bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Umbundu
/
Umbundu Bible (Embimbiliya - Bíblia Sagrada em Umbundu)
/
1 Kings 19
1 Kings 19
Umbundu Bible (Embimbiliya - Bíblia Sagrada em Umbundu)
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 20 →
1
Ahava wa sapuila Isevele cosi ca linga Eliya, kuenda ndomo a ipa ovaprofeto vosi losipata.
2
Oco Isevele wa tuma omunga ku Eliya, hati, Olosuku vi ndinge cosi via panga, kuenda vi vandekeko ño, nda hela owola ndoyo, omuenyo wove siu lingi ndu wavo.
3
Eliya wa saluka, wa katuka, yu wa enda ha popela omuenyo waye. Weya ko Beresieva, yo ko Yuda, kuenje haiko a sia ukuenje waye.
4
Eye muẽle wa enda etulo limosi vekalasoko, wa pitila pemi liuti, haipo a tumãla. Yu wa lipingila okufa, hati, Ndoco yapa! Kaliye a Yehova, njupe omuenyo wange, momo sia velelepo olosekulu viange.
5
Wa pekela vemi liuti, otulo tuo wila kuenje tala, ungelo umue wo lamba, yu wa popia laye hati, Pasuka, lia.
6
Oco wa vanja kuenje ota, kovitue viaye kua kala ekende lia yokiwa pohanda ya tokota locikuata covava. Oco wa lia, wa nyua, yu wa pekela vali.
7
Ungelo wa Yehova weya onjanja yavali, wo lamba hati, Pasuka, lia, momo ungende wove wa lepa enene.
8
Wa pasuka, wa lia, wa nyua kuenje wa enda longusu yokulia kuaco akui akuãla kovotanya lakui akuãla kovoteke, toke ko Horeve omunda ya Suku.
9
Oku pitila oko, wa iñila veleva, omo a sikĩla. Kuenje tala, ondaka ya Yehova yeya kokuaye, eye wa popia laye hati, O linga nye kulo, a Eliya?
10
Eye hati, Nda kuatelele Yehova Suku yolohoka ombili yalua. Momo va Isareli va yanduluka ocisila cove, va lundula ovotala ove, kuenda va ipa ovaprofeto vove losipata. Ame, ame lika nda supapo, kuenje va sanda oku njupa omuenyo wange.
11
Yehova wa popia hati, Tundila posamua, talama komunda kovaso a Yehova. Kuenje tala, Yehova wa vinjuka. Ofela yehunguhungu ya tola olomunda, kuenda ya nyanyowaila ovawe kovaso a Yehova. Puãi Yehova vocilemawe kemo.
12
Kovaso yocilemawe kueya ondalu. Puãi Yehova vondalu kemo. Kovaso yondalu kua yevala okandaka katito ka leñehako.
13
Oco, eci Eliya a ka yeva, wa lisikĩlila kocipala caye lonanga yaye yoku livatula, wa tundila posamua, yu wa talama komela yeleva. Kuenje tala, kuo yevalela ondaka yiti, O linga nye kulo, a Eliya?
14
Wa kumbulula hati, Nda kuatelele Yehova Suku yolohoka ombili yalua. Momo va Isareli va yanduluka ocisila cove, va lundula ovotala ove, kuenda va ipa ovaprofeto vove losipata. Ame, ame lika nda supapo, kuenje va sanda oku njupa omuenyo wange.
15
Yehova wa popia laye hati, Kuende, tiukila lonjila yove yovekalasoko lia Damasko. Eci o pitilako, waveka Hasaele, a linge Soma ya Suria.
16
La Yehu, omõla a Nimisi, u waveka ha linga osoma kIsareli, la Elisia, omõla a Siafata, wo kAvelemehola, u waveka ha lingi uprofeto o ku piñala.
17
Kuenje ciya ndomo okuti, u o puluka kosipata ya Hasaele, Yehu o wipa. Lu o puluka kosipata ya Yehu, Elisia o wipa.
18
Haimo ndi lisupisilapo olohũlũkãi epanduvali viomanu kIsareli, vana vosi ka va kekamelele Baale kolongolo, haivo ka vo sipuile.
19
Oco wa tundako kuenje wa sanga Elisia, omõla a Siafata, wa kala loku lima losaluwa, kumue lolokanga ekui la vivali violongombe kovaso aye. Eye wa kalapo leyi yekui la vali. Eliya wa loña kokuaye, kuenje wo wimbila onanga yaye yoku livatula.
20
Elisia wa siapo olongombe, yu wa lupukila Eliya, kuenje hati, Hu pinga, ngece si ka sipula tate la mai, oco hu kuame noke. Eye wa popia laye hati, Kuende, tiuka vali, sokolola eci nda ku linga.
21
Eci a tiuka koku landula Eliya, wa kuata okanga yolongombe, wa vipa kuenje wa teleka ositu yavio loku yi siakãlela lolokanga violongombe. Yu wavela omanu lovo va lia. Noke wa katuka, wa kuama Eliya, kuenje wo vumba.
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 20 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22