a linga, lonjo yina a tunga lolombinga violonjamba, lovaimbo osi a tunga, ka ca sonehelue he velivulu liasapulo olosoma via Isareli?
40
Oco Ahava wa pekela kumue lolosekulu viaye. Omolaye Ahasiya wa piñala komangu yaye.
41
Yehosafata, omõla a Asa, wa fetika oku vie la ko Yuda kulima wakuãla wa Ahava, Soma ya Isareli.
42
Yehosafata, eci a fetika oku viala, wa kala lanyamo akui atatu la atãlo, kuenje wa viala anyamo akui avali la atãlo ko Yerusalãi. Onduko ya inaye Asuva, omõla a Silihi.
43
Yehosafata wa endaila vonjila yosi ya isiaye Asa. Ka pambukilemo, wa linga eci ca sunguluka kovaso a Yehova. Haimo ovotala okolonumbuko ka opilueko. Omanu lopo va lumba lumba, loku timihaila insensu kolonumbuko.
44
Yehosafata wa linala la Soma ya Isareli.
45
Ovilinga vikuavo via Yehosafata, lovonene aye a lekisa, lomo a yaka, ka ca sonehelue hẽ velivulu liasapulo olosoma via Yuda?
46
Vakuokahonga walume lalume, vana va supilepo koloneke via isiaye Asa, wa va kundula vofeka.
47
KEdome ka kua kaile osoma. Kua viala ño kalei.
48
Yehosafata wa tunga olonaviyu via Tarsisi, ha vi endi oku kopa ulu kOfiri. Puãi ka via endele, momo olonaviyu via tekaila kEciongevere.
49
Ahasiya omõla a Ahava wa popia la Yehosafata hati, Akuenje vange va ende kumue lakuenje vove volonaviyu. Puãi Yehosafata ka tavele.
50
Yehosafata wa pekela lolosekulu viaye, yu vo kenda kumue lolosekulu viaye vimbo lia isiaye Daviti. Omolaye Yehorama wa piñala komangu yaye.
51
Ahasiya omola a Ahava wa fetika oku viala kIsareli ko Samaria kunyamo wekui lepanduvali wa Yehosafata, Soma ya Yuda, kuenje wa viala anyamo avali kIsareli.
52
Wa lingainga eci cĩvi kovaso a Yehova, wa endaila vonjila ya isiaye lovonjila ya inaye lovonjila ya Yerevoama, omõla a Nevata, una wa kokela Isareli oku linga ekandu.
53
Wa vumba Baale, wo fendela, yu wa wengula onyeño ya Yehova, Suku ya Isareli, ndeci cosi ca lingaile isiaye.
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22