bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Umbundu
/
Umbundu Bible (Embimbiliya - Bíblia Sagrada em Umbundu)
/
1 Kings 6
1 Kings 6
Umbundu Bible (Embimbiliya - Bíblia Sagrada em Umbundu)
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 7 →
1
Kunyamo wovita vikuãla lakui ecelala kovaso yokutunda kua va Isareli kofeka yEgito, kunyamo wakuãla wuviali wa Salomone kIsareli, kosãi ya Sivi, haiyo osãi yavali, oco Salomone a fetika oku tunga onjo ya Yehova.
2
Onjo yaco Soma Salomone a tungila Yehova, okulepa kuayo kua soka akui epandu kovikeya, upati wayo akui avali kovikeya kuenda usovi wayo akui atatu kovikeya.
3
Okulepa kuocindumba ca kala kovaso yohondo yi kola yonjo kua lisoka lupati wonjo, ndokuti akui avali kovikeya. Upati waco kovaso yonjo wa soka ekui liovikeya.
4
Onjo wa yi tungila olonjanela via likupikila vokati, haivio via tungiwa ndongayola.
5
Kocimano conjo wa tungihinyako olosapalalo via ñuala ovimano vionjo, ndokuti vievi vionembele levi viocitumãlo ci kola koku kola. Kolonele viaco viosi wa tungako olohondo.
6
Ohondo yoposi yolosapalalo upati wayo wa soka ovikeya vitãlo. Ohondo yo pokati, upati wayo wa soka ovikeya epandu. Ohondo yokilu upati wayo wa soka ovikeya epanduvali, momo vocimano cina ca ñuala onjo wa siamo olosikata, oco olohangalo ka vi ka kuate vocimano conjo.
7
Eci onjo ya kala loku tungiwa, ya tungiwa lovawe eya tupu a songiwa ale. Oco konjo ka kua yevalele omatelo pamue ondiaviti pamue ocivela cikuavo, osimbu ya kala loku tungiwa.
8
Ombundi yolohondo vioposi ya kala konele yondio yonjo. Oku londa kolohondo vio pokati, lokolohondo viokilu, va londa losikata.
9
Wa tunga onjo kuenje wa yi malusula. Wa soka onjo lolohangalo, wa yi yambela lavaya ovinendele.
10
Konjo yosi wa tungihinyako olosapalalo. Usovi wosapalalo losapalalo wa soka ovikeya vitãlo. Ovio via tokekisua konjo lolohangalo viovinendele.
11
Ondaka ya Yehova yeya ku Salomone, yiti,
12
Kaliye ove o kasi loku tunga onjo yilo! Nda wendela vovisila viange, loku linga ovihõlo viange loku lava ovihandeleko viange viosi, hu endaenda lavio, oco ame hu telisila ondaka yange, yina nda popele la so Daviti.
13
Kuenje ndi tumãla pokati ka va Isareli, kuenda omanu vange va Isareli si va yanduluka.
14
Oco Salomone wa tunga onjo, kuenje wa yi malusula.
15
Ovimano viovokati konjo, wa vi yambela lavaya ovinendele. Tunde posi yonjo toke kolohangalo violusoka, wa vi yambela vokati lavaya. Posi yonjo wa kapapo avaya ongaye.
16
Vosilo yonjo wa tungamo lavaya ovinendele ca soka akuĩ avali kovikeya tunde posi toke kolohangalo. Wa ci tunga vokati, ha ci lingi ocitumãlo ci kola, haiyo ohondo yi kola koku kola.
17
Onjo ya kala kovaso yocitumãlo ci kola, haiyo onembele, okulepa kuayo kua soka akui akuãla kovikeya.
18
Vavaya ovinendele, ana o vokati konjo, mua luvikiyiwa atila loloneleho via temula. Cosi ovinendele lika, lalimue ewe lia moleha.
19
Salomone wa angiliya vokati konjo ocitumãlo ci kola, ha kapimo ocikasa covisila via Yehova.
20
Okulepa kuocitumãlo ci kola koku kola kua soka akui avali kovikeya, upati waco akui avali kovikeya, lusovi waco akui avali kovikeya. Kuenje wa ci laña lulu wopululu. Utala wavaya ovinendele, wo laña lulu.
21
Oco Salomone wa laña vokati konjo lulu wopululu, kuenje wa patekamo alienge ulu kovaso yocitumãlo ci kola koku kola.
22
Onjo yosi wa yi laña lulu, toke onjo yosi ya lañiwa pe, ndaño utala una wa tiamẽla vocitumãlo ci kola koku kola, wosi, wo laña lulu.
23
Vocitumãlo ci kola koku kola wa pangelamo vakeruvi vavali luti woliveira, ukeruvi lukeruvi usovi waye wa soka ekui liovikeya.
24
Evava liukeruvi lia kala lovikeya vitãlo, evava likuavo liukeruvi lia kalavo lovikeya vitãlo. Tunde kosungu yevava toke kosungu yevava likuavo pa kala ekui liovikeya.
25
Ukeruvi ukuavo wa sokavo ekui liovikeya. Vakeruvi kavali kavo, oseteko yavo yimuamue lutunga wavo umuamue.
26
Usovi wukeruvi umue wa soka ekui liovikeya, haicovo ukeruvi ukuavo.
27
Wa kapa vakeruvi vokati kocitumãlo ci kola koku kola. Avava a vakeruvi a nyanyumuha, oco evava liukeruvi umue liasa vocimano cikuavo, levava liukeruvi ukuavo liasa vocimano cikuavo. Avava avo a ñualẽhẽla pokati la kati konjo.
28
Oco vakeruvi wa va laña lulu.
29
Vovimano viosi vionjo, wa luvikiyamo oviluvialuvia viavakeruvi loviti vieva kuenda oloneleho via temũla, vokati lo posamua.
30
Posi yonjo wa lañapo ulu, vokati lo posamua.
31
Ombundi yocitumãlo ci kola koku kola wa yi pangela apito uti woliveira. Ocipamba lovikuli via lisoka lonepa yatãlo yocimano.
32
Oco wa panga apito avali uti woliveira. Wa luvikiyamo vakeruvi loviti vieva loloneleho via temũla, kuenje wa vi laña lulu. Vakeruvi loviti vieva, cosi wa ci lañavo lulu.
33
Ombundi yonembele wa yi tungilavo ovikuli viuti woliveira, haivio via lisoka lonepa yakuãla yocimano.
34
Wa panga apito avali uti wongaye. Epito limue lia kala lolonepa vivali vi tava oku vi ketika, lepito likavo via kalavo lolonepa vivali vi tava oku vi ketika.
35
Wa luvikiyamo vakeruvi loviti vieva loloneleho via temula, kuenje wa vi laña lulu loku u sandula ciwa koviluvialuvia via luvikiyiwa.
36
Wa tunga ocitali covokati lovilala vitatu viovawe a songiwa, lulala umuamue wolohangalo viovinendele.
37
Kunyamo wakuãla, kosãi ya Sivi, oco ociseveto conjo ya Yehova ca sevetiwa.
38
Kunyamo wekui la mosi kosãi ya Buli, haiyo osãi yecelala, oco onjo ya pua, lolonepa viayo viosi, ndomo muẽle ya sesamela oku kala. Oco Salomone wa yi tunga anyamo epanduvali.
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 7 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22